Freyr - 15.11.1991, Blaðsíða 32

•TTt>T FRÉTTAPUNKTAR
V—✓ JL 1» -J '91 • UÞL • UÞL • UÞL • UÞL • UÞL • UÞL • UÞL • UÞL • UÞL • UÞL •
Umhverfisráðuneytið vinnur um þessar
mundir að áætlanagerð um stofn- og
rekstrarkostnað móttökustöðva vegna sorp-
hirðu á landinu öllu. Jafnframt er í athugun
hvaða leiðir séu færar til að afla fjár til verk-
efnisins. Mikið hefur verið rætt um sorphirðu-
mál dreifbýlisins að undanfömu, m.a. af um-
hverfisráðuneytinu og Sambandi íslenskra
✓
sveitarfélaga. I þeim viðræðum hefur komið
fram að þau verðaekki leyst nemameð aukinni
samvinnu sveitarfélaga innbyrðis og aðstoð
ríkisins við fjármögnun á móttökustöðvum
fyrir sorp. Þá hefur stjórn sambandsins bent á
að sveitarfélög á landsbyggðinni séu ekki
þess megnug að leysa brýn verkefni í
umhverfismálum án nýrra tekjustofna.
Umhverfisráðherrar Evrópubandalags-
ins komu sér nýlega saman um að
leggja á svonefndan "orkuskatt" en hann
hefur verið í deiglunni um þó nokkurt skeið.
Eftir er að útfæra álagninguna en búist er við
að hún muni leiða til mun hærra verðs á olíu og
öðrum orkugjöfum. Markmið skattheimtunnar
er að draga úr myndun C02 í andrúmsloftinu
og stemmaþannig stigu við sívaxandi gróður-
húsaáhrifum. Talið er að um stigvaxandi skatt
verði að ræða, þ.e. að hann leggist þyngst á þá
orkugjafa sem skila mestu af C02 frá sér.
Carlo Ripa di Meana, framvæmdastjóri um-
hverfismála hjá Evrópubandalaginu segir að
um tímamótaviðburð sé að ræða og hann býst
við að skattheimtan komi til framkvæmda í
desembermánuði nk. A meðan búa íbúar
Evrópubandalagsins sig undir hækkað
olíuverð.
SKULDIR SVEITARFÉLAGA
síðasta tölublaði "Byggða", fréttablaði
Sambands íslenskra sveitarfélaga,
kemur fram gagnrýni á störf stjómvalda við að
treysta atvinnulíf dreifbýlisins. Þar segir að
ríkisvaldið og stofnanir þess, svo sem
Byggðasjóður, aðrir sjóðir og ríkisbankar,
hafi að mörgu leyti brugðist og að sumar
aðgerðir opinberra aðila hafi beinlínis verkað
þveröfugt við upphaflegan tilgang, þótt í nafni
byggðastefnu sé. Af þessum sökum hafi
stuðningur við atvinnulífið á landsbyggðinni
færst í auknum mæli yfir á einstök sveitarfélög
án þess að þau hafi fjárhagslegan styrk eða
tekjustofna til að sinna svo stóm verkefni. Það
verði því að taka til endurskoðunar þessa skipan
mála og athuga til hlítar allar afleiðingar þess.
Þá segir að þótt fjárframlög
sveitarfélaganna til atvinnulífisins hafi á
stundum orkað tvímælis sé erfitt að áfellast
ákvarðanir sveitastjómanna. Þær séu í slæmri
stöðu, þeim sé hreinlega stillt upp við vegg.
Ibúamir krefjist þess að atvinnulífið verði reist
úr rústum og atvinnuleysisvofunni bægt frá.
Þá sjái bankar og sjóðir oftast enga aðra í
byggðarlögunum sem hægt sé að treysta til
þessara hluta og fjármálalegrar ábyrgðar en
sveitarfélögin.
ASÍ ÖGVSÍ í BYGGÐAMÁLIN
I' fréttablaði S ambands íslenskra sveitar-
félaga er sagt frá skipun sérstakrar
samstarfsnefndar sambandsins og ASI og VSI.
Hlutverk nefndarinnar er að ræða sameiginleg
hagsmunamál þessara aðila, t.d. stöðu
atvinnumála almennt, kjaramál og skattamál
með það að markmiði að efla atvinnu-
uppbyggingu og stöðugleika í atvinnulífinu.
Upplýsingaþjónusta landbúnaðarins • Bændahöllinni v/Hagatorg • 107 RVK • Sími 20025/620025 • Fax 628290