Freyr - 01.08.1987, Blaðsíða 8

Viðtal við Þorstein Tómasson,
forstjóra Rannsóknastofnunar landbúnaðarins.
Landbúnaöarrannsóknirnar eru
aröbær fjárfesting samfélagsins
Hver bóndi stendur daglega frammi fyrir ótalmörgum spurningum í starfi sínu. Sífellt er
leitað að rétta svarinu með rannsóknum og tilraunum og smám saman vinnst nokkuð.
Rannsóknastofnun landbúnaðarins vinnur að margvíslegum rannsóknum á sviðum
landbúnaðar sem eru sérstök fyrir ísland.
Þorsteinn Tómasson.
Rannsóknastofnun landbúnaðar-
ins starfar samkvæmt lögum nr. 64
frá árinu 1965 um rannsóknir í
þágu atvinnuveganna. Aðrar
stofnanir sem þessi lög ná yfir eru
Hafrannsóknastofnun, Rann-
sóknastofnun fiskiðnaðarins,
Rannsóknastofnun byggingariðn-
aðarins og Iðntæknistofnun.
Undanfari þessarra stofnana var
Atvinnudeild Háskóla íslands,
sem stofnuð var árið 1937. Búnað-
ardeild Atvinnudeildar er því upp-
haf Rannsóknastofnunar land-
búnaðarins og þannig má segja að
stofnunin haldi upp á 50 ára af-
mæli á þessu ári. Þessa verður
minnst með samræmdum hætti á
vegum Rannsóknaráðs ríkisins
sem þessar stofnanir eiga aðild að.
Freyr fór í heimsókn að Keldna-
holti og átti viðtal við Þorstein
Tómasson, forstjóra um stofnun-
ina um nokkur af þeim viðfangs-
efnum sem þar er unnið að. Fyrst
var Þorsteinn spurður um skipulag
stofnunarinnar.
Aðalstöðvar á Keldnaholti.
Starfsemi stofnunarinnar og að-
staða er dreifð um landið. Höfuð-
stöðvar stofnunarinnar eru á
Keldnaholti í útjaðri Reykjavíkur
og þar starfar stór hluti starfs-
manna. Þar eru efnagrein-
ingarstofur, móðurtölva og bóka-
safn. Verkefni eru fjölþætt og
spanna vítt svið, svo sem búfjár-
fræði, jarðrækt, gróðurnýtingu,
plöntukynbætur, matvælafræði
svo að nokkuð sé nefnt. A Keldna-
holti er og aðsetur aðfangaeftir-
lits landbúnaðarins sem er ein
deild stofnunarinnar. Stofnunin
annast einnig eftirlit með innflutn-
ingi á plöntum.
Á Keldnaholti er að rísa að-
staða til nákvæmnisrannsókna í
fóðurgerð og fóðrun sem við
væntum mikils af. Á þessu ári
tökum við í notkun nýtt gróðurhús
sem verður gagngert notað til
ræktunar á heilbrigðu kartöflu-
útsæði og er það fyrsti liðurinn í
ræktun stofnútsæðis.
Tilraunastöðvamar.
Auk bygginga á Keldnaholti hefur
stofnunin aðstöðu víða um land.
Ef við byrjum í nánd við Keldna-
holt og förum réttsælis um landið
komum við fyrst að tilraunastöð-
inni að Korpu. Þar eru tilraunir
einkutn gerðar í jarðrækt,
áburðarfræði, erfðafræði og kyn-
bótum plantna, bæði í þröngri og
víðtækri merkingu. Það er allt frá
prófun stofna yfir í víxlanir og
hefðbundnar kynbætur. Tilrauna-
stjóri á Korpu er Jónatan Her-
mannsson.
Næst stöldrum við við á Hvann-
eyri. Þar er stofnunin með eina af
sínum deildum, bútæknideild, sem
starfar í nánu samstarfi við
Bændaskólann. Þar fara fram
búvélaprófanir og rannsóknir í bú-
tækni, í húsvist, vinnumælingar og
fleira. Deildarstjóri bútækni-
deildar Rala á Hvanneyri er Grét-
ar Einarsson.
I nánd við Hvanneyri er svo
Hestur. Þar er tilraunabú og eink-
um stundaðar sauðfjárrannsóknir.
Þar er Árni Jónsson bústjóri, en í
fyrirsvari fyrir tilraunastarfsemina
er Stefán Scheving Thorsteinsson.
Á Reykhólum erum við með
stöð sem er upphaflega tilrauna-
stöð í jarðrækt, en þar er einnig
fengist við erfðarannsóknir á
sauðfé og húsvistartilraunir. Þess-
576 FREYR