Freyr - 01.07.1987, Blaðsíða 24

Frá stjórnarfundi í Lífeyrissjóði bœnda. Taldir frá vinstri: Guðjón Hansen, stjórnarmaður; Benedikt Jónsson, framkvœmdastjóri;
Gunnar Guðbjartsson, stjórnarmaður; Björn Helgason, formaður stjórnar; Sigurður Jónsson, stjórnarmaður; Ásgeir Bjarnason,
stjórnarmaður, Lárus Ag. Gíslason, stjórnarmaður og Sigurður J. Líndal, endurskoðandi (Ljósm. M.E.).
réttindum sjóðfélaga og sá um
tölvuvinnslu fyrir sjóðinn það ár
og árið 1973. Á árinu 1974 var
skýrsluvéladeildin lögð niður og
tók þá skýrsluvéladeild Flugleiða
við tölvuvinnslu iðgjaldauppgjörs
og að auki ársfjórðungslegt upp-
gjör eftirlauna, sem áður hafði
verið unnið í skýrsluvélum Búnað-
arbanka íslands. Á síðari hluta
ársins 1980 tók ný tölvudeild
Sláturfélags Suðurlands til starfa
og hefur hún séð um alla tölvu-
vinnslu sjóðsins frá þeim tíma til
þessa og mun að öllum líkindum
gera út árið 1987. Sumarið 1986
voru afrit af sjóðfélaga- og lífeyris-
greiðsluskrám flutt í IBM System
36 tölvu bændasamtakanna og út-
bjó Kristján Guðlaugsson, kerfis-
fræðingur Framleiðsluráðs, síðan
fyrirspurnarforrit, sem gerði
starfsmönnum sjóðsins kleift að
skoða þessar skrár á tölvuskjá og
hefur það gert alla upplýsingaleit
bæði fljótvirkari og þægilegri en
ella. Þá hefur Kristján einnig gert
forrit til leiðréttingar á persónu-
legum upplýsingum um sjóð-
félaga.
Þann 1. febrúar 1987 hófst
vinna við nýtt tölvukerfi fyrir
sjóðinn og á það að sjá um allt
uppgjör og vinnslu iðgjalda og
réttinda og ennfremur lífeyris-
greiðslur, en gert er ráð fyrir að
þær verði mánaðarlegar frá 1. jan-
úar 1988. Hugbúnaðarfyrirtækið
Kerfi hf. hefur séð um hönnun
hins nýja tölvukerfis í samráði við
starfsmenn sjóðsins og mun vænt-
anlega annast forritun á öllum
þáttum kerfisins ásamt uppsetn-
ingu þess og prófunum.
Frá fyrstu tíð hefur sjóðurinn
notið fyrirgreiðslu Framleiðslu-
ráðs landbúnaðarins við inn-
heimtu á iðgjöldum sjóðfélaga af
söluaðilum landbúnaðarvara og er
svo enn.
Lánveitingar sjóðsins hafa verið
með þeim hætti að sjóðurinn hef-
ur lánað Stofnlánadeild landbún-
aðarins ákveðnar fjárhæðir til af-
markaðra lánaflokka með á-
kveðnum skilyrðum um endurlán
til sjóðfélaga. Auk þessa hefur
sjóðurinn ávaxtað fjármuni sína
með skuldabréfakaupum af Bygg-
ingarsjóði ríkisins, Framkvæmda-
sjóði Islands, Veðdeild Búnaðar-
banka íslands, ríkisféhirði og
Húsnæðisstofnun ríkisins.
Lífeyrissjóður bænda greiðir
ellilífeyri, örorkulífeyri, makalíf-
eyri og barnalífeyri eftir atvikum
til þeirra sjóðfélaga sem sótt hafa
um einhvern ofangreindan lífeyri
Frh. á nœstu síðu.
512 Freyr