Freyr - 01.08.1994, Blaðsíða 21
Gunnar Bjarnason ruddi brautina
Ávarp Jóns Helgasonar, formanns Búnaðarfélags íslands, á afmœlisfundi FEIF,
félags eigenda íslenskra hesta erlendis, sem haldinn var í Reykjavík 4. júlísl.
Jón Helgason.
Gunnar Bjarnason.
F.h. Búnaðarfélags íslands er mér
mikil ánægja að bjóða ykkur fulltrúa
á ársfundi FEIF velkomna til þessa
hádegisverðar. Það er heiður fyrir
íslendinga að ársfundurinn skuli
haldinn hér í tilefni þess að FEIF á
25 ára sögu að baki. Samtökin voru
stofnuð til að tengja saman einstak-
linga í mörgum löndum, sem höfðu
eignast íslenska hesta. Að sjálfsögðu
gerist stofnun slíkra samtaka ekki af
sjálfu sér heldur á sér langan að-
draganda.
Það var eðlilegt að hesturinn fengi
nafnið þarfasti þjónninn, því að fram
á þessa öld var hann eini kosturinn
til ferðalaga á landi og einnig til
flutninga og við heyskap. En
skyndilega kemur tæknibylting og
menn horfa fram á að hlutverki
hestsins sé að verða lokið á flestum
sviðum.
Við þessar aðstæður verður Gunn-
ar Bjamason ungur að árum hrossa-
ræktarráðunautur Búnaðarfélags Is-
lands. Það var fjarri skapi hans að
leggja árar í bát og horfa aðgerðar-
laus á slíka þróun. Honum voru vel
ljósir hinir fjölþættu kostir íslenska
hestsins og lagði því ótrauður á
nýjar brautir. Gunnar Bjamason
lagði sig því allan fram við að kynna
þessa kosti ekki aðeins á íslandi
heldur einnig í mörgum öðrum lönd-
um. Og árangurinn af starfi eld-
hugans var ótrúlegur, þó að sigrast
þyrfti á ýmsum hindrunum.
Um leið og ég vil f.h. Búnaðarfé-
lags Islands nota þetta tækifæri til að
þakka Gunnari Bjamasyni hans
árangursrfka starf vil ég bera fram
þá ósk að innan FEIF verði jafnan
fyrir hendi sá brennandi áhugi um
MOLRR 1
Fœkkun nauðungar-
uppboða í dönskum
landbúnaði
Á fyrrihluta þessa árs voru 473
jarðir boðnar upp á nauðungarupp-
boðum í Danmörku. Það er 26%
færri uppboð en á síðari hluta ársins
1993. Uppboðum hefur einkum
fjölgað á jörðum 30-50 ha að stærð.
íslenska hestinn og hestamennsku,
sem einkennt hafa störf Gunnars
Bjamasonar. Þá mun þeim halda
áfram að fjölga, sem njóta þess
yndis, sem samskiptin við hestinn
veita öllum þeim, sem það kunna að
meta.
Fátt veitir manninum betra tæki-
færi til að komast í samband við
náttúruna en hestamennskan. En
þeim fjölgar nú óðum, sem verður
það ljóst að maðurinn verður að
skilja lögmál náttúrunnar og koma í
veg fyrir að raska því jafnvægi sem
þar verður að ríkja til að varðveita
lífsskilyrðin. Sérstaklega teljum við
íslendingar að strjálbýlið á Islandi
veiti gott tækifæri til að öðlast slíkan
skilning.
Við bjóðum því alla velkomna í
heimsókn til íslands sem hafa áhuga
og aðstæður til að koma hingað í
þessu skyni. Jafnframt væntum við
þess að geta haldið áfram að vinna
að ræktun og kynbótum íslenska
hestastofnsins, þó að vel þurfi að
gæta þess að framfarir á einhverjum
kostum verði ekki á kostnað annarra
svo að íslenski hesturinn haldi eðli
sínu.
Ég vil bera fram þá ósk að þessi
afmælisfundur FEIF verði árang-
ursríkur og styrki samtökin í störf-
um sínum á komandi árum.
Vissir þú
að Gallagher framleiðir sjö
gerðir rafgirðingaspennu-
gjafa sem ganga fyrir veitu-
rafmagni og átta gerðir fyrir
rafgeyma og rafhlöður.
byggingavörur
Sauðárkróki.
Sími: 95-35200
15-16*94 - FREYR 525