Freyr - 15.02.1991, Blaðsíða 2

Fuglahrœða við
rúllubagga
Til þess að halda fuglum frá rúlluböggum svo þeir
goggi ekki göt á plastið notar norski bóndinn
Öystein Bærheim 10 cm breiða plaststrimla sem
hann hefur klippt úr áburðarpokum og hengir á
snúru yfir baggana. Þetta segir hann að sé góð
fuglahræða.
Annað til að sleikja
Norski bóndinn Alf Vinningland notar eftirfarandi
ráð til þess að koma í veg fyrir að kvígur sleiki hver
aðra í stíum eða lausgöngufjósum: Hann kemur
fyrir einum eða tveimur steinefnateningum í hverri
stíu, allt eftir því margt er í henni. Hann telur
hæfilegt að fimm séu um hvern tening og sé þá
steinefnaþörf skepnanna fullnægt.
Norsk Landbruk.
Opinn afturgluggi
Handa þeim sem aka með opinn afturglugga á
dráttarvélinni og þurfa að endurnýja ónýtan
vökvadæluopnara: Takið járnrör 10 mm að innan-
máli og rúnnjárn 10 mm að þvermáli. Fyrir lás eða
stoppara er notuð ró sem er soðin á rörið og bolti
með áfestum járnstubb. Lengd á röri og rúnnjárni
verður að aðhæfa því hvernig festingar sitja á
ekilshúsi og afturglugga. - Norsk Landbruk.