Freyr - 01.12.1994, Blaðsíða 10

Búrekstur og tilraunastarf
á Möðruvöllum
Þóroddur Sveinsson, Rannsóknastofnun landbúnaðarins,
Möðruvöllum.
Á tilraunastöðvum í landbúnaði er rekinn búskapur til að skapa aðstöðu til
rannsókna. Á Möðruvöllum II í Hörgárdal er kúabú sem nýtt er til rannsókna í
nautgriparœkt og jarðrœkt. Þar er ágœt aðstaða til fóðurtilrauna í tilraunafjósi
og sérhœfðar rannsóknastofur til rannsókna á vetrarþoli plantna og frœgœðum.
Þóroddur Sveinsson.
Skrifstofur og aðstaða til efna-
greininga eru inni á Akureyri þar
sem Búnaðarsamband Eyjafjarðar
og Ræktunarfélag Norðurlands eru
til húsa.
Yfirmaður tilraunastöðvarinnar er
tilraunastjóri sem lýtur yfirstjórn
forstjóra og stjórnar Rannsókna-
stofnunar landbúnaðarins. Auk
rannsóknaskyldu sér hann um fjár-
reiður stöðvarinnar, bæði á búrekstri
og tilraunahluta. Núverandi tilrauna-
stjóri er Þóroddur Sveinsson. Til
viðbótar eru nú starfandi tveir
háskólamenntaðir sérfræðingar með
jarðrækt og nautgriparækt sem aðal-
svið. Þau eru Bjarni E. Guðleifsson
og Sigríður Bjarnadóttir. Þar að auki
starfa margir tímabundið í ákveðn-
um verkefnum svo sem við efna-
greiningar, veðurmælingar, spírun-
arprófanir, fóðurmælingar og jarð-
ræktartilraunir á sumrin. Síðastliðin
þrjú ár hefur verið starfræktur
vinnuskóli hluta úr sumri og hefur
hann séð um vorhreinsun, trjáplönt-
un og snyrtingu í landi Möðruvalla.
Bústjórar (verktakar) og starfsfólk á
þeirra vegum sjá um daglegan bú-
rekstur. Núverandi bústjórar eru
Halldór Gíslason og Vilborg Sigurð-
ardóttir. Á Möðruvöllum búa fimm
barnntargar tjölskyldur, þar af fjórar
sem tengjast tilraunastarfseminni á
einn eða annan hátt.
Hér á eftir verður greint í stuttu
máli frá starfseminni á Möðruvöll-
um í Hörgárdal frant að áramótum
1993-94. Verður meðal annars rætt
um aðstöðu, uppbyggingu og skipu-
lag búrekstrar og tilraunastarfs,
niðurstöður úr skýrsluhaldi og sagt
frá rannsóknastarfseminni.
Aðstaða
Eftirfarandi byggingar tilheyra
RALA á Möðruvöllum: íbúðarhús á
tveimur hæðum byggt 1938, einlyft
íbúðarhús byggt 1979, tilraunafjós
byggt 1984 með 48 básum, miklu
geldneytaplássi og rúmgóðri hlöðu,
Eggertsfjós byggt 1951 sem búið er
að breyta í rannsóknastofur og
sauðfjársæðingarstöð og hlöðunni í
verkfærahús og vélageymslu, Stef-
ánsfjós byggt 1902 sem hefur verið
notað sein hesthús og geymsla,
fjárhús fyrir 400 kindur byggð 1972
og notuð fyrir geldneyti, pakkhús
byggt 1881 og verið er að endurreisa
með tilstyrk Húsfriðunarsjóðs,

SALA
RANNSOKNASIOFNUN LANDBUNAÐARINS
Tilraunastöðin Möðrm öllum

\v»rtiitmAt
\ —-
Möóruvellir II
Möóruvellir IV
Tilraunafjós
Jaróræktarstofur
- kalstofa
- fræstofa
- sýnastofa
Vegaskilti yfir Möðruvelli. (Ljósm. tók ÞóroddurSveinsson).
874 FREYR - 23'94