Freyr - 15.09.1994, Blaðsíða 49

og samtaka og boðið að fulltrúar
landbúnaðarins kæmu á fundi og
kynntu mál landbúnaðarins og svör-
uðu fyrirspumum. Fékk það góðar
undirtektir.
Þetta framtak UÞL vakti mikla
athygli og varð til þess að slá á þá
villandi og neikvæðu umræðu sem
fylgdi í kjölfar blaðamannafundar
viðskiptaráðherra.
í nóvember hófst ný lota í um-
ræðunni í kjölfar tilrauna Hagkaups
til þess að fá samþykki fyrir inn-
flutningi á svínaskinku frá Dan-
mörku og tilrauna Bónusverslan-
anna til þess að fá leyfi fyrir inn-
flutningi á kalkúnalöppum frá Hol-
landi. Blandaðist þessi umræða á
mjög skaðlegan hátt inn í umræður
um álagningu jöfnunargjalda skv.
EES-samningi á hinum pólitíska
vettvangi. Lokakaflinn í þessari
hrinu var svo sýning á fjórum sjón-
varpsþáttum Baldurs Hermannsson-
ar, „Þjóð í hlekkjum hugarfarsins“
þar sem fjallað var á mjög sérstæðan
hátt um bændur og landbúnað á fyrri
öldum og sýning á sænskum sjón-
varpsþætti sem fjalla átti um
stjómkerfi landbúnaðarins.
Ekki eru tök á að skýra frá allri
þeirri umræðu sem spannst um þau
mál sem að framan eru nefnd.
Nokkuð virðist augljóst að tilgang-
urinn með þessum uppákomum var
fyrst og fremst sá að brjóta niður þá
innflutningsvemd sem landbúnaður-
inn hefur um langt skeið notið og
koma í veg fyrir að ákvæði EES-
samningsins og væntanlegs GATT-
samnings yrðu framkvæmd á þann
hátt sem landbúnaðurinn gæti við
unað.
Ekki eru heldur tök á að rekja í
einstökum atriðum hvemig brugðist
var við þessum málum af hálfu land-
búnaðarins.
Hinn 1. júní 1993 voru Upplýs-
ingaþjónusta landbúnaðarins og
Markaðsnefnd landbúnaðarins sam-
einaðar. Hefur síðan verið unnið að
samræmdu ímyndarátaki sem standa
mun allt þetta ár og næsta.
Hefur það starf m.a. tekið mið af
þeirri hörðu baráttu sem að framan
er lýst.
Skýrsla um starf Upplýsingaþjón-
ustunnar, sem starfar nú í tveimur
deildum, markaðsdeild og almanna-
tengsladeild, verður lögð fyrir fund-
inn.
Helga Guðrún Jónasdóttir, forstöðu-
maður Upplýsingaþjónustu landbúnað-
arins með dóttur sína, Huldu Hvönn,
hálfs árs.
Enda þótt varnarbaráttu landbún-
aðarins muni seint ljúka bendir
margt til þess að nokkur áfangasigur
hafi unnist með starfi Upplýsinga-
þjónustunnar undanfarið ár.
Þess er líka að vænta að tekist hafi
að snúa umræðunni frá fortíðinni að
þeim sóknarfærum sem landbúnað-
urinn kann að eiga í breyttu rekstr-
arumhverfi.
2.2. Möguleikar til vistvœnn-
ar/lífrœnnar framleiðslu.
Nátengt því ímyndarátaki Upp-
lýsingaþjónustunnar sem að framan
greinir er það starf sem síðustu
mánuði hefur verið unnið til þess að
kanna möguleika íslensks landbún-
aðar til framleiðslu á hreinum og
ómenguðum afurðúm undir for-
merkjum lífrænnar/vistvænnar fram-
leiðslu, en markaður fyrir slíkar
afurðir er nú vaxandi meðal þjóða/
þjóðfélagshópa, þar sem kaupgeta er
mikil og menntunarstig hátt.
Bein afskipti af þessu máli hófust
með stuðningi bændasamtakanna
við fræðslufund um lífræna fram-
leiðslu sem haldinn var í Vík í Mýr-
dal í september 1993.
í framhaldi af þeim fundi hófust
skipulegar umræður og gagnaöflun
um þessi mál á vettvangi Búnaðar-
félags íslands, Stéttarsambands
bænda og Framleiðsluráðs landbún-
aðarins. Leiddu þær til þess að í
nóvember sl. var settur á fót starfs-
hópur með fulltrúum frá framan-
greindum stofnunum, RALA, Land-
búnaðarráðuneytinu og Upplýsinga-
þjónustunni.
Starfshópurinn, sem var undir for-
ystu Amaldar Bjamasonar, réð
Baldvin Jónsson almannatengslaráð-
gjafa til starfa um þriggja mánaða
skeið til þess m.a. að afla gagna um
þær kröfur sem gerðar em til slíkrar
framleiðslu.
Hinn 1. apríl var Baldvin svo ráð-
inn til Markaðsdeildar Upplýsinga-
þjónustu landbúnaðarins í 8 mánuði
til þess að vinna að gagnaöflun og
kynningu á þessu sviði.
Frá því í janúar hafa á vegum
þessa verkefnis verið haldnar þrjár
ráðstefnur með erlendum fyrirlesur-
um til þess að kynna markaðsmögu-
leika slíkra afurða og gildi hreinnar
og ómengaðrar fæðu til varnar sjúk-
dómum og við eftirmeðferð.
Hafa þessar ráðstefnur vakið
mikla athygli og umræðan beinst að
þeim möguleikum sem íslenskur
landbúnaður kann að eiga á þessu
sviði.
A vegum Búnaðarfélags íslands
og Landbúnaðarráðuneytisins hafa
nú verið unnin drög að íslenskum
staðli fyrir lífræna/vistvæna fram-
leiðslu og standa vonir til að hann
fáist viðurkenndur síðar á þessu ári.
Hefur dr. Ólafur Dýrmundsson haft
veg og vanda af því verki.
Þegar staðall þessi liggur fyrir
skapast grundvöllur til að meta hver
staða íslenskrar búvöruframleiðslu
er nú með tilliti til slíkra krafna og
jafnframt hverju þarf að breyta í
núverandi framleiðsluháttum til þess
að uppfylla þær kröfur sem gerðar
eru. Jafnframt er þá kominn grund-
völlur til þess að meta hvað slíkar
breytingar kosta og um leið hag-
kvæmni þess fyrir einstaka bændur
og/eða landbúnaðinn í heild að að-
laga sig að slíkum breytingum.
Sú umræða sem spunnist hefur
vegna þessa verkefnis hefur án efa
stuðlað að jákvæðari umræðu um
landbúnaðinn.
2.3. Tveggja þrepa VSK.
Stéttarsamband bænda hefur frá
því söluskattur og síðar virðisauka-
18'94 - FREYR 641