Freyr - 01.03.1995, Blaðsíða 5

hefur verið rúið um það leyti sem það hefur
verið hýst á haustin, en þá er ullin hreinust og
minnst þófin. Fyrir úrvalsflokk af ull eru
greiddar 623 kr./kg og leggur reyfið sig þá
auðveldlega á yfir 1000 kr. Sífellt fleiri bændur
hafa séð sér hag í að haustrýja féð og rýja síðan
aftur nokkru eftir áramót.
A árinu var framleiðsla og sala á svínakjöti um
3200 tonn og jókst um rúmlega 12% frá árinu á
undan. Þessi aukning átti sér stað þó að verð á
svínakjöti til bænda hækkaði talsvert á árinu, en
að vísu var það mjög lágt í upphafi árs 1994.
Afkoma svínabænda batnaði þannig á árinu, en
hin aukna framleiðsla náðist að verulegu leyti
með auknum afköstum stofnsins fremur en fjölg-
un lífdýra. Fluttar voru inn frjóvgaðar gyltur frá
Noregi til frekari kynbóta.
Hráefnisverð fóðurs var að mestu óbreytt á
árinu, en skattlagning innflutts fóðurs hefur farið
minnkandi og var síðasti hluti fóðurskatts í
ríkissjóð felldur niður í árslok 1994.
Framleiðsla og sala alifuglakjöts á árinu 1994
var um 1.355 tonn og dróst framleiðsla saman
um 9,6% frá fyrra ári en salan dróst saman um
12,1%. Ein af ástæðunum fyrir þessum sam-
drætti var að fyrir mitt ár kom upp skortur á dag-
gömlum ungum sem dró úr framleiðslu allt fram
undir árslok. Sala á því magni sem á boðsólum
var gekk vel og jafnvel skorti markaðinn
ákveðnar stærðir tímabundið á árinu. Afkoma
framleiðenda í kjúklingarækt hefur verið léleg
undanfarin ár og batnaði lítið á árinu.
Framleiðsla og sala eggja á árinu 1994 var um
2220 tonn og dróst framleiðsla saman um 3,1% og
sala um 2,5% frá fyrra ári. Allgott samræmi er
þannig milli framboðs og eftirspumar. Afkoma
eggjaframleiðenda batnaði nokkuð á árinu, eink-
um á þann hátt að það tókst að draga úr afsláttum
af verði til smásala. Frá árinu 1991 hafa verið flutt
inn frjóegg af bæði varpkynjum og holdakynjum á
vegum Stofnunga sf. Þessi innflutningur hefur
aukið hagkvæmni í alifuglarækt með bæði
auknum afköstum stofnsins og minni vanhöldum.
Á árinu 1994 voru flutt úr 2.758 hross sem er
fjölgun um 273 hross frá fyrra ári. Flest hross
fóru til Þýskalands, 1321, til Svíþjóðar 507,
Danmerkur 282 og Noregs 237 hross, en alls
voru hross flutt út til 17 landa á árinu.
Á árinu voru lögð inn í sláturhús 808 tonn af
hrossakjöti, 1,7% minna en árið áður. Innan-
landssala á hrossakjöti var 560 tonn eða 15,9%
minni en árið áður. Út voru flutt 172 tonn sem er
95,6% meira en árið áður. Þessi útflutningur fór
allur til Japan á góðu verði og án nokkurra
styrkja, en hér er mest um afturhluta skrokka að
ræða, (pístólur).
Mestu umsvifin með hross eru þó hér ótalin en
þau tengjast hestamennsku hvers konar, sýninga-
haldi og hestamannamótum, útreiðum og hesta-
eign þéttbýlisbúa, auk hestaeignar bænda og
annars fólks í dreifbýli. Ljóst er að hestaeign er
algengari en eign nokkurrar annarrar búfjár-
tegundar hér á landi og fylgir því afar fjölþætt
verðmætasköpun, svo sem heysala, hagaganga
og hestaútleiga í tengslum við ferðir á hestum,
lengri og skemmri. Þá má nefna sölu á reið-
tygjum; hnökkum, beislum o.fl., og hvers kyns
öðrum útbúnaði við hestamennsku. Og að lokum
má geta umfangsmikla útgáfustarfsemi tengdri
hrossarækt.
Mjög góð uppskera varð úr gróðurhúsum á
árinu, bæði í grænmetisrækt og í blómarækt. í ár
voru tómatar framleiddir verulega umfram eðli-
lega eftirspurn og leiddi það til óeðlilegra verð-
lækkana. Hluta af sumrinu voru tómatar á verði
sem var lægra en í öðrum löndum Vestur-Evrópu.
Mikið var um að stórmarkaðir notuðu lágt
tómataverð til að draga að sér kaupendur (loss
leader). Innlend samkeppni í blómasölu var alls-
ráðandi og þrátt fyrir að því væri spáð að botn-
inum væri náð á árinu 1993 var meðalskilaverð
töluvert lægra á síðasta ári. Barátta dreifingar-
fyrirtækjanna um hylli kaupmanna þýddi um 20%
afslátt að meðaltali frá heildsöluverði. Sá afsláttur
fer í fæstum tilfellum áfram til neytenda.
í útiræktuðu grænmeti var mikil og góð upp-
skera og lágt verð. Á haustdögum var t.d. selt
hvítkál á 9 kr./kg út úr búð.
Fjárhagsafkoma garðyrkjunnar er slæm og á
skortur á samstöðu framleiðenda umtalsverðan
þátt í því.
Árið 1994 var kartöfluuppskera mjög mikil.
Mældar birgðir í nóvember, þegar þrír mánuðir
voru liðnir af sölutímabilinu, voru um 12 þúsund
tonn. Þar er frátalin föst reiknuð rýrnun. Árleg
innanlandssala er hins vegar 7-8 þúsund tonn,
þannig að 3-4 þús. tonn voru þá til umfram
áætlaða innanlandssölu. Til að bregðast við því
hafa verið fluttar út kartöflur til Noregs. Norskir
kaupendur eru ánægðir með gæði íslenskra kart-
aflna, en þar eru kartöflur fyrst og fremst metnar
eftir þurrefnismagni. Komnar til Noregs fást
3. '95- FREYR 93