Freyr - 15.06.1992, Blaðsíða 9

12.’92
FREYR 481
Hundahús á Daðastöðum ásamt hlaupagerði.
Ég tók þátt í fjárhundakeppni á
Nýja-Sjálandi og hef haft hug á að
koma slíkri keppni á hér, en það
hefur ekki tekist enn sem komið
er.
Hvernig barst þú þig svo að
við innflutning hundanna?
Það var Búnaðarfélag íslands
sem flutti hundana inn fyrir mig.
Ég fékk svo að hafa þá í sóttkví í
bílskúr hjá foreldrum mínum í
Garðabænum. Petta er árið 1977.
Síðan hef ég ræktað þessa hunda,
og einu sinni flutt inn hunda eftir
það.
Hundarnir hafa dreifst víða og
margir sem hafa eignast góða
hunda frá mér. Það þarf hins vegar
ákveðna kunnáttu og vinnulag til
að ná út úr þeim því sem í þeim
býr.
Til að leiðbeina mönnum um
þetta gaf Búnaðarfélag íslands út
bókina „Fjárhundinn", sem Stefán
Aðalsteinsson þýddi. Síðan lét ég
útbúa myndband um tamningu og
notkun hundanna. Það var tekið
upp árið 1990 en kom á markað í
fyrra, árið 1991. Það var svo fjöl-
faldað og meirihluti allra fjárrækt-
arfélaga í landinu hefur eignast
það og látið ganga milli félags-
manna sinna.
Þó finnst mér að íslenskir bænd-
ur hafi ekki gripið nógu vel við sér.
Draumur minn er að talið verði
sjálfsagt að hafa hunda eins og
þessa á hverju búi sem er með
sauðfé, og hafa þar af þeim full
not.
Þurfa hundarnir að vera í
stöðugri notkun?
Nei, það gerir ekkert til þó að
þeir séu ekki notaðir langtímum
saman. Það er með þá eins og
hesta, að þeir gleyma ekki því sem
þeir hafa lært. Þeir eru að vísu
stirðari, bæði líkamlega og í sam-
skiptum, fyrst á eftir að þeir hafa
verið hvíldir, en það kemur fljótt.
Við hvað nýtast þér hundarnlr
mest?
Þeir hjálpa mér mikið við lambfé
á vorin, raga það til, sleppa og
annað slíkt. Síðan nota ég þá ekki
mikið yfir sumarið, en það er á
haustin sem ég nota þá fyrst og
fremst. Þeir fara með mér í göngur
og notast þá mikið. En það er ekki
síður við allt annað fjárrag á
haustin, dagsdaglega, sem þeir
koma að gagni.
Ég hef ekki girðingar fyrir fé
mitt á haustin þannig að það dreif-
ist um stórt svæði. Ég reyni þó að
ná því saman einu sinni í viku. Það
væri ákaflega erfitt ef ég hefði ekki
hundana til að hjálpa mér.
Hvað getur þú sent hundana
langt frá þér?
Það er mjög misjafnt eftir að-
stæðum. Þeir vinna best ca 500 m
til hvorrar handar, en við sérstakar
aðstæður getur maður sent þá enn
lengra. Ég er með 5-6 hesta sem ég
nota á haustin og gæti ekki verið
án, en ég nota hundana langtum
meira.
Kom þér ekkl til hugar að flytja
inn geltandi hunda?
Jú, en það er töluvert fyrirhafn-
arsamt að standa í þessum inn-
Pegar fréttamaður Freys kom í heimsókn var féð á fjalli. Gunnar sýndi þá
hœfileika hundanna með því að láta þá reka geldneyti.