Freyr - 01.08.1987, Blaðsíða 9

ar tilraunir eru aö því er sauðfé
varðar e.t.v. þekktastar fyrir hvíta
litinn á ullinni, en Stefán Aðal-
steinsson hefur stýrt þar tilraunum
á því sviði. Tiíraunastjórinn á
Reykhólum er Ingi Garðar Sig-
urðsson.
Á Möðruvöllum í Hörgárdal var
nýlega tekið í notkun tilraunafjós
og er því megin áhersla þar lögð á
fóðrun mjólkurkúa auk jarð-
ræktartilrauna. Rétt er að geta
sérstaklega kalrannsókna sem
Bjarni Guðleifsson vinnur að.
Tilraunastjóri á Möðruvöllum er
Jóhannes Sigvaldason.
Tilraunastarfið á Möðruvöllum
er unnið í nánu samstarfi við
Ræktunarfélag Norðurlands.
A Austurlandi er aðsetur okkar
á tilraunastöðinni á Skriðu-
klaustri. Sú stöð er rekin í sam-
starfi við Búnaðarsamband Aust-
urlands. Tilraunastarf þar tengist
einkum fóðuröflun og fóðrunartil-
raunum. Þórarinn Lárusson er til-
raunastjóri þar.
Ef við höldum áfram hringinn,
komum við að Sámsstöðum í
Fljótshlíð. Þar er ekkert búfé,
en cinkum lögð áhersla á jarð-
ræktartilraunir ýmiss konar, svo
sem kornrækt og frærækt. Þar hef-
ur m.a. mátt sjá þann árangur, að
við ræktuðum fjögur tonn af fræi
af beringspunti í fyrra. Það er ný
grastegund í íslenskum landbúnaði
og reyndar í heiminum öllum, því í
hvergi er þessi tegund ræktuð til
fræs annars staðar nema á einum
búgarði í Alaska.
Upphaflega fengum við fræ
þaðan, en við vinnum að kynbót-
um á þessari tegund til þess að
aðlaga hana íslenskum aðstæðum
og nú erum við að ná góðum
tökum í því að rækta fræ af
beringspunti. Þetta er góð gras-
tegund við vissar aðstæður og líka
góð uppgræðslujurt. Tilrauna-
stjóri á Sámsstöðum er Kristinn
Jónsson og með honum starfar
Jón Guðmundsson sérfræðingur.
Aukin áhersla verður lögð á til-
raunir í landgræðslu, s.s. lúpínu-
rannsóknir o.fl.
Stofnunin hefur aðstöðu til
jarðræktar og fóðrunartilrauna á
búi Landgræðslu ríkisins í Gunn-
arsholti. Þar hefur verið unnið að
stofnprófunum grasa í sambandi
við uppgræðslu og frærækt og
rannsóknum á fóðrun nautgripa til
kjötframleiðslu.
Ný Tilraunastöð á Stóra-Ármóti
í Hraungerðishreppi er að taka til
starfa. Þar er stórt fjós og einmitt í
dag (viðtalið var tekið 22. maí sl.)
er verið að flytja kýr í fjósið frá
Tilraunastöðinni í Laugardælum
sem verður lögð niður. Einn
starfsmaður frá Rannsóknastofnun
landbúnaðarins er tilraunastjóri
þar. Fráfarandi tilraunastjóri í
Laugardælum er Gunnar
Hús Rannsóknastofnunar landbúnaðarins á Keldnaholti.
Freyr 577