Freyr - 15.02.1991, Blaðsíða 37

Ostasýning í Herning í Danmörku:
íslenskir ostar hlutu frábœra dóma
íslensk mjólkurbú tóku þátt í osta-
sýningu sem haldin var í Herning á
Jótlandi í október sl. Ostarnir frá
íslandi reyndust frábærlega vel í
dómum á sýningunni og fengu 23
viðurkenningar, 12 gullverðiaun
og 11 silfurverðlaun.
Alls voru dæmd um 900 osta-
sýni; af þeim voru 64 frá íslandi.
Reyndir dómarar dæmdu ostana
og gáfu einkunn fyrir útlit, lit,
byggingu, þéttleika, lykt og bragð
ogloksaðaleinkunn. Gullverðlaun
hrepptu þeir ostar sem hlutu ein-
kunnina 12 og þar yfir, en silfur-
verðlaun fengu ostar með 11,5 í
einkunn og þar yfir. Þessi árangur
íslenskra ostameistara: 12 gull og
11 silfur er frábær og hinn besti
sem íslensk ostagerð hefur náð að
því er „Mjólkurfréttir" herma.
Islenskir verdlaunahafar fyrir osta. F.v. Oddgeir Sigurðsson, Mjólkursamlagi
KEA, Helgi Ragnarsson, mætti f. h. Hauks Pálssonar, Ms. Kaupfélags
Skagfirðinga, Hermann Jóhannsson, Ms. K.P., Björgvin Guðmundsson,
Osta- og smjörsölunni, Elísabet Svansdóttir, Ms. Búðardal og Gestur Trausta-
son M.B.
Frá ostasýningunni í Herning. lslenskir ostar fengu þar 23 viðurkenningar. Á myndinni t.v. eru Ólafur Arnar
Kristjánsson, mjólkurfrœðingur og Henning Clausen, framkvœmdastjóri sýningarinnar.