Elektron - 01.11.1921, Blaðsíða 4
34
ELEKTRON.
menn sína, en nú ætti stjórnin að
liefjast handa, því framtíð símans,
hvort hann á að geta boðið almenn-
ingi jafn góða afgreiðslu og símar
annarsstaðar, fer eftir því hvort starfs-
menn hans eru duglegir og vel ment-
aðir í starfi sínu, því það eru þeir
sem eru vöðvar símans og sem í
framtíðinni eiga að stjórna honum.
Stööur muau landssímans.
Landsíminn er nú orðið stórfyrir-
tæki, sem hefir í þjónustu sinni fjölda
manns, sem launað er mismunandi,
eftir því hvaða starf maðurinn hefir
á hendi, og eru vissar reglur fyrir
því hvernig menn flytjasl úr einum
flokki i annan.
Innan símans losna árlega fleiri eða
færri stöður og hefir mönnum þá
oftast verið gefinn kostur á að sækja
um þær og þar með fengið tækifæri
til að komast í hetri launaflokk. Relta
ætti ætíð að vera sjálfsögð regla, en
þó hefir oft verið breytt frá lienni
og nokkrar af hinum betri stöðum
innan simans verið veittar, án þess
að þær hafi verið auglýstar til um-
sóknar. Hefir þetta orðið til þess að
vekja almenna óánægju innan stétt-
arinnar, en þó hefir tólfunum þótt
fyrst kastað, þegar utansímamönnum
hafa verið veittar stöðurnar og þar
með gengið fram hjá mönnum innan
simans, sem að flestra dómi væru
færari og sjálísagðari til að fá þær.
Ef slík stefna sem þessi á að ráða
innan símans, getur það haft hinar
alvarlegustu afleiðingar í för með sér
fyrir landsímann sjálfann, því hvernig
á landsiminn að geta í framtíðinni
fengið framgjarna og áhugasama
menn í þjónustu sína, ef þeim er
ekki gefið neitt mark til að vinna að?
Nei, með slíkri stefnu í stjórn sím-
ans hlytu að eins að veljast skussar
i þjónustuna, og þar af leiðandi hlyti
afgreiðslan öll í heild sinni að standa
langt að baki því sem sæmilegt er
talið annarsstaðar.
Laun símamanna hafa aldrei verið
svo góð sem skyldi, og vanalega að
mun lægri en laun þau sem einkafé-
lög hér á landi hafa greitt starfs-
mönnum sínum, nema ef vera skyldi
nú siðustu árin, meðan dýrtíðarupp-
bótin hefir verið hæst. En nú þegar
uppbótin lækkar og launin þar með
færast niður, má búast við að leiti í
sama farið og fyrir stríðið, að laun
innan símans verði lægri en hjá
einkafélögum. Ef að svo fer, er lík-
Iegt að starfsmenn símans leiti frá
honum til annara betri slarfa, eink-
um ef þeir sjá, að til lítils er að
híða eftir hetur launuðum stöðum
innan símans.
Rað er því lífsskilyrði fyrir lands-
simann, ef liann vill halda áhuga-
sömum og góðum starfsmönnum sín-
um í framtiðinni, að ýta undir þá
til þess að verða sem best að sér í
starfi sínu, og gefa þeim kost á, þeg-
ar svo ber undir, að sækja um betri
stöður, sem þá ætíð ættu að vera
veittar, að öðru jöfnu, þeim sem
lengst hafði verið í þjónustunni.
Harding forsetl talar 5700 mílnr.
Lengsta talsímasamband er fengist
hefir, var 11. apríl síðastl., er Harding
forseti Bandaríkjanna opnaði talsima-
sambandið milli Bandaríkjanna og
Cuba. Samtalið fór fram í sjó, á landi
og í lotti, frá Catalina Island (fyrir
vestan San Franciso) þvert yfir Banda-
ríkin, til Cuba.