Freyr - 01.09.1995, Blaðsíða 11

Framleiðnisjóður lagði fram þriðjung af
kostnaði, og Byggingasjóður Rannsókna-
ráðs Islands annan þriðjung, en ríkið beint
hinn þriðja. Það er dæmi um hús sem búið
var að ganga frá fjármögnun á fyrirfram
þannig að á ákveðnum tímapunkti voru
menn tilbúnir að bjóða út og fullgera hús.
Þetta tókst með þeim ágætum að húsinu
var skilað á verði innan við kostnaðar-
áætlun og er dæmi um það hvernig unnt er
að spara fjármuni með því að tryggja
fjármuni fyrirfram.
Annað dæmi hér um er stuðningur við
fjárhúsbyggingu á Hesti, þar sem verið var
að sameina sauðfjárrannsóknir á Hesti og
Hvanneyri. Þar stóðu menn frammi fyrir
þeirri spurningu hvort hætta ætti öllum
sauðfjárrannsóknum á íslandi. Svarið
hlaut að vera nei, enda þýddi það dauða
búgreinarinnar ef ekki væri hægt að stunda
rannsóknir í einhverjum mæli. Og þá er
rökrétt að sú starfsemi fari fram í nánum
tengslum við menntastofnun sem hefur
með höndum starfsmenntun fyrir hinar
hefðbundnu greinar, sem er Bændaskólinn
á Hvanneyri.
Næsta stórverkefni á þessum vettvangi
er að endurnýja fjós á Hvanneyri, bæði
vegna kennslu og rannsókna í nautgripa-
rækt.
Þróunarstörf?
Já, af óbeinum verkefnum Fram-
leiðnisjóðs til stuðnings landbúnaðnum er
næst að nefna þróunarverkefni. Það er að
vísu alltaf spurning um skilgreiningar, en
hér má nefna stuðning við Bænda-
samtökin til að kosta þróun á hugbúnaði
fyrir landbúnaðinn. Þar er búreikninga-
forritið Búbót stærsta verkefnið, en auk
þess ýmis önnur forrit í sambandi við
búfjárræktina.
Síðasti flokkur óbeinna stuðningsað-
gerða er markaðsöflun. Þar má segja að
verkefnin séu tvíþætt, annars vegar stuðn-
ingur við Markaðsnefnd landbúnaðarins
meðan hún var við lýði og eftir það við
Upplýsingaþjónustuna til ýmiss konar
kynningar- og upplýsingastarfs sem unnið
er á vegum hennar.
Hinn þátturinn er beinn verkefnatengdur
stuðningur við markaðssetningu eða vöru-
þróun á kjötvörum eða öðrum afurðum,
ferðaþjónustu, hrossum eða hverju sem
nöfnum tjáir að nefna. Þar er fyrst og
fremst um að ræða stuðning við ákveðin
verkefni. Þetta hefur verið nokkuð stór
þáttur í ráðstöfun fjármuna síðustu 2-3 ár.
Allt þetta óbeina er unnið út frá því
markmiði að verkefnið gagnist frumfram-
leiðslunni.
Hvernig er háttað eftirliti
Framleiðnisjóðs með því hvernig
til tekst með þau verkefni sem
sjóðurinn styrkir?
Segja má að það sé tvíþætt, annars vegar
það sem lýtur að framkvæmdum ein-
staklinga eða félaga þeirra. Eftirlit er þar í
fyrsta lagi í því fólgið að fullnaðarstyrkur
er ekki greiddur fyrr en framkvæmd er
lokið og/eða hún tekin í notkun.
í öðru lagi áskiljum við okkur rétt til að
kalla eftir gögnum frá þeim fyrirtækjum
og einstaklingum sem við veitum styrki
um árangur í rekstri. Þá hefur stjórnin eða
einstakir stjómarmenn gjarnan farið í
heimsóknir til aðila sem notið hafa styrkja
og kynnt sér hvernig til hefur tekist.
Varðandi stuðning við óbein verkefni þá
er eftirlitið fólgið í því að kalla eftir
skýrslum um framkvæmd verkefna og
árangur þeirra.
Hvaða verkefni eru það sem
Framleiðnisjóður telur utan
verkahrings síns að styrkja?
Þar má í fyrsta lagi nefna verkefni sem
njóta stuðnings frá öðrum sjóðum, í öðru
lagi styrkir sjóðurinn ekki framkvæmdir
einstaklinga til að stofna til rekstrar sem er
í mikill samkeppni, þannig að stuðningur
við einn myndi einungis skekkja sam-
keppnisstöðuna. Sem dæmi þá styrkjum
við ekki bónda sem vill breyta fjósi í
svínahús eða öfugt.
Framleiðnisjóður studdi
uppbyggingu loðdýra-
rœktarinnar hér á landi.
Myndin er úr refabúi í
Ytra-Garðshorni í
Svatfaðardal.
(Freysmynd).
Framleiðnisjóður
hefur stutt upp-
byggingu á
rannsóknar-
aðstöðu bœði í
bútœkni, á
Hvanneyri, og í
sauðfjárrœkt, á
Hesti.
9. '95 - FREYR 363