Freyr - 01.12.1991, Blaðsíða 18

926 FREYR
23.’91
Kokkteilpylsur á leið í reykingu.
Að hvaða ieyli er hagkvœmt
fyrir fyrirtœkið að vera hér?
Það er ýmislegt hagstætt við að
vera hér. A húsinu hér hvfla lán og
það er með sínar afskriftir. Nú
skilar það góðri húsaleigu, ef svo
má segja, en áður var nýting þess
takmörkuð utan 5 vikna sláturtíma
á haustin. Það má jafnframt nefna
það að flutningsleiðir innan verk-
smiðjunnar eru styttri og flæðið
eðlilegra.
Fáið þið kjöt úr öllum
sláturhúsum SS, þ.e. vestan frá
Laxá í Leirársveit og austan frá
Kirkjubœjarklaustri?
Já, það sem unnið er á vegum SS er
unnið hér. Hins vegar er hluti af
kjötinu í Vík í Mýrdal og á Klaustri
geymdur þar en þar er ekki rúm
fyrir allt kjötið sem fellur til á
þessum stöðum. Þegar það fer að
rýmkast í geymslunum hér þá er
flutt hingað frá hinum stöðunum til
að spara frystikostnað.
Húsin á Klaustri, í Vík og á
Selfossi selja svo beint frá sér í
heilum skrokkum allan ársins
hring til þeirra sem búa í nágrenn-
inu.
Hvernig finnst þér að
verksmiðjunni hafi verið tekið
hér í héraði?
Stjórnendur sveitarfélagsins hafa
tekið okkur opnum örmum og ég
verð ekki var við annað en að fólk
sé mjög ánægt með þetta, að því
undanskildu að sumir sakna slátur-
vinnunnar. Það er eins og það hafi
fylgt sláturtíðinni ákveðin
rómantík. Það er hins vegar alitaf
vöntun á vönu sláturfólki, þannig
að þeir sem vilja komast í þá vinnu
eiga þess kost annars staðar.
Finnur þú mun á að reka
verksmiðjuna hér eða í
Reykjavík hvað varðar forföll
starfsfólks?
Nei, ég finn ekki mun á því. Hins
vegar er hér stimpilklukka, þannig
að komutími og brottfarartími
hvers starfsmanns er skráður og
væri hægt að finna þetta út, en ég á
ekki von á að neinn afgerandi
munur kæmi í ljós.
Er ekki Sláturfélagið með
vinnslu víðar en hér?
Jú, á Selfossi fer fram úrbeining á
nautgripakjöti og kindakjöti og
fram undir þetta hefur verið rekið
framleiðslueldhús í Kópavogi, þar
sem framleidd eru salöt, hamborg-
arar o.fl. Sú starfsemi verður fljót-
lega flutt hingað.
Óttist þið ekki að vegir geti
lokast á veturna?
Áður en við fluttum verksmiðjuna
hingað vorum við með vinnslu á
kjöti hérna, þ.e. pökkuðum hér
saltkjöti og öllu frosnu kjöti í neyt-
endaumbúðir og héðan voru ferðir
alla virka daga til Reykjavíkur sem
höfðu aldrei brugðist. Það er
þannig góð reynsla á þessu og ekki
ástæða til að hafa áhyggjur af þeim
þætti.
Hefur Sláturfélagið nóg kjöt fyrir
sinn markað?
Nei, ekki af kindakjöti, eins og
fram hefur komið í fjölmiðlum.
Þróun í sauðfjárræktinni sýnir að
samdráttur er mestur á Suðurlandi
og á Vestfjörðum. Hins vegar er
mestur markaður í þéttbýlinu á
höfuðborgarsvæðinu, þar sem SS
hefur frá upphafi haft sitt aðal-
markaðssvæði.
Það gefur því auga leið að við
munum í framtíðinni þurfa að
kaupa kindakjöt í auknum mæli frá
öðrum sláturleyfishöfum. Þar hef-
ur komið upp hnútur í viðskiptum
milli fyrirtækja, sem að sjálfsögðu
þarf að leysa.
Má ekki segja að vel hafi tekist
til um flutning á verksmiðjunni
hingað á Hvolsvöll?
Jú, það má segja að það hafi tekist
vonum framar að flytja svona stórt
fyrirtæki á einni helgi, eins og við
gerðum. Það hefði hins vegar verið
æskilegt að geta mannað verk-
smiðjuna með innlendu vinnuafli,
en ég held að það eigi eftir að
gerast á næstu árum.
Ég vil líka koma því að að sveit-
arfélagið hér hefur verið boðið og
búið að standa við bakið á okkur í
þessu öllu.
M.E.
Leiðrétting
I greininni „Frá Framleiðsluráði
landbúnaðarins“ á bls. 822 í 20.
tbl. Freys er kynnt ný skipan Fram-
leiðsluráðs. Þar segir: „í ráðinu
eiga sæti næstu tíu ár .... “
Þarna á að standa: „næstu tvö
ár“.