Freyr - 01.04.2001, Blaðsíða 39
íbúum né þeirri matvælafram-
leiðslu sem stunduð er á flestum
þeirra bæja. Því leggur búnaðar-
þing ríka áherslu á úrbætur í þessu
efni.
Samþykkt samhljóða.
Laxeldi í sjó
Búnaðarþing 2001 hvetur til þess
að farið verði með fyllstu gát í
áformum um kvíaeldi á norskætt-
uðum kynbættum laxi við strendur
landsins. Þingið telur að öll slík
áform skuli fara í mat á umhverfis-
áhrifum ef ársframleiðsla þeirra er
meiri en 200 tonn, sbr. viðauka 2 í
lögum um umhverfismat. Ef eldi
verður leyft verði þess gætt í hví-
vetna að það valdi ekki skaða á ís-
lenskum laxa- og silungastofnum.
Gera þarf forrannsóknir og setja
ströng og skýr lagaákvæði um eldið
sem fylgt verði eftir með virku eft-
irliti. Einnig telur þingið nauðsyn-
legt að banna laxeldi á þeim stöð-
um sem telja má sérlega viðkvæma
gagnvart þessari starfsemi.
Samþykkt samhljóða.
Endurskoðun laga um lax- og
silungsveiði
Búnaðarþing 2001 hefur haft til
umfjöllunar tvö frumvörp um
breytingu á lögum um lax- og sil-
ungsveiði nr. 76/1970, þingmál 297
og 389, 2000-2001.
Mál 297
Búnaðarþing leggur til eftirfar-
andi breytingu: I 4. gr. frumvarps-
ins, lið b. komi: „1%“ í stað „2%“.
Mál 389
í 2. lið 75. greinar er kveðið á um
0,25% eftirlitsgjald af brúttósölu-
verði framleiðslu. Þetta samsvarar
nú rúmum 600 kr. á tonn af laxi og
er tvímælalaust óhóflega hátt, auk
þess að slík eftirlitsgjöld mega að
jafnaði ekki vera hærri en sannan-
legur kostnaður við eftirlitið. Bún-
aðarþing telur að taka verði þessi
ákvæði til endurskoðunar.
Greinargerð:
I 92. gr. núgildandi laga um lax-
og silungsveiði er kveðið á um gjald-
töku til Fiskræktarsjóðs. Til hans
greiða þau veiðifélög sem greiða arð
til félagsmanna sinna. Stór hluti af fé
Fiskræktarsjóðs hefur runnið til
Veiðimálastofnunar síðustu árin. Þar
að auki greiða félögin Veiðimála-
stofnun fyrir alla vinnu við vett-
vangsrannsóknir. Það orkar mjög
tvímælis að veiðifélögin eigi þannig
með tvennu móti að fjármagna rekst-
ur ríkisstofnunar og því er lagt til að
lækka gjaldið um helming.
Samþykkt samhljóða.
Efling kornræktar
Búnaðarþing 2001 vekur athygli
á og fagnar þeim árangri sem náðst
hefur í kynbótum og ræktun koms
og leggur áherslu á að stórauka
hana. Jafnframt er skorað á RALA
að efla rannsóknir og fræðslu um
áburðargjöf, yrkjaval, tækni við
þreskingu, verkun og tækni við
gjafír.
Greinargerð:
Kornrækt á Islandi hefur tekið
miklum framförum á síðasta ára-
tug. Með markvissu kynbótastarfi
Rannsóknastofnunar landbúnaðar-
ins hefur tekist að fá yrki sem taka
erlendum yrkjum fram í ræktunar-
öryggi. Nú er svo komið að upp-
skera koms á íslandi er síst lakari
en víða í nágrannalöndum okkar.
Kom er hægt að rækta á miklu
stærri hluta landsins nú en áður.
I allri framleiðslu búvöm skiptir
máli að notað sé fyrsta flokks fóð-
ur, og korn af íslenskri jörð er
vafalítið liður í að viðhalda hrein-
leikaímynd framleiðslu okkar.
Undanfarin ár hefur verið skorið
kom af um 1600 - 1900 ha lands og
framleiðslan verið um 5000 - 7000
tonn. Þessa framleiðslu væri hægt
að auka verulega og framleiða
miklu stærri hluta af því fóðri sem
hér er notað en nú er gert.
Samþykkt samhljóða.
Nýting á birkiskógasvæðum
Búnaðarþing 2001 beinir því til
stjórnar Bændasamtaka íslands að
beita sér fyrir því að landbúnaðar-
ráðuneytið veiti fjármagn til 5 ára
tilraunaverkefnis sem hafi að mark-
miði að stuðla að bættri nýtingu á
sjálfsánum birkiskógarsvæðum.
Greinargerð:
Víða um land hefur vaxið upp
birkikjarr, meðal annars vegna
minnkandi vetrarbeitar sauðfjár.
Kjarrið er víðast hvar mjög þétt og
kræklótt, nánast ófært yfirferðar
nema fuglinum fljúgandi.
Lagt er til að setja af stað 5 ára
áætlun með fjármagni sem svarar til
tveggja ársverka árlega, auk kostn-
aðar vegna tækjabúnaðar. I upphali
verði unnið að áætlun um aðferðir til
grisjunar á slíkum svæðum og
forgangsröðun. Líklegt er að um 10
manns muni vinna við grisjun í
u.þ.b. 2 mánuði árlega. Jafnframt er
lagt til að staðbundnum skógræktar-
verkefnum, þar sem fyrir hendi er
verkkunnátta, t.d. Héraðsskógum
eða Suðurlandsskógum, verði falin
verkstjóm. í lok tímabilsins verði
árangur metinn og tekin afstaða til
frekari aðgerða því að ljóst er að
verkefnin em gríðarleg.
Markmið áætlunarinnar er að
auka beitargildi skóganna verulega,
sem þá mundi létta á beit á við-
kvæmari gróðursvæðum, en vitað
er að hávaxnir og hæfilega þéttir
birkiskógar hafa mikið beitarþol.
Auk þess em slíkir skógar ákjósan-
legir sem skjólskógar til ræktunar
jólatrjáa og hafa mikið útivistar-
gildi fyrir almenning jafnt til veiða
og annars konar útivistar.
Samþykkt samhljóða.
Varnir gegn sjúkdómum og
meindýrum í plöntum
Nefndin leggur til að málinu
verði vísað frá vegna þess að það
sem farið er fram á í erindinu hefur
þegar verið framkvæmt.
Samþykkt samhljóða.
FR€VR 3/2001 - 39