Freyr - 01.02.1994, Blaðsíða 13

Frá héraðssýningu á Gaddstaðaflötum 1993. Stóðhesturinn Oddur frá Selfossi, setinn af Einari 0der Magnússyni.
Ljósm. E.J.
ins þar sem lítið virðist gert til að
stuðla að því að viðhalda þeim.
Stuðningur stjórnvalda við
búfjárrækt byggist á lögum um
búfjárrækt, fyrst og fremst lögum nr.
84/1989. Skv. 5. gr. þeirra laga skulu
búfjárræktarnefndir skipuleggja
ræktunarstarf einstakra búfjárteg-
unda. Nefndirnar skipa fimm menn,
kosnir til tveggja ára í senn. Búnað-
arþing kýs tvo nefndarmennn úr
hópi héraðsráðunauta og tvo úr hópi
starfandi bænda í búgreininni.
Fimmti fulltúinn er landsráðunautur
BÍ í greininni. Þá segir í greininni að
starfi búgreinasamtök sem nái til
landsins alls, og hafi innan sinna
vébanda 2A hluta starfandi bænda í
búgreininni, geti þau kosið bænd-
urna tvo í búfjárræktarnefndina í
stað Búnaðarþings.
Ég er gagnrýninn á þessa skipan
búfjárræktarnefnda, þ.e. að í fimm-
manna nefnd skipi meirihlutann
launaðir ráðgjafar atvinnuvegarins.
Framleiðendur, sem eiga mest í
húfi, geta þannig verið atkvæðum
bornir af starfsmönnum sínum. Slíks
munu dæmi, en mér finnst að helst
ætti ekki að þurfa að grípa til at-
kvæðagreiðslna í svona hópi. E.t.v.
er þetta fyrirkomulag viðkvæmara í
hrossarækt en annarri búfjárrækt,
m.a. vegna vals á kynbótagripum,
sem er eitt af verkefnum búfjárrækt-
arnefndar. Þar geta komið upp mörg
önnur sjónarmið heldur en við slíkt
val annarra búfjártegunda, þar sem
mál og vog ráða mestu.
3. mgr. 5. greinar hljóðar svo: „Sé
starfandi fagráð í búgreininni sem
bæði viðkomandi búgreinasamtök
og B.í. eru aðilar að getur B.í. með
samþykki ráðherra falið því verkefni
búfjárræktarnefndar í þeirri grein.“
Slík fagráð eru starfandi bæði í sauð-
fjárrækt og nautgriparækt. Fagráði
hefur rétt nýlega verið komið á í
hrossarækt. Ég vona að gott sam-
starf takist innan þess og að tekið
verði á málefnum hrossaræktar og
hrossabúskapar af þekkingu og að
unnið verði samkvæmt markmiðs-
setningum byggðum á breiðri sam-
stöðu.
Um markaðsmál.
Þegar rætt er um markaðsmál líf-
hrossa er annars vegar um að ræða
innanlandsmarkað og hins vegar er-
lenda markaði.
Við sitjum einir að innanlands-
markaði og þurfum ekki að hafa
áhyggjur af blöndun við önnur kyn
hrossa, meðan varnir gegn sjúk-
dómahættu við innflutning nýrra bú-
3‘94 - FREYR 61