Freyr - 15.10.1991, Blaðsíða 8

796 FREYR
20.’91
Gangnaskattur
á aukamenn
Pað er vinsælt að fara í göngur í Víðidal og
vilja fleiri fara fram á Víðidalstunguheiði en eiga
að fara. Eftir því sem fleiri eru í för eru meiri
umsvif, t.d. við að fara með hey og vistir fram á
heiði á dráttarvél og vagni.
Þetta eru fimm daga göngur fyrir þá sem lengst
fara, eða alla leiðina að Réttarvatni á Arnar-
vatnsheiði og inn í Fljótsdrög. Gangnamenn gista
í þremur skálum á svæðinu. Nú í haust fýsti svo
marga að fara í þessa eftirsóttu göngur að
hreppsnenefnd Þorkelshólshrepps brá á það ráð
að leggja gjald á þá aukamenn sem fara á fjall og
eru degi lengur en nauðsynlegt er. Hluti gangna-
manna heldur fram á heiði degi á undan hinum
og sótt hefur í að allir vilja fara þá.
Þess má geta að Víðidalstungurétt er
hrossaflesta stóðrétt á landinu að sögn Ólafs R.
Dýrmundssonar, ráðunauts.
Frá Danmörku til Peking
á íslenskum hestum
Tveir Danir ætla að ríða á íslenskum hestum
heiman frá sér og alla leið til Kína, nánar til tekið til
Peking. Danirnir heita Paul Rask og Steen Gees
Christensen og þeir ætla hvor að hafa þrjá til reiðar
á þessari 15000 km löngu leið. Það er félag hesta-
manna með íslenska hesta í Danmörku sem stend-
ur fyrir ferðinni ásamt hestamönnunum tveim.
Þeir félagarnir, sem eru vanir hestamenn, ætla
að leggja upp frá Danmörku og ríða yfir Þýska-
land, Pólland, Sovétríkin, Mongólíu og Kína. Þrír
hestanna verða fengnir héðan heimanað, hinir þrír
úr hópi íslenskra hesta í Evrópu. Ætlunin er að
gera ýmsar vísindarannsóknir á hestunum í ferð-
inni, en íslenskir hestar eru taldir sérstæðir meðal
hestakynja og eru taldir líklegir til að komast þessa
löngu leið sökum eiginleika sinna.
Stofnuð hefur verið sérstök sjálfseignarstofnun
um Kínaförina. Hún á að skipuleggja ferðina og
allt sem að henni lýtur. Fjár á að afla með styrkjum
frá fyrirtækjum og stofnunum. Að loknum leið-
angri verður stofnunin lögð niður. Hugsanlegur
hagnaður verður notaður í þágu íslenska hestsins.
Hagrœðing
fmjólkuriðnaði
gœti sparað mikið fé
Hagræðing og skipulagsbreytingar á mjólkur-
iðnaði í landinu voru mikið ræddar á aðalfundi
Landssambands kúabænda í ágúst sl. í skýrslu
ráðherraskipaðrar nefndar sem þar var til um-
ræðu kom fram að spara megi allt að 200 milljónir
króna á ári með því að sameina rekstur mjólkurbúa
og fækka þeim. Talið er að vinnslugeta mjólkur-
iðnaðarins sé nú nærri því tvöfallt meiri en mjólk-
urframleiðsla bænda er. Sjömannanefnd kannar
hvort henti að gefa verðlagningu í vinnslu og
dreifingu mjólkur frjálsa og bjóða upp á óhefta
samkeppni. Þetta kom m.a. fram í ávarpi Halldórs
Blöndal landbúnaðarráðherra á aðalfundi L.K.
Mjólk er holl fyrir hjartað
Mjólkurneysla dregur úr hættu á því að fólk fái
hjartaáfall ! Þetta eru niðurstöður af tíu ára rann-
sóknum breskra lækna á 4200 miðaldra mönnum.
I niðurstöðum skýrslu frá vísindamönnum í Ca-
erphilly í Mid Glamorgan kemur m.a. fram að
aðeins 1,2% þeirra sem drukku meira en hálfan
lítra af mjólk á dag (sama hvaða mjólk) fengu
hjartasjúkdóma: Af þeirra sem drukku minna en
hálfan lítra af mjólk daglega og þeim sem aldrei
neyttu mjólkur, áttu annars vegar 5,8% og hins-
vegar 10% við slíka sjúkdóma að stríða. Peter
Elwood, einn af læknunum, álítur að prótein og
kalsíum í mjólk eigi þarna stóran hlut að máli, en
segir jafnframt að það þurfi að rannsaka betur.
Rannsóknastofa norskra mjólkurbúa er nú að
rannsaka þessa athyglisverðu niðurstöður nánar,
að því er tímaritið Nordisk Jordbrugsforskning
hermir.