Freyr - 01.08.1995, Blaðsíða 20

Heimsókn á lífrœnt
býli í Þýskalandi
Dr. Ólafur R. Dýrmundsson, róðunautur, Bœndasamtökum íslands
Svo sem frá var greint í síðasta tölublaði Freys heimsótti höfundur lífrœnt
býli í Þýskalandi í tengslum við ráðstefnuferð til Frankfurt. Hér fjallar hann
um heimsóknina í máli og myndum.
Ritstjóri.
Fjölskyldubú
Á Eichwaldhof í Hessen, efst í
Rínardal, hafa ábúendur og eig-
endur jarðarinnar tekið upp lífræna
búskaparhætti eins og fjölmargir
aðrir þýskir bændur. Flýtt er fyrir
þessari þróun með greiðslu opin-
beixa aðlögunarstyrkja. Peter Först-
er og kona hans Anker reka þar
blandaðan búskap með sonum
sínum tveim. Nánar tiltekið er sá
lífræni búskapur sem þau stunda
kenndur við lífefldan (biodynamic)
landbúnað í samræmi við hugmynd-
ir Rudolfs Steiners og er öll
framleiðslan vottuð undir vöru-
merkinu „DEMETER“ sem er
þekkt víða um heim. Peter er á
sjötugsaldri, var einn umsvifamesti
slátrari í Þýskalandi fyrr á árum og
var kominn yfir miðjan aldur þegar
hann og fjölskylda hans keypti
Eichwaldhof og fór að búa þar.
Þarna er gott undir bú, ágætt rækt-
unarland og góður markaður fyrir
lífrænt vottaðar búvörur. Um 30 km
eru til stórborgarinnar Frankfurt.
Þegar ég kom þangað 2. mars var
vor í lofti þótt veður væri svalt. Líkt
og dæmigert er fyrir lífræn býli búa
þau blönduðu búi, stunda mjólk-
urframleiðslu, framleiða allt fóður
fyrir kýrnar, þ.e. þurrhey, vothey og
bygg og rækta grænmeti, einkum
gulrætur, kartöflur og kál. Græn-
metisafgangar, einkum frá gulróta-
ræktinni, nýtast til fóðurs, og til
viðbótar beitilandinu á Eich-
waldhof, sem allt er ræktað, eru
geldneyti flutt til sumarbeitar í fjall-
lendi handan við dalinn, eins konar
afréttarbeit. Þar sem enginn tilbúinn
áburður er notaður er búfjáráburður
og annað lífrænt hráefni sem til
fellur notað til hins ítrasta. Að
geymslu í safnhaugum og dreifingu
er þannig staðið að útskolun
áburðarefna og mengun verði sem
minnst enda mjög strangar kröfur
um vatnsvernd þar í héraði sem er
Flestar kýrnar á búinu eru af gömlu dökkraudu, hyrndu kyni. Nythœsta kýrin, Klava
23, sem hefur hlotið heiðursverðlaun, sést á miðri myndinni. (Ljósm. O.R.D.)
Á hlaðinu á Eichwaldhof Mjólkurhús og fjós til vinstri, búð í miðju og Idaða til
liœgri. Snyrtimennska er í hávegum höfð. (Ljósm. O.R.D.)
332 FREYR - 8. '95