Freyr - 01.05.1991, Blaðsíða 12

372 FREYR
9.’91
Lopinn verður að lopaplötum.
stórmörkuðum og þetta hefur lík-
að mjög vel og gengið vel út.
í fyrra var mér sagt að sú kona
sem hefði safnað mestu hafi haft út
úr þessu 50 þúsund krónur, nettó.
Vatnafang hf.
Átaksverkefnið hefur unnið einnig
að stofnun og starfsemi
Vatnafangs hf. sem er hlutafélag
silungsveiðibænda um veiðar og
markaðssetningu vatnafisks. Við
höfum m.a. séð um fréttabréf
þeirra og uppgjör við innleggjend-
ur og haldið utan um fjármál fyrir-
tækisins. Vatnafang hf. spannar yf-
ir allt Island og tel ég það eiga
mikla framtíð fyrir sér.
Grœna hjólið?
Græna hjólið er dæmi um hug-
mynd sem kom fram á leitarráð-
stefnunni, þ.e. eins konar miðlun á
búvélum og síðan kom þessi hug-
mynd aftur fram á aðalfundi Bún-
aðarsambands Vestur-Húnavatns-
sýslu árið 1990 og við ákváðum að
leita eftir áhuga hjá bændum um að
vinna að málinu. Framhaldið varð
svo að hópur bænda ásamt Búnað-
arsambandinu setti þetta verkefni í
gang. Við héldum marga fundi áð-
ur en við ákváðum að leita eftir
fjármagni frá Framleiðnisjóði í
þetta.
Þarna notum við félagskerfi sem
fyrir er, þ.e. Búnaðarsambandið,
til að auka þá þjónustu sem það
veitir. Þessi þjónusta er staðsett úti
í sveit. Það annast þetta einn mað-
ur með aðstoð símsvara og
pósthólfs og hann er svo í persónu-
legu sambandi við viðskiptavini
tvisvar á dag, skráir niður vélar og
tæki sem til sölu eru og kemur
þannig kaupunum á. Núna eftir
áramótin hefur þessi starfsemi tek-
ið verulegan kipp og virðist ætla að
lofa góðu.
Er hugmyndin að Átaksverkef ni
Vestur-Húnavatnssýslu sé
tímabundið og því Ijúki
ókveðinndag?
Því átti upphaflega að ljúka á
miðju þessu sumri, en Héraðs-
nefnd V.-Hún. lagði hins vegar
mikla áherslu á að verkefnið starf-
aði lengur og Byggðastofnun
styrkir verkefnið út þetta ár. Hins
vegar ræða menn það að það þurfi
að vera einhver starfsemi sem þessi
viðvarandi í gangi í héraðinu. Það
virðist vera nóg að gera og óunnar
hugmyndir margar. Eg hygg því að
hér verði stofnað eins konar þró-
unarfélag þegar þessu verkefni
lýkur, sem yrði þá sjálfstæð stofn-
un heimaaðila og Byggðastofnun-
ar.
Hversu stórt telur þú að umdœmi
verkefnis sem þessa eigi að
vera?
Ég tel að þjónustuumdæmi sem
byggist í sýsluskiptingu sé yfirleitt
hæfileg eining. Svona svæði má
ekki vera of stórt því að þarna
byggist svo margt á persónulegu
sambandi verkefnisins og fólksins.
Ég kalla Átaksverkefnið stundum
„grasrótarhreyfingu" og undir-
strika að þetta sé ekki stofnun
heldur afl sem héraðsbúar geti nýtt
sér til að koma hugmyndum sínum
í könnun og síðan framkvæmd, ef
svo vel til tekst. Átaksverkefnið