Freyr - 15.09.1987, Blaðsíða 13
Gerð verði landbúnaðaráætlun
og samin jarðabók
Úr ræðu Bjama Guðráðssonar
Að loknu ávarpi formanns Búnað-
arfélags Islands var gengið til dag-
skrár og tekið fyrir eina málið sem
á henni var: Alyktun um gerð
áætlunar um þróun landbúnaðar.
Formaður leitaði afbrigða frá
þingsköpum, svo að afgreiða
mætti ályktunina við eina
umræðu.
Bjarni Guðráðsson í Nesi, annar
fulltrúi Borgfirðinga og formaður
nefndar þeirrar sem samdi álykt-
unina, talaði fyrir málinu. Aðrir í
nefndinni voru Egill Bjarnason,
Skagfirðingur, Stefán Halldórs-
son, Eyfirðingur, og Jón Ólafsson
og Jón Hólm Stefánsson, báðir
fulltrúar Suðurlands.
Bjarni Guðráðsson hóf mál sitt
með því að segja frá starfi milli-
þinganefndar. Hann staldraði við
þrjú atriði, sem komu fram í álykt-
uninni. í fyrsta lagi lagði hann
áherslu á að bændur yrðu að
standa vel saman. f>á ræddi hann
um landbúnaðaráætlun þá sem
kveðið er á um í ályktuninni. í
þriðja lagi drap hann á þá fyrirætl-
un að gerð verði jarðabók í tengsl-
um við landbúnaðaráætlunina.
Þá vék Bjarni að hlutverki þess-
arar áætlunar en það væri einkum
að leiðbeina um nýjar búgreinar í
sveitum til styrktar byggðinni,
leitast við að bæta hag þeirra, sem
lökust kjör hafa og tryggja sveita-
fólki félagslegt jafnrétti á við aðr-
ar stéttir.
Bjarni taldi að greiða þurfi fyrir
kynslóðaskiptum í sveitum, m.a.
með því að gera ráðstafanir til að
bændur geti notið lífeyris fyrr en
nú er, ef þeir bregða búi eða draga
verulega úr búskap.
Bjarni Guðráðsson í rceðustól.
Jarðabók og hlutverk hennar
Gefa þarf út sem gleggsta jarða-
bók. Slík bók mundi gagnast vel
þeim sem fara með skipulagsmál
sveita, þ.á.m. sveitastjórnum.
Gögn þau sem þar væri að finna
myndu auðvelda gerð hinnar fyrir-
huguðu landbúnaðaráætlunar.
I lokin sagði Bjarni að ef
bændastéttin ætlaði að valda því
hlutverki sem hún hefur og af
henni er krafist, verði hún að bæta
menntun sína. Það verði að efla
bændaskólana, auka og samhæfa
leiðbeiningar og rannsóknir og
auka endurmenntun bænda.
J.J.D.
Séð yfir fundarsal.
Freyr 701