Freyr - 15.10.1991, Blaðsíða 27

20.’91
FREYR 815
Námskeið við Bœndaskólann
á Hvanneyri
Eftir Runólf Sigursveinsson
Eitt af hlutverkum Bœndaskólans á Hvanneyrí er að sinna símenntun og endurmenntun
starfsmanna ílandbúnaðinum. Undanfarin ár hefur verið lögð vaxandi áhersla á þennan
þátt ístarfi skólans, fyrst og fremst með skipulagningu stuttra námskeiða sem einkum eru
œtluð fólki í dreifbýli.
Námskeiðin njóta fjárhagslegs stuðnings Framleiðni-
sjóðs landbúnaðarins og hefur sjóðurinn tekið þátt í
dvalar- og ferðakostnaði þátttakenda. Tilgangur
þessa stuðnings er að auðvelda fólki þátttöku í nám-
skeiðunum og jafnframt að hvetja til aukinnar starfs- I
menntunar í atvinnugreininni.
Áhugi fólks á þessu formi af starfsmenntun er mikill
og á síðasta skólaári sóttu tæplega 600 manns nám-
skeið á Hvanneyri. Mörg þessara námskeiða eru
skipulögð í samvinnu við aðrar stofnanir landbúnað-
arins eins og fram kemur hér á eftir.
Á þessu skólaári eru fyrirhuguð allmörg námskeið á
Hvanneyri líkt og undanfarin ár. Hér á eftir fylgir stutt
kynning á námskeiðum sem eru í boði frá október til
janúar 1992. Jafnframt er hafinn undirbúningur að
námskeiðum á vormisseri 1992 og má þar nefna
námskeið í skattskilum, bútækni og heyverkun.
Kostnaður þátttakenda fyrir þriggja daga námskeið
er áætlaður um 4000 krónur.
Skráning á öll námskeiðin fer fram á skrifstofu
Bændaskólans á Hvanneyri í síma 93-70000 og þar eru
veittar allar nánari upplýsingar um námskeiðin.
Þátttöku þarfað tilkynna í síðasta lagi þremur dögum
áður en námskeiðið hefst.
Dagsetning námskeiða
Október
Bókband..................... 23.-29.
Útskurður ............................. 23.-31.
Lífdýraflokkun á ref.......... 31.
Nóvember
Nautgriparækt-beiðslisgreining. ... 5.
Tóvinna...................... 6.-8.
Framleiðslustjórn á kúabúi.... 11.
Lífdýraflokkun á mink......... 12.
Sauðfjárrækt-rúningur........ 13.-15.
Hrossarækt-fóðrunoghirðing .... 18.-19.
Búreikningar.......................... 21.-22.
Búsmíði............................... 25.-27.
Stofnunogreksturfyrirtækis............ 27.-29.
Janúar
Kanínurækt-úrvinnslaáfiðu........ 13.-18.
Kanínurækt-skinnaverkun............... 13.-18.
Tölvunotkunl.......................... 29.-31.
Námskeið í október
BÓKBAND
Tími: 23.-29. október
Umsjónarmaður: Jón Friðbjörnsson
Efnisþœttir:
Námskeiðið er fyrst og fremst ætlað þeim sem vilja
kynna sér undirstöðuþætti í bókbandi. Kennslan er að
mestu leyti verkleg. Kennt verður í þrjár klukku-
stundir á hverjum degi. Þátttakendum á bókbands-
námskeiðinu gefst tækifæri til að taka þátt í útskurðar-
námskeiði samhliða bókbandinu.
ÚTSKURÐUR
Tími: 23.-31. október
Umsjónarmaður: Halldór Sigurðsson
Efnisþættir:
Fjallað um undirstöðuþætti í útskurði í tré og
notkun handverkfæra á tré. Kennslan er að mestu
verkleg. Námskeiðið nær yfir átta kennsludaga og
kennt verður í þrjár klukkustundir á dag. Þátttakend-
ur á þessu námskeiði geta einnig tekið þátt í námskeiði
í bókbandi samhliða útskurðarnámskeiðinu.
LÍFDÝRAFLOKKUN Á REF
Tími: 31. október
Umsjónarmaður: Bjarni Stefánsson
Efnisþættir:
Námskeiðið er ætlað bændum sem hafa einhverja