Freyr - 15.09.1987, Blaðsíða 15

Búrekstrarkönnun
Ræktunarfélags Norðurlands
er fyrirmynd
Úr ræðu Sveins Jónssonar
Sveinn Jónsson í Kálfsskinni,
Norðlendingur, sagði í ræðu sinni
að gott væri að staldra við og
íhuga þær breytingar sem orðið
hefðu á löggjöf um landbúnað og í
skipulagsmálum atvinnuvegarins
síðustu ár. Hann sagði að efni
ályktunarinnar væri ekki nýnæmi:
„Búnaðarþing og bændafundir
víðsvegar um landið hafa fjallað
um nauðsyn þess að áætlun um
búrekstraraðstöðu allra sveitabýla
í landinu sé gerð svo að hægt sé að
nýta sem best þær aðstæður, auð-
lindir og mannvirki sem til eru í
sveitum landsins, þannig að fjár-
magn sem þegar er bundið geti
skilað sér til framleiðenda án þess
að fara út í fjárfrekar nýfram-
kvæmdir sem rýra eða eyðileggja
tekjumöguleika þeirra sem við bú-
skap fást. Könnun þarf að gefa
ítarlegt yfirlit yfir möguleika
hverrar jarðar, bæði til hefðbund-
ins búskapar svo og möguleika á
nýjum greinum eða hvers konar
þjónustu sem unnt væri að veita
— og nýta með því móti vinnuafl
innan hvers sveitarfélags og um
leið styrkja samfélagsleg viðfangs-
efni.“ Þjónusta ætti ekki öll að
fara fram í stærstu bæjunum.
Mörg störf ætti að vinna í sveitum í
nýjum þjónustugreinum, sem nú
væri þjónað í þéttbýli, en ættu fullt
eins vel heima þar sem rúmt væri
athafnasvæði og duglegt og út-
sjónarsamt starfsfólk.
Sveinn sagðist líta svo á að hér
færi fram fyrsta umræða í viða-
miklu máli, sem fjallað yrði ítar-
lega um síðar, bæði á Búnaðar-
Sveinn Jónsson.
þingi og meðal bænda út um land.
Þá gætu menn bent á leiðir til
framkvæmda og útfærslna á til-
lögunum þar. Hann sagði að auka
þurfi fagþekkingu, leiðbeiningar
og tilraunir í öllum búgreinum til
að auka framleiðni, og tekjur í
þeim. Sveinn taldi að vel hefði
tekist með búrekstrarkönnun þá,
sem Ræktunarfélag Norðurlands
lét gera í fyrra og að á niðurstöð-
um hennar mætti gera nýjar áætl-
anir að bættum búskap í samvinnu
bænda og bændaforystu hvers hér-
aðs. Sveinn áleit að mörgum
bændum mundi þykja sem nýju
framleiðslulögin byndu hendur
þeirra. Þessvegna væri ályktun sú
er fyrir Búnaðarþingi lægi tímabær
og gæti hann því mælt með henni.
Gestir frá Norðurlöndum eystri: Kristian Nielsen stjórnarmaður í De danske
tandboforeninger, Hanne Nielsen, Anne Marie Randen, Per Randen, fyrrum rilstjóri
Bondebladel, Karin Jönson og Sture Jönson, varaformaður LRF, Svíþjóð.
Freyr 703