Freyr - 15.10.1991, Blaðsíða 30

818 FREYR
20.’91
Hvanneyri tekið þátt í skipulagningu á nokkrum
námskeiðum fyrir leiðbeinendur í landbúnaði í sam-
starfi við aðrar stofnanir landbúnaðarins. A þessu
skólaári verður unnið að skipulagningu sérstakra
námskeiða fyrir leiðbeinendur m.a. í bútækni.
Búnaðarfélag íslands og Bændaskólinn á Hvann-
eyri hafa á undanförnum árum skipulagt einstök
námskeið í vélfræði fyrir grænlenska búfræðinema
sem dvelja hér á landi í verknámi á vegum Búnaðarfé-
lags íslands.
Árið 1989 hófst samstarf Bændaskólans á Hvann-
eyri og Dalum búnaðarskólans á Fjóni í Danmörku
um námskeiðahald fyrir danska bændur hér á landi. Á
síðustu tveimur árum hafa komið um 130 manns frá
Danmörku í náms- og kynnisferðir til íslands. Annars
vegar eru það hópar danskra hestaáhugamanna sem
koma til að kynna sér íslenska hrossarækt og hins
vegar hópar danskra sauðfjáráhugamanna sem koma
til að kynna sér íslenska sauðfjárrækt.
Sumarið 1992 er von á tveimur hópum frá Dan-
mörku sem hvor um sig mun dveljast í um vikutíma
hér á landi á námskeiði, annað námskeiðið í hrossa-
rækt og hitt í sauðfjárrækt.
Með þessum samskiptum við Dalum búnaðarskól-
ann eru einnig möguleikar að skipuleggja náms- og
kynnisferðir íslenskra bænda til Danmerkur ef áhugi
er fyrir hendi hér á landi.
AÐ LOKUM
Hér á undan hafa verið kynnt þau námskeið sem
þegar eru ákveðin á tímabilinu október 1991 til janúar
1992. Auk þess hefur verið minnst á nokkur námskeið
sem verða í boði á vormisseri 1992.
Vonandi finna flestir eitthvað við sitt hæfi en allar
ábendingar um ný viðfangsefni eru vel þegnar.
Athygli er vakin áþvíað skráning á hvert námskeið er í
síma 93-70000 alla virka daga frá kl. 8:20 til kl. 17:00.
Mikilvœgt er að hafa samband með nœgumfyrirvara, í
síðasta lagi þremur dögum áður en viðkomandi nám-
skeið hefst. (Athuga ber þó að takmarka verður fjölda
þátttakenda á hvert námskeið)
Greinargerð um störf Framleiðnisjóðs.
Frh. afbls. 814.
ársloka. Heildargreiðsla var áætl-
uð 8 milljónir króna, en varð 10.9
milljónir á árinu.
3) Þá var samþykkt að veita allt
að 50 % bakábyrgð vegna afurða-
lána út á framleiðslu ársins 1990, til
viðbótar þeim tryggingum sem
lánastofnanir taka í framleiðslu-
verðmætum viðkomandi bús.
Áfram var unnið að lausn fjár-
hagsvanda Sóttkvíarbúsins á
Möðruvöllum og SÍL, með fram-
lögum og afskriftum lána.
í 6. töflu er gerð grein fyrir
heildarstuðningi við loðdýrarækt-
ina. Glöggt kemur fram að fyrri
hluta tímans miðast stuðningurinn
við uppbyggingu búgreinarinnar,
en síðustu árin hefur megináhersl-
an verið lögð á að veita rekstrarað-
stoð með ýmsu móti, til að verjast
markaðsáföllum. Einnig hefur ver-
ið talið mikilvægt að varðveita
ræktunarárangur og verkkunnóttu
í greininni.
Árangur
Eðlilegt er að spurt sé hvaða ár-
angri ráðstöfun fjármuna úr Fram-
leiðnisjóði landbúnaðarins hefur
skilað á gildistíma búvörulaganna.
Ríkisendurskoðun telur sumt
orka tvímælis sem gert hefur verið,
sérstaklega á þessi gagnrýni við um
þætti sem sinnt hefur verið að sér-
stökum tilmælum stjórnvalda.
Pað er því full ástæða til að vara
við hugmyndum um aukin áhrif
stjórnvalda á ráðstöfun fjármuna
sjóðsins.
Erfitt er að meta til hlítar árang-
ur af gerðum sjóðsins, en ljóst er,
að stuðningur við aðlögun hefð-
bundnu búgreinanna að búvöru-
samningi og innlendum markaðs-
aðstæðum tryggir bændum, sem
þær stunda, 6-10% meiri launa-
tekjur um árabil en ella hefði ver-
ið, enda hefur um tveim þriðju af
ráðstöfunarfé sjóðsins runnið til
þessa.
Hin almennu búháttaframlög
hafa víða lagt grundvöll að nýjum
störfum og auknum tekjum, eða
komið í veg fyrir rýrnun tekna. Þau
hafa í mörgum héruðum haft veru-
leg áhrif á atvinnuþróun og búsetu.
Nú gætir vissrar mettunar, það
skortir góðar hugmyndir um rekst-
ur sem hentar fólki með þá mennt-
un og reynslu sem fólk í sveitum
býr að og fellur jafnframt að litlum
rekstrareiningum. Pó má greina
óplægða akra á ýmsum sviðum fé-
lagslegrar þjónustu, s.s. rekstur
heimlia til lengri eða skemmri
dvalar fyrir alla aldurshópa.
Framleiðnisjóður hefur veitt
Stéttarsambandi bænda fé til að
það geti haft atvinnumálafulltrúa á
sínum vegum og þannig komið
beint að aukinni hvatningu til at-
hafna.
Framlög til rannsóknar- og þró-
unarverkefna hafa flýtt þróun og
þekkingaröflun í þágu nýrra sem
hefðbundinna búgreina og á þann
veg komið að ómældu gagni.
Stuðningur við bændur og ráðu-
nauta til að endurnýja fagþekkingu
sína og afla nýrrar, mun eflaust
skila árangri á næstu árum og er
örugglega ein besta fjárfesting sem
Framleiðnisjóður landbúnaðarins
getur varið fjármunum til.
Jóhannes Torfason er formaður stjórnar
Framleiðnisjóðs landbúnaðarins.