Freyr - 01.01.1994, Blaðsíða 16

Mikilvœgt að vera sjálfbjarga
um sem flest
Viðtal við Reyni Guðbjartsson bónda á Kjarlaksvöllum
í Saurbœ f Dalasýslu
Reynir Guðbjartsson á Kjarlaksvöllum í Dalasýslu er kunnur fyrir hagleik og útsjónar-
semi, auk þess sem hann rekur gott bú. Hann kom sér upp fjárhúsum fyrir sáralítinn
útlagðan kostnað en hefur eins og aðrir mátt þola mikla skerðingu á framleiðslurétti
sínum.
Á sl. hausti lagði fréttamaður
Freys leið sína til hans til að fræð-
ast um þetta og fleira, en byrjaði á
að biðja Reyni að segja á sér deili.
Ég er fæddur í Sælingsdal í
Hvammssveit en fluttist ársgamall
í Saurbæinn með foreldrum
mínum og 5 ára að Miklagarði þar
sem þau bjuggu megnið af sínum
búskap. Foreldrar mínir eru Guð-
bjartur Jóhannsson, sem er 84 ára
og býr enn í Miklagarði hjá dóttur
sinni. og Karitas Hannesdóttir,
sem látin er fyrir nokkrum árum.
Þau eru bæði upprunnin hér úr
Dalasýslu.
Skólaganga mín er eins lítil og
hún getur verið, ég tók barnapróf
13-14 ára og fór þá að vinna eins og
kraftar leyfðu.
Kona mín er Helga Björg Sig-
urðardóttir og hún er hér frá Kjar-
laksvöllum. Foreldrar hennar eru
Sigurður Ólafsson og Júlíana Ei-
ríksdóttir, sem bjuggu hér allan
sinn búskap. Júlíana var auk þess
kennari hér í sveitinni í nokkra
áratugi. Allmörg síðustu árin
kenndi hún hér á Kjarlaksvöllum
og hafði hér heimavist fyrir börnin.
Þau hjónin byggðu yfir skólann á
eigin kostnað og ráku hér skóla
fyrir sveitina.
Við eigum fimm börn, fjóra syni
og eina dóttur. Þrjú af þeim búa
hér heima, Úlfar sem er elstur er í
stjórnunarstöðu hjá Goða hf. í
Reykjavík, Þröstur býr á Akranesi
og er matreiðslumaður og á og
rekur þar ásamt öðrum veitinga-
staðinn Langasand. Sigurður býr
hér heima og á og rekur flutninga-
Reynir Guðbjartsson. (Freysmynd).
bíl og er í búskapnum með okkur.
Hugrún, sem er næstyngst, og
maður hennar, Guðmundur
Gunnarsson úr Kópavogi, hafa
byggt sér eigið íbúðarhús hér, sem
þau fluttu í árið 1992, og reka hér
búskap. Húsinu komu þau upp án
þess að taka lán, en byggingin tók
nokkur ár. Þau eiga tvo syni,
Helga8ára og Tómas5ára. Yngst-
ur er svo Bjarki, sem er í búskapn-
umm, en hins vegar stundum við
öll vinnu utan bús eftir því sem
tækifæri gefast. Bjarki t.d. vinnur í
Graskögglaverksmiðjunni í Ólafs-
dal á sumrin. Þá höfum við unnið
allt upp í sex héðan af bænum í
sláturtíðinni á haustin í sláturhús-
inu á Skriðulandi hér í sveitinni.
Það skiptir þá nokkru máli að
það sláturhús lifi, tyrir afkomu
ykkar?
Já, vissulega, hingað til hefur
maður að vísu litið á sláturvinnuna
sem skylduverk öðrum þræði, en
eftir því sem önnur vinna dregst
meira saman þá er þetta vinna sem
maður vill ekki missa. Nú fer mað-
ur að þurfa á henni að halda.
Hvenœr flytur þú hingað?
É.g kem hingað árið 1954 og þá
förum við hjón strax að búa. Um
það leyti fóru hér fram fjárskipti
vegna mæðiveiki og við hófum
okkar búskap með nýjan fjárstofn,
og það komu 40 kindur í minn hlut.
Tengdaforeldrar mínir fengu eitt-
hvað álíka margt fé, þó e.t.v. að-
eins fleira.
Hér hefur þá eingöngu verið
fjárbúskapur?
Já, og kýr fyrir heimilið. Meðan
skólinn var rekinn hér voru kýrnar
nokkuð fleiri. Héðan hefur ekki
verið seld mjólk nema rétt fyrstu
árin eftir að farið var að flytja
mjólk í Borgarnes. Þá var verið að
senda héðan nokkra lítra. Þetta er
áður en Mjólkurbúið í Búðardal
var stofnað.
Ég er fyrsti mjólkurbflstjórinn
héðan úr Dölum eftir að mjólkur-
sala héðan hófst fyrir alvöru og
notaði minn eigin bfl. Þá var fyrst
verið að senda nokkra lítra frá
einstökum bæjum, allt niður í 3-4
lítra í einu. Það voru mestu vand-
ræði að láta þessu litlu brúsa
standa á pallinum.
8 FREYR - l-Z'94