Freyr - 01.12.1987, Blaðsíða 26
Frá
Rannsóknastofnun
landbúnaÓarins
Rannsóknir og tilraunir í
garðyrkju
Núverandi staða garðyrkjurannsókna
Tilraunir í garðyrkju eru nú einkum gerðar á þremur stöðum, þ.e. Reykjum í Ölfusi,
Keldnaholti og á Hvanneyri. Frá árinu 1975 hefur starfað sérfrœðingur í hálfri stöðu á
þessu sviði hjá Rannsóknastofnun landbúnaðarins og á móti hefur hann starfað í hálfri
stöðu hjá Garðyrkjuskóla ríkisins á Reykjum.
Gúrkuplöntur í tilraunum með mismunandi mómold.
Tilraunagróðurhús var reist á
Reykjum árið 1975 og var það
fyrst og fremst ætlað til tilrauna
með gervilýsingu ýmissa ylræktar-
platna. Pær tilraunir annaðist
Magnús Ágústsson frá upphafi og
lauk þeim árið 1983. Eftir það
voru í húsinu tilraunir með ræktun
í steinull og vikri. Magnús lét af
störfum í árslok 1985 og tók þá
undirritaður við starfi hans.
Á Rala er annar sérfræðingur,
Óli Valur Hansson, í fjórðungs
stöðu í garðyrkju og hefur hann
haft starfsaðstöðu á tilraunastöð-
inni á Korpu. Þar hafa einkum
verið gerðar afbrigðatilraunir með
kál, rófur, jarðaber og berja-
runna. Auk þess fer þar fram
varðveisla og fjölgun á hluta þess
efniviðar sem safnað var í Alaska
haustið 1985.
Á Garðyrkjuskólanum fara auk
þess fram margvíslegar tilraunir
með úti- og innigrænmeti. Mest
eru það afbrigðatilraunir er einnig
tilraunir með upphitun jarðvegs
o.fl. Þar að auki er nú lögð vax-
andi áhersla á prófun garðplantna
svo sem trjáa, runna, sumarblóma
og fjölærra blóma.
Á Hvanneyri fara fram á vegum
Bændaskólans tilraunir með ýmis
konar útigrænmeti og ber, og hef-
ur Magnús Óskarsson haft veg og
vanda af þeim.
Á Keldnaholti fara fram veru-
legar þjónusturannsóknir í þágu
garðyrkjunnar, og ber þar einkum
að nefna jarðvegsefnagreiningar
og greiningar á plöntuskaðvöld-
um. Auk þess fer þar fram skoðun
heilbrigðisvottorða og annað eftir-
lit með innflutningi. Sérfræðingur
frá Rala, Sigurgeir Ólafsson, er
einnig meðlimur í Eiturefnanefnd
sem fulltrúi landbúnaðarráðu-
neytisins en mörg mál er varða
garðyrkjuna koma til hennar
kasta.
954 Freyr