Freyr - 01.01.1995, Blaðsíða 10
FRR RITSTJÓRN
Breytingar á útgáfumálum landbúnaðarins
Við þessi áramót verða breytingar á útgáfu
Freys. Ákveðið er að síðufjöldi blaðsins verði
minnkaður um nálægt því helming og fjöldi
tölublaða að sama skapi. Jafnframt verður hafin
útgáfa annars blaðs af hálfu bændasamtakanna,
sem hafi skemmri vinnslutíma en Freyr. Það
verður prentað í dagblaðsstærð og sent á öll
sveitaheimili í landinu án endurgjalds. Áætlað er
að útgáfa þess hefjist í mars nk. og að það komi
út hálfsmánaðarlega.
Hinn skammi vinnslutími þess blaðs stuðlar að
því að koma fréttum og tilkynningum mun fyrr á
framfæri við bændur og aðra hlutaðeigandi, en
unnt er í tímariti eins og Frey. Jafnframt er þess
að vænta að bændur og starfsmenn þeirra í hin-
um dreifðu byggðum finni sér hentugan stað til
að koma hugðarefnum sínum á framfæri í hinu
nýja blaði þar sem menn sjá greinar sínar og bréf
til blaðsins birtast fljótt. Þá munu birtast í blað-
inu ýmsar leiðbeiningar um landbúnað, viðtöl og
fræðandi efni. Einnig er stefnt að þvf að auka erl-
ent efni um landbúnað.
Nákvæm verkaskipting á milli Freys og hins
nýja blaðs hefur ekki verið ákveðin, en í Frey
munu birtast ítarlegri greinar um fagleg efni, sem
talið er að lesendur blaðsins vilji eiga aðgang að
þó að nokkuð sé umliðið frá birtingu enda fylgi
blaðinu ítarlegt efnisyfirlit hvers árgangs í árslok
eins og verið hefur. Þá verður leitast við að birta
fræðandi viðtöl og annað efni sem telst ekki til
leiðbeiningaefnis, eins og verið hefur.
Til að ritstýra hinu nýja blaði, sem enn hefur
ekki verið gefið nafn, hefur verið ráðinn Áskell
Þórisson, blaðamaður. Hann hefur víðtæka reynslu
af útgáfu- og kynningarmálum, sem blaðamaður
og ritstjóri um skeið við blaðið Dag á Akureyri,
upplýsingafulltrúi hjá KEA á Akureyri, blaða-
maður hjá DV og nú síðast upplýsingafulltníi hjá
Samkeppnisstofnun í Reykjavfk, þar sem hann
hefur m.a. ritstýrt fréttablaði stofnunarinnar, og er
hann hér með boðinn velkominn til starfa.
Það er von allra sem að þessari endurskipu-
lagningu hafa starfað að hún verði íslenskri
bændastétt og íslenskum landbúnaði til fram-
dráttar, skoðanir og áhugamál bænda nái betur
að koma fram og að allur fréttaflutningur verði
greiðari.
M.E.
Júlíus J. Daníelsson lœtur af störfum við Frey
Er Júlíus J. Daníelsson ritstjóri lætur af störf-
um við Búnaðarblaðið Frey og fyrir Búnaðar-
félag íslands er full ástæða til að þess sé minnst
og hér í blaðinu birtist nokkur þakkarorð.
Ber þá fyrst að gera nánari grein fyrir störfum
Júlíusar og því hvers vegna hann lætur nú af
störfum í lok janúar 1995. Því ræður að Júlíus
varð sjötugur hinn 6. janúar á þrettándanum.
Mundi margir segja að það væri Júlíusi líkt að
eiga þann afmælisdag, sem við bindum við
nokkurt gleðihald, en fæstir tryðu að óreyndu að
hann væri orðinn sjötugur.
En hvað um það, Júlíus hefur í allt unnið 22 ár
við Frey, fyrst sem blaðamaður með Gísla
Kristjánssyni ritstjóra, árin 1954-1959, og síðan
frá því í nóvember 1976 að hann hóf að létta
með undirrituðum sem þá var ritstjóri. Hann
varð aðstoðarritstjóri 1978 og svo annar af rit-
stjórum blaðsins 1980 eða frá því að Matthías
Eggertsson kom að blaðinu sem ritstjóri og
ábyrgðarmaður.
Júlíus hefur á þessum tíma margt skrifað í
blaðið, hann hefur „ritvillurnar skorið“ eins og
forðum var kveðið og ekki síður fært margt til
betri vegar í máli manna. Öll hafa störf hans
miðað að því að gera Frey að læsilegu blaði,
bæði hvað efnið og búning þess, málfarið,
varðar. Júlíus er um margt fróður, um búfræðina,
sem hann nam ungur, um sögu lands og þjóðar
sem hann hefur einnig lagt stund á og svo kann
hann með ágætum sitt móðurmál og önnur. Þó
ekki væri fyrir annað en hve lipur Júlíus er í
6 FREYR -1.’95