Freyr - 01.04.1995, Blaðsíða 49
Hesteigendur athugið!
Bændasamtök íslands vilja af gefnu tilefni koma
eftirfarandi á framfæri:
Búnaðarfélag íslands hefur á undanförnum árum haft forystu um mikið átak í
skráningu á hrossum. Með tilkomu gagnavörslukerfisins Fengs hefur öllum upp-
lýsingunum verið komið í einn öflugan gagnabanka. Gagnabanki Fengs hefur að
geyma upplýsingar um öll grunnskráð hross, þar með talin öll sýnd hross, öll
frostmerkt hross og nú síðast öll útflutt hross, auk þeirra hrossa sem hafa verið
skráð þegar ræktendur hafa skráð ræktun sína. Með þessu móti fær hvert hross
sitt fæðingarnúmer, sína kennitölu. Þetta númer á alltaf að fylgja hrossinu, hvort
sem er til sýninga, við frostmerkingu, sölu eða útflutning.
Nú fer í hönd annatími hjá hesteigendum. Því vilja Bændasamtökin
leggja áherslu á eftirfarandi vinnureglur:
Frostmerkingar: Ef til stendur að frostmerkja þarf fyrst að athuga hvort hrossið
hefur þegar fengið númer, t.d. hvort það sé frá ræktanda sem hefur sín hross
skráð í Feng. Ef ekki ber að ítreka nauðsyn þess að grunnskrá hrossin með góðum
fyrirvara, grunnskráningarblöð fást hjá Bændasamtökunum og búnaðarsam-
böndunum. Það er ekki nóg að mæta með upplýsingarnar þegar frostmerkingin
á að fara fram. Það verður fyrst að ætla tíma til að skrá upplýsingar um hrossin
í Feng og skrifa út vottorðin.
Útflutningur: Hross eru nú ekki flutt út nema þau séu skráð í gagnabanka
Fengs. Það þýðir að útflytjendur verða að gera sér grein fyrir hvaða upplýsingar
eru fyrir hendi og hverjar vantar. Er hrossið sýnt, frostmerkt eða grunnskráð? Ef
svo er, hver er skráður eigandi? Athugið að gögnum þarf að skila minnst
þremur virkum dögum fyrir útflutning.
Sýningar: Þar gilda sömu reglur, hefur hrossið nú þegar númer og er skráður
réttur eigandi ? Allar sýningaskrár og dómaskrár eru skrifaðar út úr gagnabanka
Fengs svo að ekki koma þaðan aðrar upplýsingar en þar eru skráðar.
Grunnskráning: Þær upplýsingar sem hesteigendur þurfa að hafa á takteinum
þegar grunnskrá á hross eru: Fæðingarár, uppruni, foreldrar og fæðingarár
þeirra ( mikilvægt að taka fram ef foreldrar eru númeraðir), auk kennitalna
fyrsta og núverandi eiganda.
Bændasamtökin vilja enn og aftur ítreka að fólk ætli rúman tíma til að
skrá þessar upplýsingar á fullnægjandi hátt.
Bændasamtök íslands
Hrossaræktin
4.’95- FREYR 177