Freyr - 15.11.1991, Blaðsíða 19

22.’91
FREYR 887
Að Lundi við Varmahlíð í Skagafirði býr Anna Hróðmarsdóttir og rekur
verslun með eigin framleiðslu, m.a. handunna leirmuni.
A Bakkaflöt í Lýtingsstaðhreppi íSkagafirði reka hjónin Sigurgeir Friðriksson
og Klara Jónsdóttir fjölþœtta ferðaþjónustu: gistingu, veitingar, sumarhús og
tjaldstœði. Öll aðstaða og þjónusta er til mikillar fyrirmyndar.
Framleiðnisjóður
landbúnaðarins og
Smáverkefnasjóður styðja nýja
starfsemi í sveitum
Rétt er að vekja athygli á Fram-
leiðnisjóði landbúnaðarins og
möguleikum hans til að stuðla að
búháttarbreytingum eða að styðja
við nýsköpun atvinnu í sveitum.
Verkefni mínu, sem atvinnu-
málafulltrúi bænda, fylgir einnig
sjóður, svokallaður Smáverkefna-
sjóður, sem er ætlað að styðja við
smærri atvinnuverkefni fólks í
sveitum. Yfir 30 umsóknir hafa nú
borist til sjóðsins og 19 umsóknir
hafa verið afgreiddar jákvætt.
Verkefnin sem hafa verið styrkt
eru í meginatriðum þessi:
Ferðastyrkur vegna fræðslu er-
lendis um úrvinnslu ullar, kaup á
iðnaðartæki til viðgerða í fiskiðn-
aði, styrkir til að stofna saumastof-
ur, vegna verkunar og frágangs
eldisfisks, til stofnsetningar list-
muna- og minjagripasölustaðar, til
staðar, til þróunarverkefnis við
skinnasútun, styrkur til vefnaðar-
námskeiðs, til framleiðslu á
þroskaleikföngum, tækjakaup til
vinnslu á fiðu, vegna tilraunar til
reksturs minjagripasölustaðar,
styrkur vegna jarðaberjafram-
leiðslu, vegna tölvurekstrar, til
listiðnaðarframleiðslu, vegna
stofnbúnaðar heilsuræktarstöðva í
sveit og til þróunar framleiðslu úr
hreindýraskinnum.
Á þessari upptalningu sést að
verkefni af ýmsum toga eru styrkt
og sjálfsagt er að leita upplýsinga
um reglur og möguleika sjóðsins til
stuðnings við smærri vænlegar at-
vinnuhugmyndir.
Nokkur verkefni eru í gangi
Nokkur verkefni eru yfirstandandi
eða í undirbúningi við þróun smá-
iðnaðar og framleiðslu sem tengist
íslensku ullinni. Mikill áhugi er á
að þróa vinnslu ullar og draga fram
hina sérstöku eiginleika hennar
með það að markmiði að framleiða
verðmæta, hágæða ull til handiðn-
aðar og listsköpunar. Að þessu
hafa Byggðastofnun og Iðntækni-
stofnun stutt ásamt Framleiðni-
sjóði. Með aðstoð hans hefur hafist
ullarúrvinnsla á Hvammstanga og
því var þar talinn eðlilegur vett-
vangur fyrir ráðstefnu áhugafólks
um þessi mál í júlí síðastliðnum.
Pá er mjög áhugavert það fram-
tak nokkurra sunnlenskra kvenna
með Helgu Thoroddsen í farar-
broddi, en Helga hefur aflað sér
menntunar í Bandaríkjunum í vefj-
aefnafræði (Textil science), að
nýta gamla skólahúsið og félags-
heimilið Þingborg í Gnúpverja-
hreppi, en hreppurinn hefur lagt
þeim það til, sem opna vinnustofu
og námskeiðsstað, sýningar- og
söluaðstöðu á framleiðslu sem er
árangur af þróun ullarúrvinnslu.
Og víðar á landsbyggðinni eru ein-
staklingar í samstarfi eða einir sér