Freyr - 01.03.1987, Blaðsíða 11
Býst þú þá við að áburðarverð
þurfi ekki að hœkka meira en
annað verðlag í fyrirsjáanlegri
framtíð?
Nei. Aö vísu hefur áburöur verið
niðurgreiddur, en framleiðslu-
kostnaður áburðar hækkar ekki
umfram verðlag. Síðan er það
ákvörðun stjórnvalda hvort þess-
um niðurgreiðslum verður haldið
áfram eða ekki.
Haftð þið samanburð á verði
áburðarfrá Áburðarverksmiðj-
unni og innflutts áburðar? Er
áburður dýrari hér?
Nú komum við að mjög stóru
máli. Framleiðslukostnaður okkar
er um þessar mundir hærri heldur
en framleiðslukostnaður erlendis.
Þær upplýsingar sem við höfum
um áburðarverð erlendis sýna að
söluverð á áburði frá okkur er
ekki hærra að frádreginni niður-
greiðslu. Ef við nytum ekki niður-
greiðslanna værum við með hærra
áburðarverð. Þetta hefur þróast
mjög til verri vegar á síðustu
árum, og reyndar einkum á síð-
ustu 18 mánuðum. Þar kemur til
að geysilegt verðfall hefur orðið á
ammioníaki erlendis í framhaldi af
olíuverðlækkuninni. En á sama
tíma hækkaði verð á raforku til
Áburðarverksmiðjunnar. Það tvö-
faldast.
Sem tengist aftursölu á raforku til
Álversins?
Já, verð á raforku til Áburðar-
verksmiðjunnnar miðast við
heimsmarkaðsverð á áli. Mér
finnst óeðlilegt að í þessum samn-
ingi skuli verð á rafmagni til
áburðarframleiðslu miðast við það
hvað ál kostar á heimsmarkaði.
Það er miklu eðlilegra að miða við
verðlag á ammnoníaki úti í heimi
því að sú raforka sem við erum að
nota til framleiðslu á ammoníaki
er í beinni verðsamkeppni við það
ammoníak sem við getum keypt
erlendis. Við erum þess vegna að
ræða við Landsvirkjun um
breytingar á gildandi raforku-
samningi.
Daði Sveinbjörnsson í hráefnisgeymslu.
Hvað er raforkukostnaðurinn stór
hluti af áburðarverðinu?
Raforkukostnaðurinn er um 60%
af framleiðslukostnaði ammoníaks
en um 14% af beinum fram-
leiðslukostnaði áburðarins. Þá má
nefna að Áburðarverksmiðjan er
óhagkvæm framleiðslueining ef
við berum hana saman við aðrar
áburðarverksmiðjur. Við fram-
leiðum hér um 350 tonn á hvern
starfsmann á ári meðan við vitum
að í öðrum verksmiðjum eru fram-
leidd um 1500 — 2000 tonn á
starfsman á ári.
íhverju liggurþað?
Það liggur bara í smæðinni. Þetta
er lítil verksmiðja og litlar verk-
smiðjur verða alltaf óhagkvæmari
heldur en stórar verksmiðjur
vegna hagkvæmni stærðarinnar.
Hún gildir íþessu sambandi?
Já það gerir hún vissulega. En við
höfum gripið til ýmissa aðgerða til
Freyk 179