Freyr - 15.05.1987, Blaðsíða 33
Á vegum Tilraunastöðvarinnar á Reykhólum eru gerðar dreifðar tilraunir hjá bœnd-
um. Á myndinni er bíll sem stöðin notar í því skyni. (Ljósm. M.E.).
3. Grænfóðurtilraunir með flestar
tegundir grænfóðurs.
4. Sláttutímatilraunir.
5. Tilraunir með nýræktun og
endurræktun túna.
6. Fáeinar tilraunir voru gerðar
með ræktun korns á fyrstu
árum tilraunastöðvarinnar.
7. Matjurtatilraunir, bæði áburð-
artilraunir á kartöflur og rófur
og tilraunir með ýmsar tegund-
ir matjurta og prófun matjurta-
afbrigða.
8. Tilraunir með eyðingu illgresis
með lyfjum bæði úr görðum og
túnum.
9. Tilraunir með ræktun beiti-
lands.
Flestar þessar tilraunir hafa verið
framkvæmdar hér heima á Reyk-
hólum, en þó hefur alla tíð verið
talsvert um dreifðar tilraunir hjá
bændum. Skömmu eftir 1950 var
mikið um dreifðar tilraunir, aðal-
lega hér í Reykhólahreppi og hafa
samgöngur vafalaust ráðið miklu
um staðsetningu þeirra. Árið 1973
voru hafnar umfangsmestu
dreifðu tilraunirnar, sem verið
hafa á vegum tilraunastöðvar-
innar, í Barðastrandarsýslu, N- og
V-ísafjarðarsýslum og Dalasýslu.
Þá var nýbúið að gera stórt átak í
samgöngumálum á Vestfjörðum.
Á síðustu árum hafa einnig verið
gerðar tilraunir í Strandasýslu.
Umfang jarðræktartilrauna hef-
ur verið breytilegt, einna mest á
áttunda áratugnum en eftir 1980
hefur stórlega dregið úr öllum
tilraunum í jarðrækt.
Sauðfjártilraunir
Fljótlega eftir að tilraunastöðin
hóf starfsemi, eða árið 1952, voru
keyptar kindur til stöðvarinnar.
Voru þá hafnar tilraunir með
sauðfé og hefur svo verið alla tíð
síðan. Fjárskipti voru hér 1960 og
urðu þá þáttaskii í tilraunastarf-
seminni þegar tilraunir hófust
með ræktun á alhvítu fé. Fjár-
stofninn var upphaflega fjöl-
breyttur að litasamsetningu og var
meirihlutinn mislitur.
í upphafi tilraunanna var gerð-
ur samanburður á afurðasemi hjá
alhvítu fé og gulu. Að því loknu
var unnið markvisst að ræktun á
alhvítum stofni. Alhvítt hafði for-
gang við val á ásetningi og næstu
áhersluatriði voru frjósemi, af-
urðasemi og byggingarlag. Lengst
af hefur verið samstarf við ullar-
og gæruiðnaðinn um mat á þeirri
vöru sem við vorum að framleiða.
Þetta samstarf hefur aukist undan-
farin ár með þátttöku tilrauna-
stöðvarinnar í svokölluðu ullar- og
gæruverkefni, sem er samstarfs-
verkefni RALA, BÍ og iðnfyrir-
tækja sem vinna úr ull og gærum.
Auk þessa aðalverkefnis, sem
hér er getið að framan, hafa verið
gerðar tilraunir með fóðrun,
ormalyf, beit og vetrar- og haust-
rúning. í vetur stendur yfir tilraun
með fóðrun áa sem rúnar eru á
mismunandi tímum, annars vegar
að hausti og hins vegar í mars.
Markmiðið er að fá upplýsingar
um heildarfóðurnotkun ánna við
mismunandi rúningstíma.
Upplýsingar um niðurstöður
einstakra tilrauna og tilrauna-
flokka er að finna m. a. í skýrslum
tilraunastöðvanna frá Tilrauna-
ráði jarðræktar, fjölritum RALA,
fjölritum frá ráðunautafundi BÍ
og RALA og í Frey.
Ingi Garðar Sigurðsson
Lokun á skrifstofum bænda-
samtakanna í Bændahöllinni.
Dagana 9.—12. júní nk. verða skrifstofur bændasam-
takanna í Bændahöllinni lokaðar vegna fundar utanríkis-
ráðhera Atlantshafsbandalagsríkjanna.
Stéttarsamband bænda.
Búnaðarfélag íslands.
Framleiðsluráð landbúnaðarins.
Lífeyrissjóður bænda.
Freyr 401