Freyr - 15.02.1991, Blaðsíða 39

Vélakostur við köfnunarefnisframleiðslu hjá Nautastöð BÍ á Hvanneyri.
Lengst til vinstri er loftþjappa, í miðju er tankur og til hœgri er þéttirinn, en
skiljan er þar bak við. Freysmynd.
klukkustund en framleiðir nærri 6
ltr. Þörf Nautastöðvarinnar fyrir
köfnunarefni eru um 400 ltr. á viku
til viðhalds á 8 geymslutönkum
stöðvarinnar og 44 brúsum frjó-
tækna á landinu. Á Nautastöðinni
er líka staðsettur geymslutankur
með djúpfrystum laxasviljum og til
viðhalds á þeim þarf um 100 ltr. á
mánuði.
Þessi breyting á öflun köfnunar-
efnis hefur í för með sér að sendi-
bifreið Nautastöðvarinnar þarf nú
aðeins að fara til Reykjavíkur aðra
hverja viku í stað hverrar hingað
til. Þar dreifir hún köfnunarefninu
og djúpfrystu sæði, ef það hefur
verið pantað, á afgreiðslur flugs og
vörubifreiða. Sparnaður við fækk-
un á ferðum til Reykjavíkur stend-
ur að mestu undir rekstrarkostnaði
vélarinnar. í upphafi starfseminn-
ar árið 1969 þurftu brúsarnir hjá
frjótæknum áfyllingu þriðju hverja
viku en bestu brúsarnir nú eyða um
1 ltr. á viku í stað 5 ltr. áður og
geyma allt að 20 vikum milli áfyll-
inga.
Með því að nota svipað fjármagn
til afskriftar á vélinni næstu 4 til 5
árin og nam köfnunarefniskaupum
síðastliðin ár, ætti að vera unnt að
lækka rekstrarkostnað Nauta-
stöðvarinnar um 10 til 15% eftir
það. Ég vona að heimaframleiðsla
köfnunarefnis verði Nautastöðinni
til hagræðis og hagsbóta.
Diðrik Jóhannsson er framkvœmdastjóri
Nautastöðvar Búnaðarfétags íslands á
Hvanneyri.
Aðalfundur Félags ferðaþjónustubœnda
Félag Ferðaþjónustubœnda hélt aðal-
fund sinn ínóvember sl. Myndin er af
stjórnarborðinu. Talið frá vinstri:
Ingibjörg Bergþórsdóttir,
Fljótstungu; Valgeir Porvaldsson,
Vatni; Ingi Tryggvason, Narfastöð-
um, nýkjörinn formaður félagsins;
Ágúst Sigurðsson, Geitaskarði; Paul
Richardson, fráfarandi formaður,
Eystra-Skaganesi og Jón Kr.
Jónsson, fundarstjóri frá Árbœ á
Mýrum. - Freysmynd.