Freyr - 01.01.1994, Blaðsíða 47

Hreinsað til í FAO
Valdaskipti, sem lengi hefur verið
beðið eftir, hafa nú farið fram í
FAO, Matvœla- og landbúnaðar-
stofnun Sameinuðu þjóðanna. Er
þess vœnst að með þeim verði
blásið nýju lífi í þetta risavaxna,
alþjóðlega bákn, sem árum sam-
an hefur legið undir gagnrýni.
Á 27. ráðstefnu FAO, sem haldin
var í byrjun nóvember í Róm, reyndi
danski landbúnaðarráðherrann
Björn Westh að koma á framfæri
sjónarmiðum Norðurlanda við
væntanlega „tiltekt“ í stofnuninni,
eftir 18 ára stjórn Líbanans Edouard
Sauma, sem er sakaður um að hafa
beitt einræðislegum vinnubrögðum.
Á ráðstefnunni var Jacques
Diouf, sendiherra Senegals hjá S.Þ.
kosinn framkvæmdastjóri eftir
Sauma.
Norrœnt frumkvœði.
Danski landbúnaðarráðherrann
sagði á ráðstefnunni að skilyrði fyrir
700 milljón kr. (ísl.) árlegu framlagi
Dana til FAO væri að fram færu
róttækar endurbætur á starfi stofn-
unarinnar. Hann skýrskotaði til til-
lagna sem Norðurlandaþjóðirnar
hafa lagt fram. til endurbóta á starfs-
reglum sjóða á vegum S.Þ. í New
York.
Úrelt skipulag.
FAO er stærsta stofnun S. Þ. og nú
á gagngert að breyta úreltum vinnu-
brögðum sem þar hafa tíðkast.
Dæmi: Nú fara mál sem varða land-
búnað, skógrækt og fiskiveiðar í
heiminum, og koma til kasta FAO, í
gegnum nefndir og ráðsfundi, og
annað hvert ár er málum safnað
saman á aðalfund sem stendur í þrjár
vikur.Þegar FAO var stofnað fyrir
48 árum, var þessi málsmeðferð tal-
in eðlileg, en hún er orðin löngu
úrelt. Engir stjórnmálamenn eða
háttsettir embættismenn gefa sér
lengur tíma til að sitja þriggja vikna
ráðstefnu.
Á það hefur líka verið bent að
mörg viðfangsefni FAO skarist við
störf annarra stofnana S.Þ. sem
reyni að vinna bug á hungri í heimin-
um - UNICEF og WHO. Þessi skör-
un leiði til þess að enginn telji sig
ábyrgan né þurfa að gera neitt í
málinu. FAO eigi að leggja meiri
áherslu á skipulag og áætlanagerð í
stað þess að standa fyrir tilviljana-
kenndum og ósamstæðum aðgerð-
um í vanþróuðum löndum.
Staða yfirmanns FAO er talin ein
af hinum valdamestu innan Samein-
uðu þjóðanna og er Jack Siouf, nýi
framkvæmdastjórinn, talinn hafa
margt til brunns að bera til starfsins.
Hann er 55 ára og er ekki ókunnugur
á Norðurlöndum því hann stundaði
nám í Nordisk Landboskole á Fjóni.
í atkvæðagreiðslu bar hann sigurorð
af Ástralanum Geoffrey Millers
með 92 atkvæðum gegn 72. Það var
bandalag milli atkvæða Afríku-
manna og landa í Suður-Ameríku
sem kom Diouf í forstjórastólinn og
studdi jafnframt kjör Cíle-búans
Rafael Moreno Rojas til varafor-
stjóra FAO.
Vinnubrögð Saumas.
Frambjóðandi frá írlandi, Patric
Cunningham, sem er virtur maður
innan FAO, fékk bara eitt atkvæði.
Financial Times skýrir frá því í grein
undir fyrirsögninni „Umhugsunar-
efni“, að Cunningham, sem stjórnar
þeirri deild FAO sem fjallar um
búfjárrækt og heilbrigði húsdýra,
hafi fyrir kjör framkvæmdastjóra
lagt fram tillögur um endurbætur í
stofnuninni. Þetta var í sumar og í
ágúst launaði Edouard Sauma for-
stjóri Cunningham lambið gráa með
því fyrst að svifta hann ferðastyrk og
rjúfa þar með tengsl hans við með-
limalöndin og því næst að synja hon-
um um endurnýjun á ráðningar-
samningi hans, sem við eðlilegar að-
stæður hefði endurnýjast sjálfkrafa.
„Furðuleg aðferð við að undirbúa
kosningar“ skrifaði blaðið um
vinnubrögð Sauma.
Heimild: Landsbladet.
efnisins. Hópurinn hittist fyrst 28. október 1993 og eru
tveir fundir fyrirhugaðir seinni hluta vetrar en fjórði og
jafnframt síðasti fundurinn verður með haustinu.
Eftir árið verður metið hvernig til tókst og fræðsluefni
og framkvæmd endurskoðuð.
NÁMSBÆKUR
Bændaskólinn á Hvanneyri hefur á boðstólnum flest-
ar bækur sem notaðar eru við kennslu þar. Margar
þessara bóka eru ófáaniegar annars staðar og því upp-
lagt fyrir þá sem áhuga hafa að kynna sér úrvalið.
Kennslubækur í Nautgriparækt, Landnýtingu, Beitar-
fræði, Hrossarækt, Búvélahagfræði, Kanínurækt og
Heyverkun eru ágætis dæmi. Verði bókanna er mjög í
hóf stillt.
Áhugasamir hafi samband í síma 93-70000.
AÐ LOKUM
Hér á undan hafa verið kynnt þau námskeið sem
fyrirhuguð eru á tímabilinu febrúar til ágúst 1994.
Vonandi finna sem flestir eitthvað við sitt hæfi, en allar
ábendingar um ný viðfangsefni eru vel þegnar.
Þeir sem áhuga hafa fyrir því að fá bækling með
upplýsingum um námskeið á Hvanneyri sendan heim
reglulega, eru hvattir til þess að hafa samband við
skólann.
Athygli er vakin á því ad skráning á öll námskeið fer
fram í síma 93-70000 virka daga frá kl 8:20-12:00 og
13:00-17:00.
Mikilvœgt er að hafa samband með góðum fyrirvara.
Takmarka þarffjölda þátttakenda á mörgum námskeið-
um.
l-2'94 - FREYR 39