Freyr - 15.12.1987, Blaðsíða 8

40 ára afmæli
Búvísindadeildar á Hvanneyri
Rannsóknarhús tekið í notkun
Hinn 19. október sl. voru 40 ár liðinfrá því Framhaldsdeild Bœndaskólans á Hvanneyri
var sett ífyrsta sinn. Að því tilefni var efnt til samkvæmis á Hvanneyriþar sem jafnframt
var tekið í notkun nýtt Rannsóknarhús á staðnum.
Guðmundur Jónsson, fyrrverandi skólastjóri Bœndaskólans á Hvanneyri ásaml 4
búfrœðikandidötum úr fyrsta árgangi Framhaldsdeildar á Hvanneyri. Peir eru taldir
frá vinstri: Aðalbjörn Benediktsson, Egill Bjarnason, Skafti Benediktsson og Bjarni
Arason. (Ljósm. tók M.E.).
Athöfnin var tvískipt. Fyrrihluti
hennar fór fram í Rannsóknarhús-
inu nýja. Sveinn Hallgrímsson
skólastjóri stjórnaði samkomunni.
Hann nefndi að auk framan-
greindra ástæðna væri þriðja til-
efnið til að koma saman að þessu
sinni en það væri að Guðmundur
Jónsson fyrrverandi skólastjóri
hefði orðið 85 ára á árinu. Því
næst gaf hann Guðmundi orðið.
Guðmundur minntist stofnunar
framhaldsdeildarinnar, en óhætt
er að segja að það var fyrst og
síðast verk hans að deildin var
stofnuð. Hann þakkaði Bjarna
Ásgeirssyni þáverandi landbúnað-
arráðherra góðan stuðning við að
hrinda hugmyndinni í fram-
kvæmd, sem og ríkisstjórn er þá
sat að völdum og mynduð var af
sömu flokkum og nú skipa hana.
Guðmundur rakti fyrstu hug-
myndir um framhaldsnám í bú-
fræði hér á landi, en þær áttu Torfi
Bjarnason skólastjóri í Ólafsdal
sem skrifaði um málið í Búnaðar-
ritið 1892 og Páll Zóphóníasson
sem fjallaði um hugmyndina í er-
indi er hann flutti á Búvélasýningu
sem haldin var í Reykjavík árið
1921.
Guðmundur rifjaði upp þá eftir-
væntingu sem ríkti þegar fyrst var
auglýst eftir nemendum, hve
margir og hvaða nemendur
mundu sækja um skólavist. Hann
þakkaði þeim nemendum sem
ruddu deildinni braut hlut þeirra í
uppbyggingu deildarinnar og þeim
orðstír sem hún skapaði sér.
Jafnframt þakkaði Guðmundur
þeim kennurum Bændaskólans á
Hvanneyri sem störfuðu þar við
stofnun deildarinnar en þeir voru
Gunnar Bjarnason, Haukur Jör-
undarson og Stefán Jónsson. Af
þeim var Gunnar Bjarnason einn
viðstaddur athöfnina.
Næstur talaði Ríkharð Brynj-
ólfsson deildarstjóri Búvísinda-
deildar. Meginhluti erindis hans
er birt hér í blaðinu.
Á eftir honum talaði Folke
Rasmussen, fyrrverandi rektor
Landbúnaðar- og dýralæknahá-
skólans í Kaupmannahöfn. Erindi
hans nefndist: Menntun, rann-
sóknir og þróun landbúnaðar.
Fyrirhugað er að Bændaskólinn á
Hvanneyri gefi þessi þrjú erindi út
í fjölriti frá skólanum.
Að þessum ræðum loknum tók
Jón Helgason landbúnaðarráð-
herra Rannsóknarhúsið formlega í
notkun um leið og hann afjúpaði
myndir af tveimur kennurum skól-
976 Freyr