Freyr - 15.11.1994, Page 23
Athugasemd við ummœli Þórðar H.
Hilmarssonar, forstjóra Globus hf.,
í 21. tbl. Freys
/ inngangi fréttatilkynningar okkar, sem birtist í 20. tbl. Freys á þessu ári, þar sem
tilkynnt var um að Þór hf. hefði gengið til samstarfs við John Deere um sölu á
John Deere traktorum á íslands, var m.a. farið nokkrum orðum um staðreyndir
þess efnis að Ford Motor Company hafi hœtt allri framleiðslu traktora.
Svo furðulegt sem það kann að
virðast hefur Þórður H. Hilmarsson
forstjóri Glóbus hf. tekið þessum
staðreyndum frekar óstinnt og sakað
starfsmenn og forráðamenn Þórs hf.
um skaðandi áróður gegn fyrirtæki
sínu og traktorum framleiddum af
New Holland.
Ef litið er nánar á þá málsgrein í
fréttatilkynningu okkar sem olli slík-
um viðbrögðum og hver setning
skoðuð útaf fyrir sig, þá er erfitt að
átta sig á viðbrögðum Þórðar og
þeim ummælum sem hann lætur
falla í viðtali við sig.
(1) Þór hf. hefur verið um-
boðsaðili fyrir Ford traktora og
búvélar í 28 ár á Islandi og selt á
tólfta hundrað traktora á því
tímabili. Samkvæmt samningi við
Ford Motor Company var Þór hf.
umboðs- og söluaðili Ford traktora á
íslandi í hartnær þrjá áratugi. Árið
1988 keypti Ford Motor Company
búvélaframleiðandann New Holland
og sameinaði traktordeild sinni, sem
í kjölfarið nefndist Ford New
Holland.
(2) Nú hefur það gerst að Ford
Motor Company hefur selt
traktorverksmiðjur sínar til Fiat
samsteypunnar og hætt allri fram-
leiðslu traktora. I lok árs 1990 var
skrifað undir samkomulag af hálfu
Ford Motor Company og Fiat sam-
steypunnar um kaup þess síðar-
nefnda á 80% hlut í búvéla- og
traktordeild þess fymefnda, en sú
deild nefndist eins og áður sagði
Ford New Holland. Tveimur árum
síðar keypti Fiat samsteypan þau
20% sem eftir voru í eigu Ford
Motor Company. Við þau kaup
hætti Ford Motor Company allri
framleiðslu traktora. Öll núverandi
framleiðsla á traktomm, sem bera
heitið ‘Ford’ er því alfarið óvið-
komandi Ford Motor Company. -
Allt eru þetta staðreyndir sem Þórði
H. Hilmarssyni er jafn vel kunnugt
um og okkur, og að sjálfsögðu er hér
ekki um neinn áróður að ræða.
(3) Fiat mun fyrst um sinn halda
áfram framleiðslu á núverandi
gerðum Ford traktora en notkun
Ford vörumerkisins takmarkast
við örfá ár. í samningi Ford Motor
Company og Fiat samsteypunnar er
m.a. kveðið á um notkunarrétt þess
síðamefnda á Ford vörumerkinu
annars vegar, og heitinu ‘Ford’ hins
vegar, en óþarft er að taka fram að
Ford Motor Company á eitt fullan
rétt á vörumerkinu Ford og heitinu
‘Ford’. Samkvæmt samningnum
hefur nýja fyrirtækið, sem nú er
alfarið í eigu Fiat samsteypunnar og
nefnt er New Holland, heimild til
að nota sporöskjulaga Ford vöru-
merkið til 6. maí 1995. Eftir þann
tíma má ekki nota sporöskjulaga
vörumerkið Ford á traktora sem
framleiddir verða undir heitinu
Ford. Heimild fyrirtækisins á notkun
heitisins ‘Ford’ á traktorum rennur
út árið 2001! Þetta er Þórði einnig
vel kunnugt um, og þegar hann segir
í grein sinni að Fiat hafi keypt rétt-
inn að ‘Ford’ nafninu „til notkunar
fram á næstu öld“ þá er hann að
kasta ryki í augu lesenda Freys -
rétturinn er aðeins til ársins 2001 !
(4) Má því segja að Ford og
Fordson traktorar heyri brátt sög-
unni til.
Af ofangreindu má ljóst vera að
traktorar, framleiddir af New Hol-
land fyrirtækinu, sem alfarið er í
eigu Fiat samsteypunnar, bera ekki
sporöskjulaga vörumerki Ford sam-
steypunnar eftir 6. maí á næsta ári,
og þeir bera ekki heitið ‘Ford’ eftir
árið 2001. M.ö.o. eftir sjö ár verða
ekki lengur framleiddir traktorar
sem bera heitið ‘Ford’. Öllum má
því ljóst vera að traktorar framleidd-
ir undir heitinu ‘Ford’ heyra brátt
sögunni til.
Eins og sjá má af ofangreindu þá
er ekki um neinn áróður af hálfu
Þórs hf. að ræða, heldur eingöngu
þurr upptalning staðreynda og rök-
rétta ályktun í lokin. Aðdróttanir
Þórðar um sárindi af okkar hálfu
eiga ekki við nein rök að styðjast.
Þegar Þór hf. var gert ljóst í desem-
ber 1993 að breytingar væru í vænd-
um varðandi dreifingu á traktorum
undir heitum Fiat og Ford, voru
engar ráðstafanir gerðar af okkar
hálfu til að tryggja samstarf við Fiat
samsteypuna um dreifingu á þessum
traktorum. Áður en tilkynnt var um
endanlegt val á dreifiaðila Fiat og
Ford traktora hér á landi var Þór hf.
þegar í viðræðum við John Deere,
stærsta og öflugasta traktorframleið-
anda heims í dag.
Þórður nefnir réttilega að miklar
breytingar eigi sér stað hjá fram-
leiðendum landbúnaðartækja, sem
oft endi í samruna, yfirtöku eða
lokun fyritækja. John Deere fyrir-
tækið á nú þegar í viðræðum við
aðra traktorframleiðendur með sam-
vinnu eða hugsanlega yfirtöku á
þeim í huga.
Eftir stendur óhaggað það sem
sagt var í fyrrnefndri fréttatilkynn-
ingu Þórs hf. um fyrirsjáanleg enda-
lok Ford traktora, og ummæli Þórðar
í garð Þórs hf. og starfsmanna Þórs
hf. hljóta því að dæmast ómerk.
Með þökk fyrir birtinguna.
F.h. Þórs hf.
Oddur Einarsson.
22*94 - FREYR 839