Freyr - 15.03.1994, Blaðsíða 6

FRÓ RITSTJÓRN
Samstaða bœnda fyrir öllu
Búnaðarþing 1994 stóð dagana 28. febrúar
til 9. mars sl. og afgreiddi 42 mál með 39
ályktunum. Með breytingu á samþykktum
Búnaðarfélags íslands í upphafi þings, sátu nú
í fyrsta sinn tveir fulltrúar frá Stéttarsambandi
bænda á Búnaðarþingi.
Mikilvægasta málið sem þingið fjallaði um
var álit nefndar Búnaðarfélags Islands og
Stéttarsambands bænda sem unnið hefur að
því að sameina þessi tvenn meginsamtök
bænda. Fól þingið stjórn Búnaðarfélags
íslands að vinna áfram að málinu, og jafnframt
að kynna það búnaðarsamböndum og bú-
greinafélögum og kanna sjónarmið þeirra á
því. Ennfremur að gera sér grein fyrir hver
fjárhagslegur hagur yrði af sameiningu og
kanna skoðanir bænda á henni að lokinni
rækilegri kynningu meðal þeirra. Lagt var til
að sú skoðanakönnun fari fram um leið og
sveitarstjórnarkosningar í vor. Þingið vill að
jafnan verði haft samband við stjórnvöld um
framgang málsins, t.d. varðandi endurskoðun
ýmissa laga sem af breytingunni leiða.
í þingslitaræðu sinni sagði Jón Helgason
forseti Búnaðarþings og formaður Búnaðarfé-
lags íslands að samstaða bænda væri eina
úrræðið, ætluðu þeir að lifa af. Mikilvæg mál
brenna nú á bændum, stórkostleg tekjuskerð-
ing þeirra undanfarin misseri krefst skjótra
viðbragða til að afstýra óbætanlegu tjóni og
vandræðum. Markmiðið með sameiningunni
er að ná bændum saman, og af þeim samþykkt-
um sem stjórn Búnaðarfélagsins hefur borist,
má ráða að það sé almennur vilji fyrir því að
sameina Búnaðarfélagið og Stéttarsamband-
ið. „Það virðist alltaf vera að koma betur og
betur í ljós hve mikilvægt það er að bændur
standi saman og það er auðvitað gömul og ný
reynsla hér á landi“, sagði Jón Helgason.
Vegna hinna erlendu viðskiptasamninga er
komið í ljós, betur en nokkru sinni, að bænd-
um er það lífsnauðsyn að standa vel saman,
þar sem við framkvæmd þessara samninga eru
sameiginleg hagsmunamál, sem geta skipt
sköpum fyrir allar búgreinar.
Pess hefur verið farið á leit við landbúnaðar-
ráðherra að hann vinni með bændasamtökun-
um að því að leysa vanda bænda.
Búnaðarþing horfði til framtíðar og reyndi
að átta sig á þeim úrræðum sem þar eru vænleg
og nýtileg. Framfarir hafa orðið miklar í bú-
rekstri undanfarin ár með samstarfi bænda og
ráðunauta og Búnaðarþing taldi að ekki mætti
skerða leiðbeiningaþjónustuna, þvert á móti
yrði að bæta hana eins og unnt væri til að
sigrast á núverandi erfiðleikum, með ráðgjöf í
kynbótum, ræktun og rekstri búanna. Þar væri
m.a. hægt að nota tölvubókhald sem bændur
hafa nýtt sér í vaxandi mæli.
Almenningur í þéttbýlum iðnaðarlöndum
verður nú sífellt meðvitaðri um þá hættu sem
liggur í leyni svo að segja hvar sem er, í
menguðu lofti, jörð, vatni og mat og ógnar allri
tilveru. Hafa samtök íslenskra bænda myndað
samstarfshóp til að kanna og kynna fram-
leiðslu á vistvænum búvörum og þá kosti sem
íslenskar sveitir hafa sem hollt umhverfi. Hér
kunna að vera óvæntir úrkostir ef vel er að
verkistaðið.
Búnaðarþing lagði áherslu á að til þess að
það starf gæti orðið markvisst, yrðu stjórnvöld
að marka einhlíta stefnu um hvern hlut það
ætlaði landbúnaðinum.
Búnaðarþing lagði jafnframt áherslu á að
bændur yrðu sjálfir að gera sitt ýtrasta til að
bæta afkomu sína og benti þar sérstaklega á
það óviðunandi ástand sem ríkt hefur á kjöt-
markaðnum.
Ef bændur taka sameiningarmálinu vel,
verður síðsumars boðað til auka Búnaðarþings
til þess að ljúka málinu. Nefnd sú sem unnið
hefur að sameiningunni leggur jafnframt til að
endanlegar tillögur um hana verði lagðar fyrir
aðalfund Stéttarsambands bænda á hausti
komanda. Aðalfundur hins nýja félags er
Frh. á bls. 196.
190 FREYR - 6*9A