Freyr - 15.08.1987, Blaðsíða 10
Á Möðruvöllum hafa verið byggð þrjú íbúðarhús á síðuslu árum. Hús Bjarna E. Guðleifssonar ber í hliðið. (Ljósm. M.E.).
Auk þess fáum við greiddan frá
ríkissjóði hluta af launum eins
manns, en sá tekjuliður hefur sífellt
farið minnkandi. Láta mun nærri
að 15% af tekjum félagsins komi
þannig frá ríkinu, 25% koma frá
búnaðarsamböndum á Norður-
landi og 60% fyrir selda þjónustu.
Út á við er Ræktunarfélagið
e. t. v. kunnast fyrir Ársritið
sem það gefur út. Viltu segja
mér frá því?
Já, Ársritið er einn af horn-
steinum félagsins. Það hefur verið
gefið út frá stofnun félagsins árið
1903, þó að stundum hafi ár-
gangar verið sameinaðir. Allir
bændur á Norðurlandi fá ritið auk
allmargra áskrifenda annars stað-
ar á landinu.
Þú ert ábyrgðarmaður ritsins
um þessar mundir. Hverju vilt
þú koma á framfæri í því?
Það er leitast við að koma á fram-
færi almennum fróðleik um land-
búnað og um mannlíf á Norður-
Iandi. Það má segja að ritið sé
bæði ætlað bændafólki og ráðu-
nautum. Það fer einhvern milliveg
þar á milli. Sumar greinarnar eru
alþýðlegar en aðrar eru þyngri og
það þarf fagþekkingu til að hafa
fullt gagn af þeim.
Starfsmenn Ræktunarfélagsins?
Það starfa að jafnaði tveir ráðu-
nautar hjá félaginu og ein til þrjár
stúlkur við efnagreiningar o. fl.
Um þessar mundir eru þó ekki
tveir ráðunautar í fullu starfi eins
og að er stefnt en það stafar af því
að erfitt er að fá fólk með
menntun í þessu fagi hér eins og
víðar annars staðar á landinu.
Núna störfum við Guðmundur
Helgi Gunnarsson hjá félaginu og
báðir í hlutastarfi. Ég starfa að
hluta sem verkefnisstjóri við Til-
raunastöðina á Möðruvöllum og
hann að hluta sem ráðunautur hjá
Búnaðarsambandi Eyjafjarðar.
Samtals erum við aðeins í rúmlega
einu árstarfi hjá félaginu.
Hefur Ræktunarfélagið ekld
með höndum rannsóknir?
Jú, það hefur talsvert komið nærri
rannsóknum en meginhlutverk
þess er leiðbeiningar og þjónusta.
Þetta hefur þó verið breytilegt í
áranna rás og farið eftir starfs-
mönnum félagsins. Ég lít svo á að
Ræktunarfélagið eigi að gegna
þjónustu og leiðbeiningum en
rannsóknir á Norðurlandi séu á
hendi Tilraunastöðvarinnar á
Möðruvöllum.
Hvaða rannsóknir stundar þú?
Aðalrannsóknir mínar eru á end-
ingu grasa í túnum, m. ö. o. kal-
rannsóknir. Ég er kominn með
ágæta aðstöðu hér á Möðruvöllum
til þolprófana á grösum með því
að frysta þau og vinn að prófunum
á stofnum og tegundum grasa. Þar
eru þegar farnar að skýrast veru-
lega línur. Vandamálið er ekki
lengur að vita hvaða tegundir og
stofnar eru þolnastir, vandamálið
er hins vegar að útvega fræ af
þolnustu stofnunum.
618 Freyr