Freyr - 01.05.1991, Blaðsíða 33

9.’91
FREYR 393
Nemendur annars bekkjar á Hvanneyri ásamt Sveini Hallgrímssyni skólastjóra og Magnúsi Óskarssyni, kennara, eftir
að nýja bókasafnið var afhent.
haustönninni, en þar var farið yfir
undirstöðuatriði hrossaræktar, svo
sem fóðrun og hirðing hrossa, frjó-
semi, kynbótaskipulag, félagsmál
hrossaræktarinnar o.fl.
Hinn 21. apríl sýna nemendur
hross sín í Skeifukeppni, og metinn
verður árangur tæplega þriggja
mánaða vinnu.
Um áramótin tóku félagar í
hestamannafélaginu Grana, sem
er hestamannafélag nemenda, sig
til og máluðu hesthúsið, og nýtt
loftræstikerfi var einnig sett í húsið
í vetur, þannig að aðstaðan er orð-
in viðunandi.
Núna eru 39 hestar í hesthúsinu
á vegum nemenda í Bændaskólan-
um á Hvanneyri.
Rekstrarsvið
Á vorönninni var hafin kennsla
á nýju sviði við skólann, rekstrar-
sviði, en hlutverk þess er að út-
skrifa búfræðinga með sérstöku
námi í rekstri lítilla fyrirtækja,
hvort sem um er að ræða fyrirtæki
eins og eitt bú, eða önnur fyrirtæki
til sveita.
Á rekstrarsviði stunda 11 nem-
endur nám, þar af 4 búfræðingar,
einn frá því í fyrra. einn sem út-
skrifaðist fyrir 10 árum, en hinir
eru í utanskólanámi. Með þessu
nýja sviði er nemendum skólans
(gömlum, sem nýjum) boðið að
taka 5. önnina, þ.e. annað hvort
rekstrar- eða búfjárræktarsvið.
f>að má geta þess að í undirbúningi
er þriðja sviðið við skólann, land-
nýtingarsvið, sem boðið verður
upp á næsta vetur, þ.e. á vorönn
1992.
Lokaorð
Hinn 11. maí 1991 mun Bænda-
skólinn á Hvanneyri útskrifa 29
réttindalausa búfræðinga. Það
verður gaman að sjá hvað þetta
fólk mun taka sér fyrir hefur. Fer
það heim í sveitina sína, eða ætlar
það að afla sér meiri menntunar á
öðrum sviðum, eða gera bara eitt-
hvað annað?
Það hefur verið gaman í Bænda-
skólanum á Hvanneyri í vetur,
námið er mjög athyglisvert og
menn þroskast mikið í þessum
skóla, félagslega og andlega. Ef þú
ert að hugsa um að fara í bænda-
skóla, láttu þá verða af því. t>ú
munt aldrei sjá eftir því. þó að þú
ætlir þér ekki að verða bóndi eða
að starfa við landbúnað.
Góður hagnaður af rekstri
Mjólkursamlags KEA
Mjólkursamlag Kaupfélags Ey-
firðinga skilaði um 86 milljón
króna hagnaði af rekstri síðasta
árs, en 14 milljónum árið 1989.
Velta mjólkursamlagsins var tæpir
tveir milljarðar árið 1990. Það ár
lögðu bændur inn um 21 619 000,
lítra af mjólk sem er 5,73% meira
en 1989. Um 220 bændur lögðu inn
mjólk hjá samlaginu í fyrra. Eignir
þess eru metnar á um 1,5 milljarða
króna.