Freyr - 01.06.1995, Blaðsíða 6

Það þarf að hefja
samvinnuhugsjónina
aftur til vegs
Viðtal við Steinólf Lórusson í Ytri-Fagradal í Dalasýslu
Steinólfur Lárusson í Ytri-Fagradal er kunnur fyrir hressilegar skoðanir á mönnum
og málefnum, settar fram á líkingaauðugan og safaríkan hátt. Fréttamaður Freys
lagði leið sína til hans ásamt Jóni Viðar Jónmundssyni, ráðunauti hjá BÍ og tók
Steinólfur gestunum og kvabbi þeirra vel. Fyrst var hann beðinn um að segja á
sér deili.
Heilsan er farin
að láta sig, maður
er farinn að liggja
undir skemmdum,
kominn yfir
sextugt.
Það var gott
að vera í
vorselnum
tneðan dilksverð
fékkst fyrir
skinnið.
Ég er fæddur á þessari þúfu og hef verið
hér síðan. Ég er módel 1928. Skólaganga
mín var í lágmarki, það var dálítið ríkjandi
stefna hjá sumum í þessari sveit að ef
maður færi á búnaðarskóla, þá væri það
vísasti vegur til að verða aumingi. Ég
hefði þó getað farið í skóla ef ég hefði
nennt því, en ég sleppti því, sennilega
hefði ég verið rekinn úr öllum skólum.
Ég datt svo inn í búskapinn hér alveg af
sjálfu sér. Kona mín heitir Hrefna Ólafs-
dóttir, ættuð austan úr Hamarsfirði. Ég var
svo illa kynntur hér að ég varð að fara
langt. Við eigum fjögur börn, þrjár stelpur
og einn strák. Yngsta dóttir mín er farin að
búa hér nteð holdanaut. Ég er sjálfur með
sauðfé. Ég lenti í riðuniðurskurði og dró
þá nokkuð í land, en er með 160 ærgilda
greiðslumark. Það gerði líka að heilsan var
farin að láta sig, maður var farinn að liggja
undir skemmdum, kominn yfir sextugt.
Eitthvað fleira býrð þú þó við?
Já, ég hef hlunnindi af æðarvarpi hér í
eyjum undan landi, en verðið á dúninum
hefur lækkað. Meðan þetta var á einni
hendi hjá SÍS gamla þá gekk þetta sæmi-
lega. Þeir segja manni að það spili inn í
verðfallið að nú sé hætt að nota þetta í her-
gögn, í úlpur fyrir herflugmenn, eftir að
friður braust út.
En jörðin á hér eyjar undan
landi?
Nei, ég keypti þetta, það heyra engar
eyjar hér undir Ytri-Fagradal. Þetta eru 1/4
af Akureyjum. Þar var búið í eina tíð en
ekki mjög lengi. Þetta var áður fyrr nýtt
frá jörðinni Búðardal hér á Skarðsströnd.
Steinólfur Lárusson. (Freysmynd).
Þarna bjó á síðustu öld séra Friðrik
Eggerz, kunnur maður, sem skrifaði end-
| urminningar sínar. Góður búskapur lagðist
af í Akureyjum 1946, en eftir það bjó
þama um nokkur ár einn maður eða til
ársins 1954.
Nýtir þú önnur hlunnindi en
œðardún?
Nei, ekki núorðið, en ég var lengi hér
áður í vorselnum. Það gekk ágætlega
238 FREYR - 6. '95