Freyr - 01.12.1994, Blaðsíða 8

Þorsteinn Ólafsson dýralæknir
sýndi fósturvísa og nautasæði í smá-
sjá og sýnd var klaufsnyrting og
klipping á kúm í fjósinu. Margir
ungir og aldnir áttu erindi í fjósið,
sem var við hliðina á keppnisskál-
anum -vélageymslunni- og skilaði
sínum velkunna þef þangað inn. Um
miðjan dag bar svo ein kýrin mynd-
arlegum kvígukálfi, „Peysu“ og
fjöldi manns horfði á. Sumir voru að
sjá kálf fæðast í fyrsta skipti.
Rausnarlegar veitingar
Við aðra hlið skálans var hlaðan
og þar var komið fyrir hlaðborði
með veitingum handa gestum. Þar
þurfti oft að bæta á, enda aðsóknin
mjög góð.
I öðrum enda keppnissalarins var
settur upp smápallur þar sem
harmonikkuleikari sat löngum
stundum og gladdi eyru gestanna
með úrvals spilamennsku.
Menn kváðu rímur og
kváðust á
Þar stigu líka á pall þrír félagar úr
Kvæðamannafélaginu Iðunni og
kváðu rímur kl. 14, 16 og 17. Meðal
þess sem þeir kváðu voru stökur
ortar vegna þessarar samkomu af
Jóhanni Guðmundssyni frá Stapa í
Skagfirði.
Ámesingurinn Kristrún Matthías-
dóttir á Fossi í Hrunamannahreppi
kvaðst á við Borgfirðinginn Erling
Jóhannesson á Hallkelsstöðum í
Hvítársíðu. Sú keppni hófst kl. 15
og stóð í hartnær hálftíma en þá var
dæmt jafntefli. Það var mál manna
að þar hefði skort hljóðkerfi til að
gestir gætu allir notið þeirrar keppni,
en mjög góður áhugi virtist vera á
þeirri grein.
Leið nú að kvöldi, fjósverk hófust
á Stóra-Ármóti kl. 17, Iðunnarfélagar
kváðu síðustu rímumar, keppendur
slökuðu á lúnum vöðvum, nuddari
tók síðustu yfirferð á spenntum
öxlum eins keppandans og gestir,
margir langt að komnir, fóru að leita
uppi ökutæki sín í bílaþvögunni á
túninu. Nokkru síðar fór grillilmur
að berast um sali og göng og um það
bil er fjósverkum lauk, voru borin
fram stór föt með ilmandi kjöti, því
sem var til sýnis fyrr um daginn.
Liðstjórar máta landsins nýjustu peysur. Ljósm. i.h.j.
umar og karlinn fram úr þeim, en
munaði þó aðeins fáeinum sporum.
Fjölbreytt kynning
Meðan þessu fór fram sýndi Guð-
mundur Hallgrímsson rúning annars
staðar í húsinu. Þar sýndi Aðalsteinn
Aðalsteinsson frá Vaðbrekku ullar-
mat og frágang á ull. Ingibjörg
Styrgerður Haraldsdóttir kynnti lín-
rækt og vinnslu. Jón Vilmundarson
ráðunautur sýndi notkun ómmynda-
tækis við mat á kjötgæðum hjá
sauðfé. Hjalti Gestsson ráðunautur
sýndi lambhrúta og gimbrar búsins.
Stefán Sch.Thorsteinson frá Rala
stóð fyrir sýningu á lambsskrokkum
og kynningu á kjötrannsóknum.
Dr. Bragi L. Ólafsson frá Rala
kynnti ránnsóknir varðandi inni-
fóðrun sláturlamba. Kynnt vom for-
rit fyrir ýmsar búgreinar, auk þess
sem Magnús B. Jónsson kynnti
Bændaskólann á Hvanneyri.
Kvœðamenn á palli. F.v.: Ingimar Halldórsson, Sigurðitr Sigurðarson og Erlingur
A. Jónsson. Ljósm. i.h.j.
872 FREYR - 23'94