Freyr - 15.03.1987, Blaðsíða 21
Áx 1986
Nr. 557 Ár 1986
Nr. 558
OTMA — hjólmúgavél
Gerð: OTMA RP 110-SB. Frameiðandi: OTMA
SpA, Trestina (PG), Ítalíu. Innflytjandi: Orkutækni
hf., Reykjavík.
MARAGON — heyhleðsluvagn
Gerð: Maragon Faster 40. Framleiðandi: Eugenio
Marangon & Figilo SpA, Ítalíu. Innflytjandi: Orku-
tækni hf., Reykjavík.
YFIRLIT.
Hjólmúgavélin OTMA RP 110-SB var reynd af
Bútæknideild Rannsóknastofnunar landbúnaðarins
sumarið 1986 og notuð alls um 14 klst.
OTMA RP er hjólmúgavél sem er tengd á þrítengi
dráttarvélar og vegur um 550 kg. Vélin er samsett af
tveimur rakstrareiningum sem festar eru á einn
burðarramma. Vélin reyndist raka viðunandi vel en
einnig má nota hana til að rifja hey líkt og flestar
gerðir hjólmúgavéla. Magn dreifa í rakstrarfari
reyndust að jafnaði á bilinu 1,1-2,0 hkg/ha við
eðlilegan ökuhraða. Vélin fylgir nokkuð vel ójöfnum
á yfirborði landsins. Unnt er að raka frá skurð-
bökkum og girðingum, en dráttarvélin treður
heyflekkinn eins og aigengt er með lyftutengdar
múgavélar. Vélin rakar frá báðum hliðum og skilar
heyinu í einn múga aftur frá miðju dráttarvélar. Við
mikla uppskeru er vélin gjörn á að draga heyið í
flygsur og skila ójöfnum múgum. Einnig eru múgar
hlykkjóttir þar sem vélin er stíftengd dráttarvél.
Vinnslubreidd vélarinnar er allt að 7,0 m. Ökuhraði
er hæfilegur 9-14 km/klst. Múgavélin er erfið í
tengingu við dráttarvél og vissir örðugleikar að nota
hana i heilu lagi á litlum og óreglulegum spildum.
Auðvelt er að taka vélina í sundur og nota hvorn
rekstrarhluta fyrir sig. Hvor hluti vélarinnar er þá
með vinnslubreidd allt að 3,3 m. Engar bilanir komu
fram á reynslutímanum.
YFIRLIT.
Maragon Faster 40 heyhleðsluvagninn var prófaður
af Bútæknideild Rannsónastofnunar landbúnaðarins
sumarið 1986 og notaður alls 80 klst. Vagninn er
ætlaður til flutninga á heyi og grænfóðri. Sópvindan
vísar aftur og er lyft með vökvaátaki frá dráttarvél.
Hleðslubúnaðurinn vann óaðfinnanlega. Hleðslutími
við þurrheyshirðingu var að jafnaði 5,6 mín/tonn og
votheyshirðingu 2,1 mín/tonn. Hlassþungi var að
jafnaði 2,7 tonn af votheyi en 1,7 tonn af þurrheyi.
Koma má fyrir 11 hnífum í vagninum í tveimur röðum
og er bil milli þeirra þá um 140 mm. Til að söxun á
votheyi verði umtalsverð eru hnífarnir of fáir. Þeir
létta hins vegar alla meðferð á heyinu og stuðla að
betri þjöppun í votheysgeymslu. Losun vagnsins
tekur minnst um 2,3 mín. auk þess sem nokkurn tíma
tekur að bakka að losunarstað og opna og loka
afturgrind. Ætla verður minnst 40 kW (54 hö)
dráttarvél fyrir vagninn, eigi að fullnýta rými hans og
afköst. Hann er á fjórum belgmiklum hjólbörðum og
sporar því tiltölulega lítið á gljúpum jarðvegi. Á
reynlutímanum bilaði keðjulás í drifkeðju
botnfæribands auk þess sem fjórir tindar í sópvindu
bognuðu. Annars reyndist vagninn traustbyggður og
engar meiriháttar bilanir komu fram.
Freyr 229