Freyr - 01.05.1991, Blaðsíða 40

400 FREYR
9.’91
Ársrit Skógrœktarfélags íslands 1990
Fyrir nokkru kom út Ársrit
Skógræktarfélags íslands fyrir árið
1990. Ritið hefst á ávarpi Huldu
Valtýsdóttur, formanns Skógrækt-
arfélags íslands, þar sem hún
kveður Sigurð Blöndal sem skóg-
ræktarstjóra og býður Jón Lofts-
son velkominn í starfið. Hulda á
einnig viðtal við Sigurð Blöndal
sem ber heitið: „Ókeypis trjáplönt-
ur handa þjóðinni“ œtti að vera
leiðarljós Alþingis. Sigurður H.
Magnússon og Borgþór Magnús-
son, sérfræðingar á Rala, skrifa
greinina: Birkisáningar til land-
grœðslu og skógrœktar, þar sem
þeir greina frá rannsóknum sínum
á þessu verkefni.
Steindór Steindórsson frá Hlöð-
um, sú aldna kempa, á greinina:
Heiði, gróðurlendi - landslag -
fjallvegir, í ritinu og gerir þar grein
fyrir notkun þessara hugtaka í ís-
lensku máli, en hún er fjölbreytt.
Sigurður Blöndal skrifar stutta
grein þar sem hann sýnir m.a. í
máli og myndum breytingar á
tveimur stöðum þar sem trjám var
plantað; Gróðrarstöðinni á Akur-
eyri árin 1908 og 1990 og Skógum
undir Eyjafjöllum árin 1954 og
1990.
Arnór Snorrason, áætlanafull-
trúi hjá Skógrækt ríkisins, gerir
grein fyrir verkefninu: Skipulag
nytjaskógrœktar í öngulsstaða-
hreppi í Eyjafirði, en þar er um að
ræða áætlun sem hann hefur unn-
ið. í tengslum við það skrifar Ing-
ólfur Jóhannsson, garðyrkjufræð-
ingur, um: Rœktun skjólbelta í
Öngulstaðahreppi.
Þá er að nefna greinina:
Skógrækt á íslandi er vandasamt
verkefni, en hún er eftir Jan-Erik
Lundmark, prófessor í skógarjarð-
vegsfræði í Ultuna, í þýðingu Sig-
urður Blöndal. Arnór Snorrason
skrifar greinma Skipulagning
skógræktar, þarfa grein fyrir þá
sem hyggjast hefja skógrækt, og
Páll Lýðsson í Litlu-Sandvík skrif-
ar um Skógræktarfélag Árnesinga
50 ára. Þá skrifar Svavar Sigur-
mundsson cand. mag. um Örnefni
og trjágróður vítt og breitt um
landið.
Hulda Valtýsdóttir á greinina
Átak um landgrœðsluskóga 1990,
en það er greinargerð flutt á aðal-
fundi Skógræktarfélags íslands
Eftirfarandi limra er tekin trausta-
taki úr vísnaþætti í blaðinu Austra
á Egilsstöðum 21. mars sl., en þátt-
urinn er f umsjón Arndísar Þor-
valdsdóttur.
1990. Andrés Arnalds beitarþols-
fræðingur hjá Landgræðslu ríkisins
skrifar um Friðun Pórsmerkur-
svœðisins.
Lengsta grein ritsins er eftir þá
Arnór Snorrason og Sigurð Blön-
dal og ber heitið: Skógur og skóg-
arbúskapur í Arkhangelskhéraði,
ferðasögubrot, og Sigurður Blön-
dal og Þórarinn Benedikz skrifa frá
sömu slóðum greinina: Öflun lerk-
isfrœs frá Arkangelskhéraði.
Að lokum eru í ritinu minning-
arorð um Andrés Kristjánsson rit-
stjóra, Erling Jóhannsson bónda
og skógarvörð og séra Trausta Pét-
ursson, og skýrslur frá Skógrækt
ríkisins og Skógræktarfélagi
íslands.
Ábyrgðarmaður Ársrits Skóg-
ræktarfélags íslands 1990 er Sig-
urður Blöndal en ásamt honum
hafði Halldór J. Jónsson umsjón
með útgáfunni. Ritið er unnið hjá
ísafoldarprentsmiðju hf.
Hér er vandað og læsilegt rit á
ferð. Þeir sem hug hafa á að eign-
ast það geta snúið sér til Skóg-
ræktarfélags íslands, Ránargötu
18, Reykjavík, síma 91-18150.
M.E.
„Skúringatæknir“ hjá skrifstofu
Hafnarbæjar í Hornafirði sendi
tæknimönnum bæjarins eftirfar-
andi limru að gefnu tilefni:
Á hlaupum með hæla og pinna
þeir hönnun og mælingum sinna.
Bærinn vex ekki villt,
allt er skipulagsskylt,
nema skrifborðin þar sem þeir vinna.
Óskipulagt skipulag