Freyr - 15.06.1994, Blaðsíða 15

Samkeppnishœfni íslensks
grœnmetis
Samkeppnishæfni íslensks græn-
metis felst í því að bjóða hreina,
ómengaða vöru, fulla af hollustu.
Til þess að hægt sé að nota hrein-
leika og hollustu sem samkeppnis-
tæki verður að auka eftirlit með
innflutningi og einnig með inn-
lendri framleiðslu.
Islenskt grænmeti stenst oft á tíðum
ekki verðsamanburð við innflutt, sem
rekja má til þess að kostnaður við
framleiðsluna er meiri hér á landi en
erlendis og ríkisstuðningur enginn.
Ýmislegt hefur verið gert á síðast-
liðnum árum til þess að bæta græn-
metisframleiðsluna og lækka kostnað.
I ylræktinni hefur raflýsing aukist
sem hefur leitt til aukinnar hagræð-
ingar í framleiðslunni og aukið fram-
boð á grænmeti og blómum. Ef tekst
að rækta grænmeti í gróðurhúsum allt
árið um kring er verið að nýta mann-
afla og fjárfestingar betur auk þess
sem neytendur njóta góðs af. Raf-
magnsverð hérlendis er þó enn miklu
hærra en í samkeppnislöndum okkar.
Ef raforkuverð til garðyrkju yrði
lækkað stæði innlend framleiðsla mun
betur að vígi í samkeppninni við inn-
flutning.
í útiræktun hefur notkun á yfir-
breiðslum aukist og jarðupphitun stór-
aukist. Með þessum hætti hefur verið
unnt að stytta vaxtartímann og lengja
ræktunartímabilið úti. Þá hefur
geymsluaðstaða fyrir útiræktað græn-
meti verið bætt. Það háir hins vegar
útiræktinni að erfiðlega gengur að fá
framleiðsluna tryggða.
Ýmislegt hefur verið gert á síðastliðnum árunt til að bœta grœnmetisfrantleiðsluna
og lœkka kostnað. Hér heldur Guðjón Birgisson, garðyrkjubóndi á Melunt í Hruna-
mannahreppi á bakka nteð ferskum tómötum. Freysmyndjj.D.
12'94 - FREYR 447