Freyr - 15.03.1987, Blaðsíða 22
Ár1986
Nr. 559 Ár 1986
Nr. 560
BOXJET — þvottatæki
Gerð: Turbo 8-70. Framleiðandi: Interpump Spa.
Ítalíu. Innflytjandi: Orkutækni hf., Reykjavík.
YFIRLIT.
Boxjet þvottatækið var reynt af Bútæknideild Rann-
sóknastofnunar landbúnaðarins sumarið 1986. Tækið
er framleitt fyrir almennan markað, en hentar vel til
hreingerninga á búvélum og í búrekstrarbyggingum.
Það er knúið af rafmótor og er háþrýstidælan sam-
byggð honum. Dælan er þriggja strokka stimpildæla
sem gefur þrýsting allt að 6,7 MPa (1 MPa=10,2 bar)
en hann má stilla þreplaust niður í um 1,1, MPa.
Straumnotkun tækisins er breytileg eftir þrýstingi frá
um 6,0 A í 9,5 A, og sömuleiðis vatnsnotkun frá 3,11/
mín í 7,4 1/mín. Slagkraftur frá ýrisstút er mjög háður
fjarlægð frá yfirborði. í 50 mm fjarlægð með stillingu
á mesta þrýsting er krafturinn um 550 kPa (1
kPa=10,2 g/m2) sem dreifist á um 25 mm2 flöt. Breyta
má dreifigeislanum með stillingu á ýrisstút og svo
þrýstingi á þvottaflöt með því að færa ýrisstút fjær. Á
þvottatækinu er búnaður til að blanda hreinsiefnum í
vatnið og virtist hlutfall þeirra oftast vera um 20%.
Tækið er einfalt og lipurt í notkun og vinnur vel en
hentar best til staðbundinna verkefna þar eð undir
því er ekki hjólagrind. Á reynslutímanum bilaði
slanga frá dælu að handfangi á ýrisstút og sprunga
kom í handfangið. Engar bilanir komu fram á mótor
eða dælu og í heild virist tækið trautbyggt.
NIEMEYER — sláttuþyrla
Gerð: RO 170-H. Framleiðandi: H. Niemeyer Söhne
Gmbh & Co., Þýskalandi. Innflytjandi: Hamar hf.,
Reykjavík.
YFIRLIT.
Sláttuþyrla Niemeyer RO 170-H var reynd af Bú-
tæknideild Rannsóknastofnunar landbúnaðarins
sumarið 1986 og notuð alls um 105 klst.
Hún er tengd á þrítengi dráttarvélar og er lyft upp
með vökvaátaki í flutningsstöðu. Pyngd hennar er
um 372 kg. Sláttuþyrlan reyndist slá jafnt og var
stubblengd í sláttufari við ökuhraðann 5,5-7,1 km/
klst um 70% innan 20-50 mm markanna. Stilla má
sláttufjarlægð með stillisveifum sem eru ofan á
vélinni. Á illa sléttu landi bar á því að sláttuhnífarnir
særðu grasrót en við algengar aðstæður fylgdi vélin
vel ójöfnum landsins. Vinnslubreidd sláttuþyrlunnar
er allt að 1,60 m og mældust afköst að jafnaði 1,0-1,4
ha/klst við venjulegar aðstæður og ökuhraðann 8-12
km/klst. Ætla verður um 27-37 kW (37-50 hö)
dráttarvél fyrir sláttuþyrluna. Ein hnífafesting bogn-
aði þegar sláttubúnaður varð fyrir jarðföstum steini.
Hnífaslit voru eðlileg. Engar bilanir komu fram á
reynslutímanum.
230 Freyr