Freyr - 01.12.1994, Blaðsíða 39
Nýsjálensku gestirnir: Howard Hewitt, Edward O'Reilly og David Mackey.
Freysmynd.
mjög gott og vakti athygli. Síðan var
farið með gestina í Akrafóður, korn-
vinnslustöð Landeyinga; þar er ágæt
aðstaða til að vinna úr því komi sem
þeir framleiða. Við kynntumst þar
vel byggframleiðslu hjá Land-
eyingum, hvemig þeir hafa sam-
vinnu um byggræktina og hvemig
þeir vinna úr því fóðri. Þeir nota
jafnvel hluta af því til sölu til mann-
eldis í brauð eins og fyrr var getið.
Vom Nýfundnalendingarnir mjög
ánægðir með þá heimsókn. Frá
Lágafelli var haldið að
Voðmúlastöðum til Guðlaugs Jóns-
sonar og þar skoðuð fjós, kýr,
fjárhús, sauðfé og hesthús og þar
fengust ýmsar upplýsingar um bú-
skapinn. Móttökur voru prýðilegar.
Athygli vakti hin snyrtilega kapella
á Voðmúlastöðum.
Undir kvöld var ekið að Stóra-
Ármóti í Hraungerðishreppi, til
tilraunabús Bsb. Suðurlands og
Rannsóknastofnunar landbúnaðar-
ins. Þar tók á móti gestunum Gunnar
Ríkharðsson, tilraunastjóri, greindi
gestunum frá starfseminni, sýndi
þeim í fjós og ræddi við þá um starf-
semina. Urðu menn þar ýmiss vísari
um tilraunastarfsemina. Það var allt
ntjög heppnað eins og annað þann
dag.
Nýfundnalendingarnir voru mjög
ánægðir með það sem þeir sáu. Þeir
sáu töluvert af landi, búfé, vélum og
byggingum, og gátu komist í sam-
band við ýmsa aðila sem standa
að landbúnaðarfrantleiðslu; bændur,
ráðunauta, rannsóknaaðila og
vinnslustöðvar.
Reykjabúið og Nesbúið
heimsótt
En gestirnir höfðu áhuga á að
kanna fleiri búgreinar. Þeir vildu
kynnast alifuglarækt og á föstudag
var farið í heimsókn í Reykjabúið í
Mosfellsbæ. Þar sýndi Guðmundur
Jónsson gestunum starfsemina,
ungaframleiðslu, eggjaframleiðslu,
sláturhús og fleira, það var ákaflega
góð heimsókn og margt að sjá.
Þaðan var svo haldið í eggjafram-
leiðslubúið í Nesi á Vatnsleysu-
strönd.
Sigurður Sigurðsson sýndi gest-
unum Nesbúið, sem er mjög snyrti-
legt og vel að öllu þar staðið; þeir
gáfu sér góðan tíma til að skoða
allan búnað og töldu að þetta væri
mjög gott bú, miðað við það sem
þeir þekktu í Nýfundnalandi.
Dagskrá heimsóknarinnar lauk
svo á föstudagskvöldið með því að
Halldór Blöndal, landbúnaðarráð-
herra bauð þremenningunum til
móttöku; Með honum voru ýmsir úr
ráðuneytinu: Sveinbjörn Dagfinns-
son, ráðuneytisstjóri, dr. Sigurgeir
Þorgeirsson, aðstoðarmaður ráð-
herra og fl. Þar gátu menn rætt um
landbúnaðinn vítt og breitt og þeir
þremenningarnir gátu einnig miðlað
upplýsingum frá Nýfundnalandi um
landbúnaðinn þar. Taldi dr. Olafur
R. Dýrmundsson að þessi móttaka
ráðherra hefði verið mjög góður
endir á hinni faglegu dagskrá.
Nýfundnalendingamir höfðu einn
dag frjálsan hér í Reykjavik til að
skoða sig um og hvíla sig eftir
stranga dagskrá. Árdegis á sunnudag
áður en þeir héldu úr landi, fóru þeir
í skoðunarferð austur fyrir fjall í
ágætu veðri; óku sem leið liggur upp
til Gullfoss og Geysis og á fleiri
staði; og í bakaleiðinni niður Ölfus,
um Selvog, um Grindavík, fóru í
Bláa lónið, og enduðu í Leifsstöð.
Ánœgðir með heim-
sóknina
Á dögunum barst Ólafi síðan bréf
frá Nýfundnalendingunum þrem, þar
sem þeir þakka öllum mjög vel fyrir
mótttökurnar. Er þeim þökkum hér
með komið á framfæri til allra sem
greiddu götu þeirra í ferðinni. Þeir
telja sig hafa heimsótt fallegt land
og í öðru lagi hafi þeir fengið ágætt
yfirlit yfir íslenskan landbúnað.
Töldu þeir sig hafa orðið margs
vísari hér um sitthvað sem þeir gætu
haft gagn af heima í Nýfundnalandi.
Eins og áður er getið á landbún-
aður í Nýfundnalandi í vök að verj-
ast. í landinu er 20% atvinnuleysi.
Til frekari fræðslu urn atvinnumál
á Nýfundnalandi skal bent á tvær
greinar sem dr. Ólafur R. Dýr-
mundsson skrifaði um landbúnað í
Nýfundnalandi og birtust í Frey
1994 nr. 1-2, bls. 13-17 og nr. 3, bls.
56-59 en Ólafur var þar á ferð
haustið 1993. Þá kynntist hann
þessum þremur fyrrnefndu mönnum,
einkum Edward O'Reilly. O'Reilly
var hvatamaður að því að þessi ferð
var farin, og fengu þeir styrk frá
landbúnaðarráðuneyti lands síns til
Islandsferðar.
J.J.D.