Freyr - 01.07.1994, Blaðsíða 7
______________FRÁ RITSTJÓRN________
Nýir straumar í landbúnaði til umrœðu
á ráðstefnu á Sauðárkróki
Lykillinn að framförum í landbunaði felst í
aukinni þekkingu, rannsóknum, tækni og mark-
aðsmálum. Þetta var grunnþema og niðurstaða
ráðstefnu og kynningar um málefni landbúnaðar-
ins sem haldin var þann 10. júní sl. á Sauðár-
króki.
Einkunnarorð ráðstefnunnar voru “Landbúnað-
ur 2000 - þekking, tækni og framfarir”. Að
henni stóðu Rannsóknastofnun landbúnaðarins,
Háskóli íslands, Bændaskólinn á Hólum, Kaup-
félag Skagfirðinga og fleiri, en hópur áhuga-
rnanna frá þessum stofnunum undirbjó ráðstefn-
una. Hana sóttu um hundrað og fimmtíu manns.
Sérfræðingar og fagmenn á sviði landbúnaðar
fluttu fyrirlestra um sérsvið sín, alls 16 erindi.
Þar var að mörgu leyti sleginn nýr og bjartsýnn
tónn í málefnum landbúnaðarins.
Framsögumenn töldu að hreinleiki, heilbrigði
búfjár og framleiðsla á náttúrlegum afurðum eigi
að vera forgangsatriði í búskap hér á landi, rann-
sóknir eigi að miða að aukinni hagkvæmni,
stefna verði að meiri afurðum eftir færri gripi;
efla þurfi menntunarmál landbúnaðarins og
leggja aukna áherslu á hagkvæmni í rekstri ein-
stakra búa.
Margt bendir til að kornverð í heiminum muni
hækka eftir því sem ræktað land dregst saman og
stærri hluti þess fer til að framleiða korn til
manneldis. Kjötframleiðsla flytjist þá til norð-
lægari landa, gripir verði í vaxandi mæli fóðraðir
á gróffóðri og minna gefið af kjarnfóðri. Þetta
var eitt af því sem kom fram í máli Torfa
Jóhannessonar hjá Rannsóknastofnun landbú-
naðarins. Taldi hann að vænta mætti breytinga á
framleiðslustefnu í landbúnaði til þess að koma
til móts við vaxandi kröfur markaðarins um
hreinleika, og að hollustukröfur um hámarks-
framleiðslu muni víkja fyrir strangari kröfum um
gæði búvöru og betri meðferð og aðbúnað á
búfé. Var það álit ræðumanns að þetta væru góð
tíðindi fyrir íslenskan landbúnað.
Olafur Valsson dýralæknir, sem starfað hefur
hjá embætti yfirdýralæknis en er nú héraðsdýra-
læknir í Svarfaðardal, sagði að ákveðin vakning
væri fyrir gildi góðrar umönnunar búfjár og holl-
ustu við búvöruframleiðslu; heilbrigði búfjár
skipti miklu máli og að strangar kröfur verði
gerðar um að engar lyfjaleifar finnist í matvæl-
um.
Emma Eyþórsdóttir frá Rannsóknastofnun
landbúnaðarins benti á að aukin nyt eftir hverja
kú frá 1981 til 1993 væri að mestu leyti kynbót-
um að þakka. Hún sagði að nýjar aðferðir hefðu
komið fram í ræktun búfjár á undanfömum
árum. Áslaug Helgadóttir hjá Rala ræddi um að
farið væri að flytja erfðavísa milli plantna til að
mynda stofna sem henti betur íslenskum aðstæð-
um sem en verið hefur. Magnús B. Jónsson talaði
um menntun í landbúnaði og kom þar margt at-
hyglisvert l'ram.
Hér er ekki kostur að rekja einstök erindi
l'rekar, en nokkur þeirra verða væntanlega birt í
Frey smám saman. Þess má aðeins geta að á
ráðstefnunni var m.a. fjallað um bleikjueldi,
notkun jarðvarma til að rækta hlýsjávarfiska,
markaðsmál, íslenska hestinn, vistvænan land-
búnað, ferðaþjónustu og landbúnaðinn í al-
þjóðlegu samhengi. Það var mál manna að ráð-
stefnan hefði tekist með ágætum og að hún hafi
að ýmsu leyti verið tímamótaviðburður.
Glœsilegt landsmót
hestamannafélaga
Landsmót hestamanna á Gaddstaðaflötum við
Hellu var tvímælalaust eitt hið glæsilegasta sem
nokkru sinni hefur verið haldið hér á landi. Bar
þar margt til: einmuna blíða alla mótsdagana,
frábærlega góð hross og gott starf mótshaldara
við undirbúning og framkvæmd mótsins.
Á þessu landsmóti kom glöggt í ljós hve
úrvalshrossum hefur fjölgað og hve miklum
árangri og framförum ræktunarstarfið skilar.
Hross í kynbótaútreikningum eru nú rúm 34000
hér á landi og hefur fjölgað um helming á
tveimur árum. Framfarir hafa einnig orðið miklar
í reiðmennsku og þjálfun. Landsmótið staðfesti
þá grósku sem nú er í hrossarækt hér á landi.
J.J.D.
13-14*94 - FREYR 471