Freyr - 01.05.1994, Blaðsíða 11
Ragna og Guðrún rákum hér áfram
félagsbú til vorsins 1993 að búinu var
skipt upp, þannig að við erum með kúabú
en Guðrún er með fjárbú. Hún heldur
heimili með föður sínum og sambýlis-
manni, Ingólfi Helgasyni.
Hvernig er bú ykkar samsett?
Við búum nú með 24 kýr og eins og
aðrir erum við að reyna að ná sem mestu
út úr hverri kú. Meðalnyt er um 4500
lítrar eftir árskú. Aðalkeppikeflið við
kúabúskapinn er svo að afla sem bests
gróffóðurs. Við vorum með grænfóður-
hafra þangað til í fyrra og rúlluðum þá og
gáfum inni ásamt með þurrheyi. Við höf-
um tekið upp aðferð Viðars á Brakanda,
sem lýst var í viðtali í Frey, að gefa
kúnum svolítið bragð af þurrhey inni allt
sumarið. Það er eins og það hjálpi til að
þær haldi betur nyt. Kjarnfóðurgjöf er
um 360-400 kg á árskú.
Hvernig liefur svo afkoman verið?
Við höfum verið að byggja hér upp,
bæði útihús og íbúðarhús og tekjur af
búskapnum hafa ekki dugað til þess. Eg
hef þannig unnið nokkuð utan bús, bæði í
sláturhúsi á haustin og við smíðar.
Auk þess höfum við fjölgað hrossunum
nokkuð og selt.
Já, þú hefur kynnt þig að áhuga á hesta-
mennsku og komið þar bæði að ræktun
og félagsmálum.
Ahuga minn á hestamennsku má rekja
til dvalar minnar á Skarði í Landsveit.
Það var hins vegar ekki hestamennskan
sem dreif mig að Hvanneyri, heldur
áhugi á búskap almennt, en á Hvanneyri
fjallaði aðalverkefni mitt í Búvísinda-
deild um söfnun og meðferð á hrossasæði
og naut ég þar dyggrar aðstoðar Gunnars
Arnar Guðmundssonar, dýralæknis á
Hvanneyri.
I framhaldi af þessu var ég kosinn sem
varafulltrúi á aðalfund Landssambands
hestamannafélaga árið 1984 fyrir hönd
Hestamannafélagsins Faxa í Borgarfirði.
Þar voru menn m.a. að ræða um stóð-
hestamál og þar kom ég fram með hug-
myndir og erindi í framhaldi af aðalverk-
efni mínu. Ég var hræddur um að útlend-
ingar færu að stelast út með sæði úr
stóðhestum án þess að við vissum af því.
Þetta vakti athygli á fundinum og án þess
að ég væri spurður þá var ég kostinn í
varastjórn LH. Ég færðist svo upp í aðal-
stjórn árið 1991.
Hvaða mál eru á borði stjórnar LH?
Stærsta málið undanfarin hefur verið
lagning reiðvega um landið. Það mál er
nú komið í góðan farveg vegna þess að
búið er að ráða starfsmann, Sigríði Sig-
þórsdóttur frá Einarsnesi, til að gera
áætlun um lagningu reiðvega hringinn í
kringum landið, með forgangsröðun, fyr-
ir Vegagerð ríkisins. Það er langt síðan
Vegagerðin bað um slíka áætlun.
Auk þess hafa erlend samskipti tekið Lundar í Stafholtstungum
töluverðan tíma, unglingastarfið og kyn- ‘ vetrarbúningi.
bótamál, svo að eitthvað sé nefnt.
Nú, það er í verkahring LH að halda
landsmót fjórða hvert ár og þau mót eru
stærstu og umfangsmestu samkomur
hestamanna hér á landi, auk þess sem
þau draga að sér útlendinga þúsundum
saman.
Hrossarœkt þín?
Hún á sér ekki langa sögu. Það var ekki
fyrr en árið 1986 að fyrsta folaldið fæddist
á búi okkar. Þetta hefur síðan undið hratt
upp á sig þannig að veturinn 1993/’94
voru hér í tamningu 10 hross, þar af 7
hryssur, bæði fædd hér og aðkeypt. Það
verk sé ég um sjálfur. Ég held því besta
eftir af hryssunum en sel hitt innanlands
eða til útflutnings eftir því sem markað-
urinn segir til um. Stefnan er að koma sér
upp 4-6 góðum hryssum.
Eru það margir hér um slóðir sem leggja
nú fyrir sig uppeldi og tamningu hrossa
sem aukabúgrein?
Já, því miður er sama tilhneigingin í
þessu sem öðru, að hrossum fer fjölgandi
og ég held að það sé á kostnað gæðanna.
Menn eru auðvitað að reyna að auka
tekjur sínar með öllum leiðum.
Ég heldþví besta eftlr
afhryssunum en sel
hittinnanlands eða til
útflutnings.
9'94 - FREYR 323