Freyr - 15.10.1994, Blaðsíða 33
Atkvœðagreiðsla og
umrœður um sameiningarmál
á síðasta aðalfundi SB
Birkir Friðberfsson, Birkihlíð, stjórnarmaður í SB
Við umrœður um sameiningarmálið á síðasta aðalfundi Stéttarsambands
bœnda, sem haldinn var á Flúðum, viku fjölmargir rœðumenn að ónógum
undirbúningi til þess að ákveða þá þegar sameiningu SB og Bí og nefndu þar
fyrst að verkaskiptasamningar milli búgreinafélaga og hinna fyrirhuguðu sam-
taka lœgi ekki fyrir.
Því yrði mjög óljóst hver yrðu verk-
efni hinna nýju samtaka, ábyrgð og
skyldur. Ennfremur vildu margir að
ljóst væri að hvers konar kosn-
ingafyrirkomulagi til stjómarkjörs
væri stefnt og ekki hefði komið fram
áhugavert skipurit. Akvörðun um
sameiningu á fundinum væri því
tekin í nokkurri blindni og fulltrúum
ætlað að taka skref sem byði upp á
óþekkta lendingu. Fjölmargir töldu
því að réttast væri í raun að fresta
fundi um einhvern tíma til þess m.a.
að ræða við forsvarsmenn búgreina-
félaga um farsæla stöðu og verksvið
þeirra innan samtakanna. Flestir
virtust gera sér grein fyrir því að ný
heildarsamtök bænda stæðu ekki
undir nafni nenta búgreinafélögin
væru þar undir hatti og með skil-
greind verkefni og ábyrgð.
í umræðum kom það skýrt fram
að svo óljóst sem fulltrúunt væri á
þessum haustdögum hvers konar
samtök mynduðust við sameiningu
þá hefði hinum almenna bónda við
skoðanakönnun í byrjun sumars
verið það enn frekar hulið og raunar
væri umræða meðal bænda um sam-
einingarmálið fyrst að byrja á þann
veg að ræddir væru hugsanlegir
kostir þess og gallar.
Þrátt fyrir það sem hér er sagt
mátti ætla af máli manna að aukinn
meirihluti hefði fyrr eða síðar, þ.e.
á hugsanlegum framhaldsaðalfundi,
samþykkt sameiningu. Aldrei verður
slíkt þó fullyrt að áhugi ýmissa hefði
ekki dofnað ef betur hefði skýrst
framtíðarstaða búgreinfélaganna, til-
högun stjómarkjörs, yfirbygging og
starfsmannahald.
Sú hugmynd að fresta fundi og
skoða ýmis atriði betur var þó rædd
af alvöru, en niðurstaðan varð sú að
fjölmargir fulltrúa töldu að málinu
hefði á ýmsan hátt verið stefnt í
þann hnút að til þess væri í raun
ekkert svigrúm nema sem algjört
neyðarúrræði og enn síður æskilegt
að fella sameiningarhugmyndina og
taka hana af dagskrá.
Félagsmálanefnd fundarins var í
þessari stöðu mikill vandi á höndum
að finna leið sem hjálpað gæti
áhugamönnum um sameininguna að
koma málinu í gegn með einhverj-
um hætti. Nokkrar smærri breyt-
ingar á samkomulagi stjórna SB og
BI náðust fram fyrir hennar tilstilli.
Breytingar sem gerðu sumum létt-
bærara að styðja sameininguna. en
meira þurfti þó að koma til ef von
átti að vera um nægjanlega aukinn
meirihluta fyrir þeirri ákvörðun,
ákvörðun sem ekki yrði aftur tekin.
Nefndarmenn lögðu því fram álykt-
un um ýmis atriði sem þeir vissu að
fulltrúar væru nær einhuga um að
gerðu sameiningarhugmyndir ásætt-
anlegri og skynsamlegri.
Meðal þeirra atriða, og það sem
vó þyngst, var að stjóm hinna nýju
samtaka yrði skipuð með sama hætti
og núverandi stjóm SB, þ.e. níu
mönnum og þar af sjö kjördæma-
kosnum. Þessi viljayfirlýsing var
samþykkt með þorra atkvæða gegn
fjórum. Önnur atriði ályktunarinnar
voru samþykkt með svipuðum
atkvæðaþunga.
í kjölfar þessarar niðurstöðu var
sjálft sameiningarmálið borið upp
og samþykkt með nægum meiri-
hluta. Hjáseta níu fulltrúa af þeim
sem aðeins í ljósi aðstæðna og með
tilliti til nýsamþykktrar ályktunar
félagsmálanefndar gáfu jáyrði hefði
dugað til þess að fella sameiningar-
málið. Fullyrða má að það voru
fleiri en níu sem hefðu kosið að geta
tekið afstöðu án þeirra þvingandi
aðstæðna sem málinu réðu og á
annan veg.
Eins og lesendum Freys er kunn-
ugt hefur undirritaður ekki haft
miklar vonir um að sameiningar-
bröltið eigi eftir að draga úr kostnaði
við rekstur félagasamtaka bænda og
sjóðagjöld lækki á næstu árum af
þeirri ástæðu, né heldur að kjara-
barátta bænda verði styrkari en áður
og nái þeim þrótti sem með þarf,
jafnvel þó að úr þokunni komi sú
samtakahugmynd sem helst getur
staðið undir nafni úr því sem komið
er.
Nú þegar ákvörðun er hins vegar
tekin er ekki annað að gera en að
vona að sem best rætist úr með til-
högun og gerð þess félagsskapar
sem við höfum kallað til einhvers
lífs, og að allir bændur landsins geti
talið hann sinn. Sú von getur því
aðeins orðið að veruleika að for-
vígismenn hinna nýju samtaka, sem
margir munu koma úr röðum full-
trúa síðasta aðalfundar SB, séu
minnugir þess á hvaða forsendum
sameiningarmálið vannst gegnum
þann fund.
2<794 - FREYR 753