Freyr - 01.03.1987, Blaðsíða 7
Ráðunautafundur 1987.
Ráðunautafundur Búnaðarfélags íslands og
Rannsóknastofnunar landbúnaðarins 1987
var haldinn í Bændahöllinni dagana 10. til 13.
febrúar sl. Þrenn meginefni voru til meðferð-
ar á ráðstefnunni; a. veðurfar og búskapur á
norðlægum slóðum, b. heimaöflun og c. þátt-
ur leiðbeiningaþjónustunnar í framleiðslu-
stjórnun og eflingu nýgreina.
Þau erindi sem flutt voru um fyrsta efnið,
veðurfar og búskap á norðlægum slóðum, eru
hluti af stærra verkefni sem alþjóðleg stofnun
með aðsetur í Austurríki, er fjallar um auð-
lindir jarðar og vandmál í meðferð og nýtingu
þeirra, gengst fyrir og fer fram víða um heim.
Niðurstöður íslensku rannsóknanna hafa
nokkuð verið kynntar. Þar kemur fram hve
búskaparskilyrði hér á landi eru háð hitafari,
en lækkun meðalhita um 1°C getur leitt til
15—20% rýrnunar á beitarþoli úthaga eftir
hæð yfir sjó o.fl. Einn sá þáttur sem veldur
hækkun á hitastigi á jörðinni er koltvísýringur
í andrúmslofti. Mikil notkun á kolum og olíu á
síðari tímum hefur valdið því að magn koltví-
sýrings hefur aukist í andrúmslofti og er enn
að aukast. Tvöföldun þess leiðir til að meðal-
hiti hér á landi hækkar um 4°C þannig að
loftslag hér yrði eins og í Skotlandi. Efamál er
hvort það yrði þjóðinni eingöngu fagnaðar-
efni þar sem slík hækkun hita leiddi m.a.
einnig til bráðnunar jökla og hækkunar á yfir-
borði sjávar.
Fyrirferðamesta viðfangsefni Ráðunauta-
fundarins var heimaöflun. Um árabil hefur
heimaöflun í fjölbreyttari mynd en verið hefur
á síðari tímum verið kall tímans og margt
hefur þar áunnist. Er þar nærtækt að benda á
minnkandi fóðurbætisnotkun í sauðfjár- og
nautgriparækt á undanförnum árum. Umfjöll-
un um heimaöflun á Ráðunautafundi skiptist í
nokkra meginþætti. Þeir voru bætt ræktun,
þ.e. nýting túna, grænfóðurs, korns og belg-
jurta. Annar þáttur var fóðurverkun og fóðr-
un. Þar var m.a. fjallað um ýmsar hliðar
votheysverkunar, bæði í hefðbundnum
geymslum og í rúlluböggum og tæknileg atriði
við að koma fóðrinu af túni í geymslu. Einnig
var þar fjallað um heykögglagerð á bændabýl-
um en nokkrar færanlegar vélasamstæður sem
framleiða heyköggla eru nú reknar hér á
landi. Um fóðrun voru m.a. fluttir fyrirlestrar
um nýtingu jóturdýra á gróffóðri og samhengi
fóðurverkunar og væntanlegs fóðrunarárang-
urs. Þar voru kynntar niðurstöður þess efnis
að prótein má ekki vera of auðmelt ef jórtur-
dýr eiga að nýta það til fulls. Beinir það
sjónum að því hve eldþurrkað fiskimjöl er
góður próteingjafi fyrir jórturdýr.
Fóður einmaga dýra var einnig fjallað um,
einkum hvernig auka má hlut innlends fóðurs
í fóðri svína, alifugla og kanína.
Lokaþáttur í heimaöflun á þinginu var um
beit. Þar voru lagðar fram nýjar og nýlegar
tilraunaniðurstöður um beit hrossa, sauðfjár
og nautgripa.
Síðasti dagur Ráðunautafundar var helgað-
ur þætti leiðbeiningaþjónustunnar í fram-
leiðslustjórnun og eflingu nýgreina. Þann dag
var fjallað um þau mál sem koma mest við
kviku bænda um þessar mundir, sem eru
markaðsmál og í framhaldi af þeim viðhald
búsetu. Erindi voru flutt um búvörulögin,
baksvið þeirra og breytingar sem kölluðu á
setningu þeirra, um framleiðslustjórn og bú-
vörusamninga ríkis og Stéttarsambands, um
Framleiðnisjóð landbúnaðarins og um bú-
rekstrarkönnun á Norðurlandi.
Þá voru flutt erindi um þátt leiðbeininga-
þjónustunnar í eflingu nýgreina og erindi um
möguleika í nýgreinum í sveitum. í sambandi
við síðasttalda erindið var lögð fram ítarleg
hugmyndaskrá Stéttarsambands bænda um
nýja atvinnumöguleika í sveitum, sem send
mun verða öllum bændum á landinu.
Eins og það efni sem hér hefur verið rakið
ber með sér, og er þó ekki allt upp talið, var
rauði þráður fundarins að leita ráða til að
leiða íslenskan landbúnað út úr þeim þreng-
Frh. á bls. 201.
Freyr 175