Freyr - 15.11.1991, Blaðsíða 38

Séð fram að Kollabúðum.
svo sem einn sýslumaður, þrír pró-
fastar, fimm prestar og tíu hrepp-
stjórar.
Góðar efndir urðu á því, sem
séra Ólafur á Stað á Reykjanesi
hafði sagt um veturinn í bréfi til
Jóns Sigurðssonar. Hann skrifaði:
„Já þú mátt vera viss um það, ef að
við tórum hér prófastur minn og
ýmsir, þá munu Kollabúðafundir
lifa og lifna og frá þeim koma ein-
hver málefni til þings“.
Ennfremur sagði hann: „F>að er
nú það sem Danir bíða eftir, að
þjóðaráhuginn dofni og þeir geti
að lyktum gert við oss, það sem þá
lystir, en ég er að vona að þeim
bregðist það og minna sé í oss af
froðu en hjá Dönum."
Næsta vor, 1858, var fundur
haldinn 1. og 2. júní undir forsæti
Jóns Thoroddsen sýslumanns.
Vestureyingar komust ekki upp
vegna stórveðurs og var það ef til
vill í eina skiptið að svo tókst til
þau 20 ár sem samkomur voru á
Kollabúðum.
Ástæðan til þess að fundurinn
var boðaður svona snemma sum-
ars að þessu sinni var ótti Vestfirð-
inga að fjárkláðinn væri að berast
norður til þeirra. Vildu þeir í tæka
tíð gera ráðstafanir til þess að
koma í veg fyrir það.
Séra Ólafur stýrði Kollabúða-
fundinum síðast 1859, en hann var
að verða sjötugur, heilsan að bila
og látinn var hann áður en næsti
fundur var haldinn. I sambandi við
síðustu ferð sína á Kollabúðafund
segir séra Ólafur: „Þangað brölti
ég, meðan orkað fæ að halda í
honum líftórunni, meðan ég er
uppi. Hvað sem verður um hann,
hvort hann fer þá eins og Öxarár-
fundurinn".
Á séra Ólafi hvíldi meira en
nokkrum manni öðrum gagnvart
Kollabúðafundum.
Séra Ólafur segir einnig að nú
haldi hann að Kollabúðafundir
sálist ineð þeim sálaða prófasti
vorum.
„Sýslumaður Jón Thoroddsem á
nú að heita forseti hans en hann
hvorki nennir né þorir að setja líf í
hann“.
Svo skrifar séra Ólafur mági
sínum, Jóni Sigurðssyni forseta.
Eftir þetta var efnt til Kolla-
búðafunda í 8 ár, síðast 1868. Þeir
sem forustu höfðu á þeim fundum
voru Jón Thoroddsen skáld og
sýslumaður, séra Þórarinn Böðv-
arsson í Vatnsfirði, séra Eiríkur
Kúld í Flatey og Gunnlaugur Blön-
dal sýslumaður.
Kollabúðafundir urðu alls 20 en
þá eru ekki taldir með tveir fundir
sem voru miklu síðar eða 1891 og
1895 og voru þeir ekki í beinum
tengslum við hreyfingu Vestfirð-
inga sem vakin var 1849. Aðal
baráttumál þeirra funda voru
verslunarmál, sjálfstjórnarmál,