Freyr - 15.11.1987, Blaðsíða 15

og síðar um þjóðir sem hefðu
orðið fyrir þungum búsifjum af
veðrum eða náttúruhamförum og
þá ekki átt málungi matar til að
hlaupa upp á. Slíkt vildu menn nú
forðast.
Sem dæmi um matvælasöfnun
þjóða nefndi hann að Indverjar
hefðu átt 24 milljóna tonna korn-
forða þegar náttúruhamfarir
dundu þar yfir nýverið og hefðu
þá sjálfir haft hjálpina hjá sér.
Flaten ræddi þetta mál frá ann-
ari hlið. Nýsjálendingar seldu
mjólkurvörur á mjög lágu verði,
til annarra landa en ef eitthvað
henti í Nýja-Sjálandi, hvað þá ?
Offramleiðsla þungur baggi
Á hinn bóginn eru svo risalagerar
af matvælum þungur baggi víða
um lönd, einkum hefur reynst erf-
itt að ná niður offramleiðslu á
korni. Rætt er nú um það innan
hlutaðeig^ndi alþjóðastofnana að
afnema niðurgreiðslur á búvörum
á næstu 10 árum.
Taldi Flaten að það væri þó hæg-
ara sagt er gert. Það væri í minni
að Reagan forseti hefði heitið því
að afnema ríkisstyrki á búvöru
þegar hann settist í embætti, en
annað hefði komið á daginn því að
hvergi væri nú greitt hærra hlutfall
með landbúnaðarframleiðslu en í
Bandaríkjunum hvort heldur væri
miðað við framleiðendur eða
framleiðslueiningar. Þessir styrkir
í Bandaríkjunum námu 26 millj-
örðum dala árið 1986 sem var jafn
mikið og nettótekjur bænda í
landinu sama ár.
Gatt — tollabandalagið, en
meirihluti allrar verslunar milli
landa falla undir ákvæði þess um
tollaviðskipti, leitar nú í fyrsta
skipti ráða hjá IFAP um markaðs-
mál búvöru, að sögn Flatens.
Austantjaldslönd að mestu utan
IFAP
Bændasamtök fimmtíu og eins
nkis eru nú í IFAP, en fjarri fer
því að þau spanni yfir heiminn
allan. Aðeins eitt land úr austur-
blokkinni, Ungverjaland, er í
Glenn Flaten er bóndi i Kanada. Hérskoðar hann hey úr rúlluböggum hjá Jóni bónda
Gíslasyni á Hálsi í Kjós. (Ljósm. Ó. H. T.).
Forseti IFAP á fundi með Framleiðsluráði. Nœst t. v. á myndinni er Hörður
Harðarson, fjœr Böðvar Pálsson, Guðmundur Jónsson, Pórarinn Porvaldsson,
Pórólfur Sveinson, Guðmundur Sigþórsson, Bjarni Helgason, Halldór Gunnarsson og
Glenn Flaten. (Ljósm. Ó. T. H.).
samtökunum, en verið er að
undirbúa aðild Pólverja að þeim.
Argentína er eina landið í Suður-
Ameríku sem er í IFAP, en líkur
eru á að Brasilía bætist í hópinn á
næstunni.
Þrátt fyrir ýmsa agnúa taldi
Flaten að mikið gagn væri að starfi
IFAP. Tengsl stofnunarinnar við
aðildarlönd hefðu aukist og batn-
að og IFAP gæti nú betur en áður
sinnt hagsmunamálum þróunar-
landa.
Glenn Flaten og kona hans eru
mjög geðfelld hjón. Embætti for-
seta IFAP er erilsamt starf sem
sést best á því að frá því Flaten varð
forseti samtakanna í fyrra hefur
hann heimsótt yfir 60 þjóðlönd,
þar af 16 í ágústmánuði sl.
J.J.D.
Freyr 903